ព័ត៌មានជាតិ
មន្រ្តីសុខាភិបាលកម្ពុជា ឆ្លើយតប ការអំពាវនាវឱ្យផ្អាកការចាក់វ៉ាក់សាំងដូសទី៣
ភ្នំពេញ៖ លោក ស្រី វេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាលនិងជាប្រធានគណៈកម្មការចំពោះកិច្ចចាក់វ៉ាក់សាំងក្នុងក្របខណ្ឌទូទាំងប្រទេសបានមានប្រសាសន៍នៅព្រឹកថ្ងៃទី៦សីហានេះថា ការសម្រេចផ្អាកឬមិនផ្អាកក្នុងការចាក់វ៉ាក់សាំងដូសទី៣ឬដូសជំរុញនេះ គឺអាស្រ័យទៅលើការសម្រេចដ៏ខ្ពង់ខ្ពស់របស់ប្រមុខរដ្ឋាភិបាលទេ។
ការលើកឡើងរបស់លោកស្រី បានធ្វើឡើងបន្ទាប់ពីប្រធានអង្គការសុខភាពពិភពលោក បានអំពាវនាវដល់ប្រទេសធំៗពិសេសប្រទេសអ្នកមាន ផ្អាកការចាក់វ៉ាក់សាំងដូសទី៣ដល់ប្រជាជនសិន ដោយទុកវ៉ាក់សាំងសម្រាប់ជួយដល់ប្រទេសក្រីក្រឬមានប្រាក់ចំណូលទាបនៅលើពិភពលោក ដែលកំពុងខ្វះវ៉ាក់សាំងចាក់ដល់ប្រជាពលរដ្ឋរបស់ខ្លួន។
លោកស្រីបានបន្តថា «ប៉ុន្តែបច្ចុប្បន្ននេះយើងនៅមិនទាន់បានចាក់ដូសទី៣ដល់ប្រជាពលរដ្ឋយើងនៅឡើយទេ»។
នៅក្នុងយុទ្ធនាការចាក់វ៉ា់សាំងដល់កុមារនិងយុវវ័យចាប់ពីអាយុ១២ឆ្នាំដល់១៧ឆ្នាំ កាលពីថ្ងៃទី០១សីហានៅវិមានសន្តិភាព សម្តេចនាយករដ្ឋមន្ត្រីបានប្រកាសចាក់វ៉ាក់សាំងដូសទី៣ ដល់ប្រជាពលរដ្ឋដែលបានចាក់វ៉ាក់សាំងស៊ីណូហ្វាមឬស៊ីណូវ៉ាក់ចំនួន២ដូសរួចហើយ ដើម្បីជួយជំរុញអង់ទីគ័រឬអង្គបក្ខដិបក្ខរបស់អ្នកចាក់កាន់តែល្អប្រសើរថែមទៀត ក្នុងការការពារការឆ្លងជំងឺកូវីដ១៩។
សម្តេចបានបន្តថា ការចាក់ដូសទី៣នេះ គឺយកវ៉ាក់សាំងអាស្ត្រាហ្សេណេកាដោយសម្តេចបានបញ្ជាក់ថាអាចចាក់ដូសទី៣បាន លុះត្រាតែចាក់វ៉ាក់សាំងរួចចាប់ពី៦ខែទៅ១ឆ្នាំ ដោយចាក់លើក្រុមជួរមុខមានប្រមាណ៥០ម៉ឺនទៅ១លាននាក់។
គួរបញ្ជាក់ថា កាលពីថ្ងៃពុធ ប្រធាន WHO លោក Tedros Adhanom Ghebreyesus បានអំពាវនាវឲ្យបញ្ឈប់ការចាក់វ៉ាក់សាំងដូសជំរុញឬដូសទី៣ រហូតដល់យ៉ាងហោចណាស់ចុងខែកញ្ញា ដើម្បីទុកវ៉ាក់សាំងសម្រាប់ផ្គត់ផ្គង់ប្រទេសក្រីក្រ ឬមានប្រាក់ចំណូលទាប ខណៈប្រទេសធំៗបានត្រៀមចាក់ដូសទី៣ ដើម្បីប្រជាពលរដ្ឋរបស់ខ្លួន ដោយមិនអើពើនឹងការអំពាវនាវរបស់អង្គការសុខភាពពិភពលោក (WHO) ឡើយ៕
អត្ថបទ៖ សំអឿន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ