ព័ត៌មានជាតិ
ទំនាស់ដីធ្លីនៅស្រុកទឹកឈូ អ្នកភូមិ និងម្ចាស់ដីថ្មីចេញមុខការពាររៀងខ្លួន
(ខេត្តកំពត)៖ ប្រជាពលរដ្ឋប្រមាណ៦០គ្រួសាររស់ក្នុងឃុំស្ទឹងកែវ ស្រុកទឹកឈូ ខេត្តកំពត កំពុងផ្ទុះប្រតិកម្មយ៉ាងពុះកញ្រ្ជោល ខណៈមានគេយកគ្រឿងចក្រមកកាយផ្តាច់ផ្លូវត្រង់ចំណុចភ្នំតាអ៊ុយ ស្ថិតក្នុងភូមិត្រពាំងកក់ ឃុំស្ទឹងកែវ ស្រុកទឹកឈូ ខេត្តកំពត។
ប្រជាពលរដ្ឋរាប់រយនាក់ដែលមានដីចម្ការស្ថិតក្បែរភូមិសាស្ត្រនោះ បានរៀបរាប់ដូចគ្នាថា រយៈពេលថ្មីៗនេះបុគ្គលម្នាក់ ឈ្មោះ លីង អាយហ័រ ភេទស្រី អាយុប្រហែលជាង៥០ឆ្នាំ រស់នៅទីរួមខេត្តកំពត បានមកទិញដីប្រជាពលរដ្ឋនៅទីនេះ រួចហើយបានយកគ្រឿងចក្រមកជីកកាយបំបិទផ្លូវមិនឲ្យប្រជាពលរដ្ឋឆ្លងកាត់។ ប្រជាជនប្រាប់ថា ផ្លូវដែលឈ្មោះ លីង អាយហ័រ កាយបំបិទនេះគឺជាផ្លូវសាធារណៈដែលពលរដ្ឋក្នុងតំបន់ធ្លាប់ធ្វើដំណើរឆ្លងកាត់ជាយូរមកហើយ។ តំបន់នេះមានផ្លូវចេញចូលតែមួយនេះទេ ដែលអាចឲ្យពួកគេធ្វើដំណើរទៅមក និងដឹកកសិផលចេញពីចម្ការយកទៅលក់ដោះដូរនៅតាមទីផ្សារនានាក្នុងភូមិសាស្ត្រខេត្តកំពត ចុះបើបិទផ្លូវអីញ្ចឹងតើឲ្យពួកគាត់ត្រូវធ្វើចរាចរចេញចូលតាមណាទៅ..?។
ចំពោះករណីឈ្មោះលីង អាយហ័រ យកគ្រឿងចក្រកាយបំបិទផ្លូវនេះ ប្រជាជនដែលចុះតវ៉ាក៏បានធ្វើពាក្យបណ្តឹងអាជ្ញាធរឃុំឲ្យជួយរកដំណោះស្រាយដែរ ប៉ុន្តែរហូតមកដល់ថ្ងៃទី២៤ ខែវិច្ឆិកា ឆ្នាំ២០២០នេះ ហាក់នៅតែមិនទាន់ឃើញគោលការណ៍ដោះស្រាយនៅឡើយទេ។
ប្រជាពលរដ្ឋក៏សំណូមពរដល់អាជ្ញាធរគ្រប់លំដាប់ថ្នាក់ ពិសេស ឯកឧត្តម ជាវ តាយ អភិបាលខេត្តកំពត សូមមេត្តាជួយអន្តរាគមន៍ចំពោះករណីដូចបានរៀបរាប់នេះផង។
ទាក់ទិននឹងការចោទប្រកាន់នេះ អ្នកស្រី លីង អាយហ័រ បានប្រាប់អ្នកកាសែតនៅរសៀលថ្ងៃទី២៤ ខែវិច្ឆិកា ឆ្នាំ២០២០នេះថា អ្នកស្រីពិតជាមានគោលបំណងបិទផ្លូវនៅចំណុចភូមិត្រពាំងកក់ ឃុំស្ទឹងកែវ ប្រាកដមែន ព្រោះថាដីដែលនៅអមសងខាងផ្លូវនេះជាដីរបស់គាត់បានទិញពីពលរដ្ឋទាំងអស់រួចទៅហើយ ប៉ុន្តែមុននឹងបិទផ្លូវអ្នកស្រីក៏បានធ្វើផ្លូវវៀងមួយទៀតនៅតាមក្រវាត់ព្រំដីរបស់គាត់សម្រាប់ឲ្យពលរដ្ឋធ្វើដំណើរផងដែរ។
ជុំវិញរឿងរ៉ាវខាងលើ លោក ប្រាក់ សាមឿន មេឃុំស្ទឹងកែវ បានប្រាប់អ្នកយកព័ត៌មាននៅព្រឹកថ្ងៃទី២៤ ខែវិច្ឆិកា ឆ្នាំ២០២០នេះថា ចំពោះបញ្ហាទំនាស់នេះ លោកពិតជាបានទទួលបានបណ្តឹងមែន ហើយលោកនឹងទៅធ្វើការដោះស្រាយនៅវេលាម៉ោង៨ព្រឹកថ្ងៃស្អែក ទី២៥ ខែឆ្នាំដដែល៕
អត្ថបទ៖ សេង ណារិទ្ធ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២៤ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល