ព័ត៌មានជាតិ
សម្តេចសខេងណែនាំឱ្យអភិបាលរាជធានីខេត្តសហការជាមួយគ.ជ.បក្នុងការពិនិត្យបញ្ជីឈ្មោះនិងការចុះឈ្មោះបោះឆ្នោតឆ្នាំ២០២១
ភ្នំពេញ ៖ សម្តេចក្រឡាហោមស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃបានណែនាំដល់អភិបាលរាជធានីខេត្តផ្តល់កិច្ចសហការដល់គណៈកម្មាធិការជាតិរៀបចំការបោះឆ្នោតគ.ជ.ប និងធ្វើការណែនាំដល់រដ្ឋបាលឃុំ សង្កាត់សម្របសម្រួល សហការ ជាមួយមន្ត្រីបោះឆ្នោតក្នុងការផ្តល់លិខិតអញ្ជើញពិនិត្យបញ្ជីឈ្មោះនិងការចុះឈ្មោះបោះឆ្នោតឆ្នាំ២០២១ដល់ប្រជាពលរដ្ឋដែលមានឈ្មោះក្នុងបញ្ជីបោះឆ្នោត ឆ្នាំ២០២០ ដោយត្រូវគោរពតាមវិធានការរបស់ក្រសួងសុខាភិបាល។
តាមរយៈសេចក្តីជូនដំណឹងរបស់ក្រសួងមហាផ្ទៃចុះថ្ងៃ០៤សីហា សម្តេចក្រឡាហោម សខេង បានមានប្រសាសន៍ថា « ខ្ញុំសូមជម្រាបជូន ឯកឧត្តម លោកជំទាវអភិបាលនៃគណៈ អភិបាលរាជធានី ខេត្ត ជ្រាបថា គណៈកម្មាធិការជាតិរៀបចំការបោះឆ្នោតនឹងផ្ដល់លិខិតអញ្ជើញប្រជាពលរដ្ឋ ដែលមានឈ្មោះក្នុងបញ្ជីបោះឆ្នោតឆ្នាំ២០២០ ឱ្យមកពិនិត្យផ្ទៀងផ្ទាត់ឈ្មោះ និងទិន្នន័យរបស់ខ្លួនក្នុងបញ្ជី បោះឆ្នោត ចាប់ពីថ្ងៃទី១២ ខែកញ្ញា ដល់ថ្ងៃទី១១ ខែតុលា ឆ្នាំ២០២១ ដើម្បីបម្រើឲ្យការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២១»។
សម្តេចក្រឡាហោមបានបន្តថា ដើម្បីឱ្យដំណើរការនៃការផ្តល់លិខិតអញ្ជើញនេះប្រព្រឹត្តទៅដោយ រលូន និងមានប្រសិទ្ធភាព ក្រសួងមហាផ្ទៃសូមឲ្យរដ្ឋបាលរាជធានី ខេត្តផ្តល់កិច្ចសហការដល់គណៈ កម្មាធិការជាតិរៀបចំការបោះឆ្នោត និងធ្វើការណែនាំដល់រដ្ឋបាលឃុំ សង្កាត់សម្របសម្រួល សហការ ជាមួយមន្ត្រីបោះឆ្នោតក្នុងការផ្តល់លិខិតអញ្ជើញនេះ ដល់ប្រជាពលរដ្ឋដែលមានឈ្មោះក្នុងបញ្ជីបោះឆ្នោត ឆ្នាំ២០២០ ដោយត្រូវគោរពតាមវិធានការរបស់ក្រសួងសុខាភិបាល និងវិធានការ “៣ការពារ ៣កុំ” របស់ សម្តេចតេជានាយករដ្ឋមន្ត្រី នៃព្រះរាជាណាចក្រកម្ពុជា ក្នុងការទប់ស្កាត់ការរីករាលដាលនៃជំងឺកូដ-១៩។
សម្តេចក្រឡាហោមសខេង បានបញ្ជាក់ថា អាស្រ័យហេតុនេះ សូម លោកលោកស្រីជាអភិបាលនៃគណៈអភិបាលរាជធានី ខេត្ត ជ្រាបនិងចាត់ចែងអនុវត្តឱ្យមានប្រសិទ្ធភាព៕
ដោយ ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង