ព័ត៌មានជាតិ
ស្នើសុំភាគីជប៉ុនបន្តជួយអង្គភាពរដ្ឋាករទឹកសាធារណៈ ដើម្បីបង្កើនសមត្ថភាពគ្រប់គ្រងដល់ការប្រើប្រាស់ទឹកជូនពលរដ្ឋ
លោកកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានថ្លែងនូវការស្នើសុំឲ្យភាគីជប៉ុនបន្តជួយដល់អង្គភាពរដ្ឋាករទឹកសាធារណៈ ដើម្បីឲ្យគេមានសមត្ថភាគ្រប់គ្រងកាន់តែមានប្រសិទ្ធភាព ដែលថ្ងៃក្រោយអង្គភាពនោះ អាចនឹងក្លាយជាអង្គភាព ស្វយ័ត បានពិសេសដើម្បី បង្កើនសមត្ថភាគ្រប់គ្រងដល់ការប្រើប្រាស់ទឹកជូនពលរដ្ឋ ។
លោកកិត្តិសេដ្ឋាបណ្ឌិត ចម ប្រសិទ្ធ ថ្លែងបែបនេះនាថ្ងៃម្សិលមុិញខណៈទទួលជួប លោក MIKAMI Masahiro ឯកអគ្គរដ្ឋទូត ជប៉ុន ប្រចាំ កម្ពុជា និងសហការី ដេីម្បី ពិភាក្សាការងារ នៅទីស្តីការក្រសួង ។
គោលបំណងនៃជំនួបពិភាក្សាបានផ្តោតការយកចិត្តទុកដាក់អំពីវឌ្ឍនភាពនៃកិច្ចសហប្រតិបត្តិការការងារ វិស័យទឹកស្អាត រវាងកម្ពុជា-ជប៉ុន ដែលជាហិរញ្ញប្ប ទាន ឥតសំណង និងហិរញ្ញប្បទានឥណទាន សម្បទាន នៃភាគីជប៉ុនជូនដល់កម្ពុជា និងដែលបានអនុវត្គគម្រោង ដោយ ក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ។
លោកកិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ បានសម្តែងនូវការស្វាគមន៍ និងថ្លែងអំណរគុណ យ៉ាងជ្រាលជ្រៅ ដល់ប្រទេស ជប៉ុនដែល តាមរយៈ អង្គការ JICA និងអង្គភាព រដ្ឋាករទឹកទីក្រុងគីតាគ្យូស៊ុ (Kitakyushu) ក៏ដូចជា សមាគមអាជីវកម្មទឹកស្អាត ក្រៅប្រទេស ក្រុង គិតាគ្យូស៊ុ (KOWBA) រួមជាមួយអង្គការដៃគូ និងក្រុមហ៊ុនមួយចំនួនទៀត បាន ដេីរតួយ៉ាងសំខាន់ក្នុងការចូលរួមអភិវឌ្ឍន៍វិស័យទឹក ស្អាតនៅកម្ពុជា ។ ជាការកត់សំគាល់គឺថា ប្រជាជនកម្ពុជា ពេលបានទឹកស្អាតប្រេីប្រាស់គឺតែងនឹកគុណដល់ប្រទេសជប៉ុនជានិច្ច ។ ស្របគ្នានេះ ភាគីជប៉ុន នៅបានជួយជំនួយបច្ចេកទេសជាច្រេីនទៀត ដូចជាការបណ្តុះបណ្តាលពង្រឹងសមត្ថភាពមន្ត្រី និងស្ថាប័ន ផងដែរ ។
លោក MIKAMI Masahiro ឯកអគ្គរដ្ឋទូត ជប៉ុន ប្រចាំ កម្ពុជា បានវាយតម្លៃខ្ពស់ចំពោះកិច្ចសហប្រតិ្តការដ៏ល្អ រវាងកម្ពុជា-ជប៉ុន ។ ក្នុងនោះ ជាមួយក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លេីវិស័យទឹកស្អាត គឺមានលក្ខណៈជឿនលឿនទៅមុខ គួរកត់សំគាល់។ ជាក់ស្តែង ចាត់ទុកជាដំណឹងល្អមួយគឺថា គម្រោងអភិវឌ្ឍវិស័យទឹកស្អាត មួយចំនួន តាបណ្តា ខេត្តផ្សេងៗ និងរាជធានីភ្នំពេញដូចជា៖ខេត្តសៀមរាប ខេត្តពោធិ៍ សាត់ ខេត្តស្វាយរៀង ខេត្តកណ្តាល និងស្ថានីយ៍ភូមិព្រែក រាជធានីភ្នំពេញ ជាដេីម រដ្ឋាភិបាលជប៉ុននឹងអនុម័តនូវគម្រោង ស្នេីសុំរបស់កម្ពុជា ដែល នឹង អាចចេញជាលទ្ធផលបាន នៅចុងឆ្នាំនេះ នឹងខ្លះនៅដេីម និងពាក់កណ្តាល ឆ្នាំក្រោយ ។
លោកកិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ បានសម្តែងនូវទឹកចិត្តរីករាយ ចំពោះដំណឹងដ៏ល្អនេះ និងថ្លែងអំណរគុណជាថ្មីចំពោះមិត្តជប៉ុន ដែលបានខិតខំសម្រេចកិច្ចការងារជូនដល់ភាគីកម្ពុជា បេីទោះបី ស្ថិតក្នុងស្ថានភាពរីករាលដាលនៃជំងឺកូវីដ១៩ ជាសា កលក៏ដោយ ។ ទន្ទឹម គ្នា នេះ លោកកិត្តិសេដ្ឋាបណ្ឌិត ទេសរដ្ឋមន្ត្រី ក៏បានបង្ហាញនូវក្តីសង្ឃឹមថា ភាគីជប៉ុននឹងពិនិត្យ ល ទ្ធភាពបន្ថែមទៀតលេីគម្រោង ពង្រីសមត្ថភាព និងការធ្វើ ឲ្យប្រសេីរឡេីងប្រព័ន្ធផ្គត់ផ្គង់ទឹកស្អាតក្នុងរាជធានីភ្នំពេញ ដែលកំពុងរីកធំធាត់ ទាំងផ្ទៃក្រឡាដី និងការអភិវឌ្ឍន៍គ្រប់វិស័យរបស់ខ្លួន និង នៅខេត្តសៀមរាប ដែលជាខេត្តសក្តានុពលទេសចរណ៌ និងកំពុង អភិវឌ្ឍអាកាសយានដ្ឋានថ្មី ។ ក្នុងនោះជាការចាំបាច់បំផុតផងដែរ សូមជួយពង្រឹងសមត្ថភាពអង្គភាពរដ្ឋាករទឹក សាធារណៈ និងឯកជនបន្តទៀត ជា ពិសេស អង្គភាពរដ្ឋាករទឹក សាធារណៈ ដើម្បី ឲ្យគេ មានសមត្ថភាគ្រប់គ្រងកាន់តែមានប្រសិទ្ធភាព ដែលថ្ងៃក្រោយអង្គភាពនោះ អាចនឹងក្លាយជាអង្គភាព ស្វយ័ត បាន ។
លោកកិត្តិសេដ្ឋាបណ្ឌិត ទេសរដ្ឋមន្រ្តី ក៏បាន លើក ឡើង ពីភារកិច្ច ទទួល ខុស ត្រូវ និងការងារសម្របសម្រួល របស់ក្រសួងលេី វិស័យវិទ្យាសាស្ត្រ បច្ចេកវិទ្យា និងនវានុវត្តន៍ ដែល បច្ចុប្បន្នក្រសួងកំពុងប្រមូលផ្តុំអ្នកវិទ្យាសាស្ត្រ ដែល បានបញ្ចប់ការសិក្សានៅក្រៅប្រទេសក្នុងបញ្ជីសារពេីភ័ណ្ឌមួយ សម្រាប់ជាប្រភពធនធានរបស់ជាតិ ។ ក្នុងនោះតាមតួររលេខ បញ្ញាវ័ន្ត ដែលបញ្ចប់ការ សិក្សាមកពីប្រទេសជប៉ុនមានប្រមាណ៤៨០ នាក់ ។ កិច្ច ការនេះ ឯកឧត្តមកិត្តិសេដ្ឋាបណ្ឌិត ក៏បានស្នេីដល់ភាគីជប៉ុន ពង្រឹង កិច្ចសហប្រតិបត្តិការលេីវិស័យនេះ ។ ជាពិសេស ពិនិត្យលទ្ធភាពការវិនិយោគ រួមលេីការបង្កេីត សួនវិទ្យាសាស្ត្រ និងផ្នែកឧបករណ៌ពិសោធន៍ជាដេីម ៕
អត្ថបទ ៖ វិមាន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ