Connect with us

ព័ត៌មានជាតិ

ការដ្ឋាន​១​កន្លែង​សាងសង់​ខុស​បច្ចេកទេស​ បណ្តាល​ឲ្យ​បាក់​ទាំងស្រុង និង​​មាន​ស្រី្ដម្នាក់​រង​របួសធ្ងន់​​

បានផុស

នៅ

​ការដ្ឋាន​សំណង់​១​កន្លែង​ សាងសង់​ខុស​បច្ចេកទេស​ បណ្តាល​ឲ្យ​បាក់​ប្លង់​សេ​អគារ​កំពុង​សាងសង់ ស្រះ​សួ​គ៍ ខ្ទេចខ្ទី​អស់​ក្នុង​នោះ​មាន​របួស​ស្រី​ធ្ងន់​ម្នាក់​។​ ហេតុការណ៍​នេះ​ កើតឡើង​នៅវេលា​ម៉ោង​១០:១០​នាទី​ព្រឹក ថ្ងៃទី​ថ្ងៃទី​៧ ខែសីហា ឆ្នាំ​២០២១ ភូមិ​អូរជ្រៅ សង្កាត់​ប៉ោយប៉ែត ក្រុង​ប៉ោយប៉ែត ខេត្តបន្ទាយមានជ័យ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក​វរសេនីយ៍ឯក​សៅ សារឿន អធិការនគរបាល​ក្រុង​ប៉ោយប៉ែត បាន​ប្រាប់​ឲ្យ​ដឹងថា​ ម្ចាស់​អគារ​មានឈ្មោះ ​យឹម គឹម​អៀង អាយុ​៤០​ឆ្នាំ​ ភេទប្រុស​ ជនជាតិខ្មែរ រស់នៅ​ភូមិ​គីឡូម៉ែត្រ​លេខ​៤ សង្កាត់​ផ្សារ កណ្តាល​ក្រុង​ប៉ោយប៉ែត ខេត្ត​បន្ទា​យ​មានជ័យ មុខរបរ​លក់​ខុន​ដូរ​អគារ​កំពុង​សាងសង់​ ដែល​មាន​ទទឹង​១២​ម៉ែត្រ បណ្តោយ​១៦​ម៉ែត្រ​។​

លោក​វរសេនីយ៍ឯក​ សៅ សារឿន បាន​ប្រាប់​បញ្ជាក់​ឲ្យ​ដឹង​បន្តទៀតថា ​នៅ​ពេល​កំពុង​សាងសង់​ស្រាប់តែ​ប្លង់​សេ​កំពុង​សាងសង់​ចាក់​ជាន់​ទី​១​ បាក់​ធ្លាក់​មក​ក្រោម​ទាំង​ផ្ទាំង ​បណ្តាល​ឲ្យ​មាន​គ្រោះថ្នាក់​មនុស្ស​ម្នាក់ ឈ្មោះ​នី ស្រី​និ​ច អាយុ​១៩​ឆ្នាំ​ ភេទ​ស្រី ជនជាតិខ្មែរ ជា​កម្មករសំណង់ រស់នៅ​ភូមិ​អូរជ្រៅ សង្កាត់​ប៉ោយប៉ែត​ប៉ោយប៉ែត ខេត្តបន្ទាយមានជ័យ របួស​បាក់ជើង​ខាងស្តាំ ត្រូវបាន​បញ្ជូនទៅ​សង្គ្រោះបន្ទាន់​នៅ​គ្លីនិក​អគារ​ថ្មី​។​

លោក​បានបញ្ជាក់​ឲ្យ​ដឹង​បន្តទៀតថា មូលហេតុ ការសាងសង់​ខុស​លក្ខ​ណះ​បច្ចេកទេស​។​ក្រោយពេល​កើតហេតុ​ហើយ​មន្ត្រី​អាជ្ញាធរ​ក្រុង​ប៉ោយប៉ែត និង​សមត្ថកិច្ច​ចុះ​ដល់​កន្លែងកើតហេតុ​ជួយ​ធ្វើ​អន្តរាគមន៍​រៀបចំ​សណ្តាប់ធ្នាប់​ល្អ​ឡើងវិញ​ផង​ដែរ​៕

អត្ថបទ៖ វ៉ាន់ ណា​ង​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម