ព័ត៌មានជាតិ

អាជ្ញាធរក្រុងសំរោង កំណត់យកភូមិចំនួន៨ ក្នុងសង្កាត់អូរស្មាច់ ដាក់ជាតំបន់ក្រហម និងលឿងទុំ

បានផុស

៣ years មុន

នៅ

ថ្ងៃពុធ ៤ សីហា ២០២១

ដោយ

ព្រឹកថ្ងៃទី០៤ ខែសីហា ឆ្នាំ២០២១ លោក អ៊ុន សុភ័ក្រ អភិបាលនៃគណៈអភិបាលក្រុងសំរោង និងជាប្រធានគណៈបញ្ជាការឯកភាពរដ្ឋបាលក្រុង បានដឹកនាំក្រុមការងារ ចុះអនុវត្តគោលការណ៍កំណត់ តំបន់ក្រហម នៅក្នុងសង្កាត់អូរស្មាច់ ដោយបានផ្អាករាល់សកម្មភាពអាជីវកម្មនានា ការធ្វើដំណើរចេញក្រៅផ្ទះ ( លើកលែងតែការធ្វើដំណើរទៅចាក់វ៉ាក់សាំង និងសកម្មភាពមួយចំនួន ដែលត្រូវបានអនុញ្ញាតនៅក្នុងតំបន់ក្រហម)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភូមិដែលត្រូវបានកំណត់ជាតំបន់ក្រហមរួមមាន៖ ភូមិរួតចំប៉ី ភូមិអភិវឌ្ឍន៍ ភូមិគិរីមង្គល ភូមិដើមជ្រៃ និងភូមិចំការចេក នៃសង្កាត់អូរស្មាច់ ។ ចំណែកភូមិអូរខ្លាឃ្មុំ ភូមិស្រះទឹក ជាតំបន់លឿងទុំ។

អាជ្ញាធរក្រុង សូមស្នើសុំយ៉ាងទទូច ចំពោះប្រជាពលរដ្ឋទាំងអស់ សូមមេត្តាជួយចូលរួមសហការជាមួយអាជ្ញាធរមានសមត្ថកិច្ច នៅក្នុងកាលៈទេសៈដ៏លំបាកនេះ។ ពិតណាស់ហើយថា ប្រសិនបើប្រជាពលរដ្ឋទាំងអស់ ចូលរួមសហការគ្នា និងអត់ធ្មត់ក្នុងការលំបាកក្នុងរយៈពេលខ្លី នោះយើងនឹងអាចឈានទៅដល់ការគ្រប់គ្រងបាន លើខ្សែសង្វាក់នៃការចម្លង និងឈានទៅដល់ការកាត់ផ្ដាច់ទាំងស្រុង នូវការឆ្លងរីករាលដាលនៃជំងឺកូវីដ-១៩ ក្នុងសហគមន៍៕

អត្ថបទ ៖ ចាន់ ធី