ព័ត៌មានជាតិ
មិនល្បីដូចកោះរុង ខេត្តកំពតមានកោះ ៣ ក្នុងលំហសមុទ្រ កំពុងអភិវឌ្ឍន៍ទាក់ទាញភ្ញៀវទេសចរ
(ខេត្តកំពត)៖ ក្នុងដែនសមុទ្រខេត្តកំពត ពុំសូវមានកោះច្រើនក្នុងលម្ហសមុទ្រដូចខេត្តដទៃប៉ុន្តែដែនសមុទ្រខេត្តកំពតមានវិសាលភាព ថែមទាំងមានសក្តានុពល បរិយាកាសមានភាពទាក់ទាញ និងមានខ្យល់ជំនោរដ៏ត្រជាក់គួរជាទីមនោរម្យផងដែរ។
បើតាមប្រសាសន៍លោក ចាន់ រិទ្ធិ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពត បានប្រាប់កម្ពុជាថ្មី ឱ្យដឹងនៅព្រឹកថ្ងៃទី១១ ខែសីហា ឆ្នាំ២០២១ ថា ដែនសមត្ថកិច្ចខេត្តកំពតមានវិសាលភាពធំធេង ប៉ុន្តែដែនកោះនៅក្នុងលម្ហសមុទ្រពុំសូវមានច្រើនប៉ុន្មានទេ។
ទោះជាបែបណាប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពតរូបនេះសង្កត់ធ្ងន់ថា កោះសេះដែលជាកោះលាតសន្ធឹងធំជាងគេក្នុងចំណោមកោះក្នុងដែនសមុទ្រខេត្តកំពត ត្រូវបានអង្គការជាដៃគូកំពុងធ្វើការអភិវឌ្ឍន៍ជាបណ្តើរៗហើយ។
លោក ស សូរិន នាយខណ្ឌរដ្ឋបាលជលផលខេត្តកំពត បានប្រាប់ឱ្យដឹងដែរថា ក្នុងដែនសមុទ្រខេត្តកំពតមានកោះចំនួន៣ រួមមាន៖១/-កោះសេះ ដែលជាកោះធំជាងគេ,២/-កោះគី និងទី៣/-កោះត្រងោល ឬហៅថ្មប៉ប្រះទឹក ព្រោះកោះត្រងោលពុំមានស្មៅដុះ ឬដើមឈើដុះនៅឡើយ គឺគ្របដណ្តប់ដោយថ្មនៅលើផ្ទៃកោះទាំងមូលតែម្តង។
លោកបានបញ្ជាក់បន្ថែមថា ក្រៅពីកោះចំនួន៣ នៅក្នុងលម្ហសមុទ្រ រាប់បញ្ចូលកោះ២ផ្សេងទៀតដែលនៅជាប់មាត់ពាមនៃឆ្នេរសមុទ្រគឺកោះស្មៅ និងកោះធំ ដែលកោះស្មៅស្ថិតមាត់ឆ្នេរ ត្រូវបានធ្វើការអភិរក្សដោយបណ្តុះនិងដាំដើមកោងកាងជាច្រើនឆ្នាំមកហើយ។
បើតាមមន្រ្តីជលផលរូបនេះដែនសមុទ្រខេត្តកំពត មានកោះតិចជាងខេត្តជាប់សមុទ្រដូចជាខេត្តកែប ព្រះសីហនុ ្និងកោះកុង ប៉ុន្តែបើក្រលេកមើលទិដ្ឋភាពទូទៅនៃកោះនិមួយៗ ពិតជាមានអារម្មណ៍ស្រស់ស្រាយ ដោយសារអាចគយគន់ទេសភាពពីចម្ងាយនៃប្រជុំកោះ ដែលផុសនៅលើផ្ទៃទឹកសមុទ្រដ៏ល្វឹងល្វើយដាច់កន្ទុយភ្នែក។ ជាងនេះទៅទៀត ជារៀងរាល់ថ្ងៃមានក្រុមអ្នកទេសចរជិះទូកលម្ហែ កម្សាន្តដើម្បីគយគន់ទេសភាព និងស្រូបយកខ្យល់អាកាសដ៏បរិសុទ្ធនៅតាមដែនកោះនៃសមុទ្រខេត្តកំពតផងដែរ៕
អត្ថបទ៖ សេង ណារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ