ព័ត៌មានជាតិ
សកម្មភាពសង់ខ្ទមយកដីរដ្ឋខុសច្បាប់តាមផ្លូវជាតិលេខ ៧៨ កំពុងរីករាលដាលកាន់តែច្រើន
ស្ទឹងត្រែង៖ ខណៈពេលដែលអាជ្ញាធរកំពុងជាប់ដៃខ្លាំងក្នុងការប្រយុទ្ធប្រឆាំង និងការរាតត្បាតនៃជំងឺកូវីដ-១៩ ជនល្មើសដែលធ្លាប់ធ្វើសកម្មភាពបំពាន និងរំលោភយកដីធ្លីរបស់រដ្ឋ ឬ ដីរបស់ក្រុមហ៊ុនសម្បទាន បានបន្តសកម្មភាពរបស់ខ្លួននៅពេលយប់ កាប់រានព្រៃ សង់ខ្ទមឈើ និងបោះបង្គោលយកដីធ្វើជាកម្មសិទ្ធិរបស់ខ្លួន យ៉ាងសកម្ម។ ជាក់ស្តែងខ្ទមឈើជាច្រើនត្រូវបានសង់ទាំងយប់យកដីរដ្ឋខុសច្បាប់តាមសងខាងផ្លូវជាតិលេខ ៧៨ ចាស់ស្ថិតក្នុងភូមិច្រប់ ឃុំក្បាលរមាស ស្រុកសេសាន ខេត្តស្ទឹងត្រែង។ មកដល់ពេលនេះមិនទាន់សមត្ថកិច្ចពាក់ព័ន្ធណាមួយបានចុះបង្រ្កាបនៅឡើយទេ។
ក្នុងពេលថ្មីៗនេះគេសង្កេតឃើញសំណង់ខ្ទមឈើលើដីរបស់រដ្ឋ និងដីរបស់ក្រុមហ៊ុនសម្បទាន ដោយខុសច្បាប់បានរីកដុះដូចផ្សិត ដោយមិនទាន់មានការបង្រ្កាបនៅឡើយ។ សកម្មភាពថ្មី និង តូចៗនេះប្រសិនជាទុកយូរវានឹងរីកធំ ហើយនឹងបង្កឱ្យមានភាពស្មុគស្មាញទៅជាជម្លោះដីធ្លីរវាងប្រជាជន និងរដ្ឋ ឬក្រុមហ៊ុន ដែលរឿងបែបនេះបានកើតមាននៅក្នុងសង្គមកម្ពុជាដោះស្រាយមិនចេះចប់មិនចេះហើយ។
អាជ្ញាធរឃុំនៅទីនោះបានអះអាងថា នៅអមសងខាងផ្លូវជាតិលេខ ៧៨ ចាស់ ពីចំណុចភូមិច្រប់ ទៅភូមិស្រែតាចាន់ ស្ថិតក្នុងឃុំក្បាលរមាសមាន ស្រុកសេសាន មានប្រជាជននាំគ្នាទៅសង់ខ្ទមឈើបន្តគ្នាយ៉ាងអនាធិបតេយ្យដើម្បីយកដីធ្វើជាកម្មសិទ្ធិ។ សកម្មភាពទន្ទ្រានព្រៃសង់ខ្ទមឈើនោះធ្វើឡើងភាគច្រើននៅពេលយប់។
មេឃុំក្បាលរមាស លោក វឿន សម្បត្តិ បានប្រាប់ឱ្យដឹងកាលពីថ្ងៃទី៥ ខែសីហា ឆ្នាំ២០២១ថា ក្រុមអ្នកសង់ខ្ទមឈើភាគច្រើនគឺជាប្រជាជនរដ្ឋក្នុងតំបន់នោះ អ្នកខ្លះមានដីរួចទៅហើយនៅតែចង់បានទៀត។ លោកមេឃុំបានបន្តថា ករណីនេះអាជ្ញាធរ និងមន្ត្រីជំនាញពាក់ព័ន្ធបានលើកឡើងក្នុងអង្គប្រជុំជាច្រើនដងរួចមកហើយ តែមន្រ្តីជំនាញហាក់ដូចជាមិនមានសកម្មភាពអ្វីនោះទេ។ បើតាមលោកមេឃុំអ្នកទទួលខុសត្រូវលើដីទាំងនេះគឺជាមន្ត្រីរដ្ឋបាលព្រៃឈើ និងក្រុមហ៊ុន សុភ័ក្រ្ត នីកា។
លោក វឿន សម្បត្តិ បានប្រាប់ឱ្យដឹងទៀតថា ក្រុមហ៊ុន សុភ័ក្រ នីកា បន្ទាប់ពីទទួលបានដីសម្បទានសេដ្ឋកិច្ចហើយ ហាក់ដូចជាមិនមានការអភិវឌ្ឍអ្វីនៅចំណុចនេះទេ ហើយក៏មិនបានកាយប្រឡាយព្រំដើម្បីជាសញ្ញាសម្គាល់របស់ក្រុមហ៊ុនដែរ ទើបប្រជាជនចេះតែនាំគ្នាទៅព័ទ្ធយកដី ធ្វើឱ្យអាជ្ញាធរស្មុគស្មាញមានការពិបាកក្នុងការដោះស្រាយ។
ចំណែកលោក អន ចាន់សុជាតិ នាយខណ្ឌរដ្ឋបាលព្រៃឈើស្ទឹងត្រែងបានបញ្ជាក់ថា ករណីសង់ខ្ទមឈើយកដីដើម្បីធ្វើជាកម្មសិទ្ធិ នៅភូមិសាស្ត្រផ្លូវជាតិលេខ ៧៨ចាស់ ស្ថិតក្នុងភូមិច្រប់ ឃុំក្បាលរមាស ស្រុកសេសាន សមត្ថកិច្ច និងមន្រ្តីរដ្ឋបាលព្រៃឈើកំពុងស្រាវជ្រាវរកអ្នកនៅពីក្រោយខ្នងបំផុសឱ្យពលរដ្ឋចាប់ដីខុសច្បាប់ ដើម្បីមានចំណាត់ការតាមផ្លូវច្បាប់៕
អត្ថបទ៖ ណារី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង