ព័ត៌មានជាតិ
លទ្ធផល នៅភ្នំពេញយប់មិញ! អ្នកល្មើសបម្រាមគោចរ ២១ នាក់ ត្រូវបានឃាត់ខ្លួន
លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នៅយប់ថ្ងៃទី៣ ខែសីហា ឆ្នាំ២០២១ បានអញ្ជើញចុះត្រួតពិនិត្យ និងបញ្ជាដោយផ្ទាល់តាមគ្រប់គោលដៅតូចធំ តាមច្រកផ្លូវតូចធំ ក្នុងភូមិសាស្ត្រខណ្ឌនានាក្នុងរាជធានីភ្នំពេញ ទៅលើការអនុវត្តបម្រាមគោចរ របស់មន្ត្រីតាមគ្រប់គោលដៅ។
លោកឧត្តមសេនីយ៍ឯក ស ថេត ចុះទៅផ្ទាល់យ៉ាងដូច្នេះ ក៏ដើម្បីត្រួតពិនិត្យមើលថា តើនៅមានទីតាំងណា បើកល្មើសបម្រាមគោចរឬទេ? ថាតើនៅមានក្រុមជួបជុំផឹកស៊ីល្មើស នឹងបម្រាមគោចរដែរឬទេ? ហើយបើនៅមាន គឺត្រូវតែអនុវត្ត ឲ្យបានតឹងរឹងបំផុត ចំពោះអ្នកល្មើសទាំងនោះ ត្រូវនាំខ្លួនទៅស្នងការដ្ឋាន នគរបាលរាជ ធានីភ្នំពេញ ដើម្បីធ្វើការផាកពិន័យ និងបើល្មើសធ្ងន់ធ្ងរ ត្រូវតែអនុវត្តវិធានការច្បាប់។ នេះបើតាមការឲ្យដឹងពីលោកវរសេនីយ៍ឯក សាន សុខសីហា ជំនួយការស្នងការ និងជាអ្នកនាំពាក្យ នៃស្នងការដ្ឋាននគរបាលរាជធានីភ្នំពេញ។
លោកវរសេនីយ៍ឯក សាន សុខសីហា បានថ្លែងប្រាប់អ្នកសារព័ត៌មានកម្ពុជាថ្មី នៅព្រឹកថ្ងៃពុធនេះថា នៅយប់ថ្ងៃទី៣ ខែសីហា ឆ្នាំ២០២១ កម្លាំងសមត្ថកិច្ចរាជធានីភ្នំពេញ បានឃាត់ខ្លួនមនុស្សចំនួន២១ ដែលបានល្មើសបម្រាមគោចរ។ ក្នុងនោះ នៅខណ្ឌជ្រោយចង្វារ ចំនួន១៦នាក់, ខណ្ឌកំបូលម្នាក់, ខណ្ឌទួលគោកម្នាក់, និងនៅខណ្ឌពោធិ៍សែនជ័យ ចំនួន៣នាក់។
អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានបញ្ជាក់បន្ថែមថា ចំពោះមនុស្ស ទាំង២១នាក់នេះ សមត្ថកិច្ចនៅរង់ចាំបទបញ្ជា របស់គណៈបញ្ជាការឯកភាព រដ្ឋបាលរាជធានីភ្នំពេញជាមុនសិន មុននឹងបន្តចំណាត់ការបែបណាទៀតនោះ។ លោកថា «គ្មានអប់រំទៀតទេ បើមិនផាកពិន័យ គឺបញ្ជូន (ទៅតុលាការ) អញ្ចឹងបើយើងចាប់ហើយ អត់មានអប់រំទៀតទេ បើយើងចាប់ឃាត់ហើយ មានតែធ្វើការផាកពិន័យ ឬក៏បើសិនជាធ្ងន់ធ្ងរ គឺយើងត្រូវបញ្ជូនទៅតុលាការ អនុវត្តតាមនីតិវិធី ព្រោះច្បាប់ពាក់ព័ន្ធ នឹងបញ្ហាកូវីដមាន ហើយអនុគណៈកម្មការច្បាប់ ទាក់ទងនឹងកូវីដហ្នឹង ក៏មានដែរ»។
គួរកត់សម្គាល់ថា នៅយប់ថ្ងៃទី៣ ខែសីហា ឆ្នាំ២០២១ ក៏គេសង្កេតឃើញ កងកម្លាំងអន្តរាគមន៍ពិសេស នៃស្នងការដ្ឋាន នគរបាលរាជធានីភ្នំពេញ (SDU) បានពាក់សម្លៀកបំពាក់ឈុតពេទ្យ ចេញប្រតិបត្តិការណ៍ តាមផ្លូវតូចធំ ដើម្បីចាប់អ្នកជួបជុំផឹកស៊ី និងអ្នកបើកអាជីវកម្មផ្សេងៗ ដែលល្មើសនឹងបម្រាមគោចរ យកធ្វើការផាកពិន័យ និងអនុវត្ត តាមវិធានការច្បាប់ផងដែរ៕ (ដោយ)៖ ឃួន សុភ័ក្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង