ព័ត៌មានជាតិ
ទាស់សម្តីគ្នាដោយសារភ្លើងប្រច័ណ្ឌ ធ្វើឲ្យភាគីម្ខាង ប្រើកាំបិតអារ.កសម្លាប់តែម្តង
បុរសម្នាក់ដែលជាពលករខ្មែរបម្រើការងារនៅក្នុងខេត្តច័ន្ទបុរី ប្រទេសថៃ បានស្លាប់ភ្លាមៗ ខណៈដែលកំពុងអង្គុយហូបបាយនៅមុខបន្ទប់ស្នាក់នៅ ត្រូវបានគូបដិបក្ខ ដែលធ្លាប់មានទំនាស់ ហើយក៏ជាពលករខ្មែរដូចគ្នា ប្រើកាំបិតស្នៀតអារ.កសម្លាប់តែម្តង។
ករណីឃាតកម្មនេះ បានកើតឡើងនៅវេលាម៉ោង៧និង៣០នាទីយប់ ថ្ងៃទី១០ ខែសីហា ឆ្នាំ២០២១ នៅភូមិវុំាងក្រាក់ធីង ឃុំពោងណាំរ៉ន ស្រុកពោងណាំរ៉ន ខេត្តច័ន្ទបុរី។
បើតាមសំដីស្ត្រីជាភរិយារបស់ជនរងគ្រោះបាននិយាយថា នៅមុនពេលកើតហេតុគឺប្តីរបស់ខ្លួនឈ្មោះ ឈើង សុផន អាយុ៤៧ឆ្នាំ កំពុងអង្គុយហូបបាយនៅមុខបន្ទប់ ឯខ្លួនក៏កំពុងធ្វើម្ហូបនៅក្នុងចង្ក្រានបាយ ក៏បានឮសំឡេងស្រែកប្រកែកគ្នាជាមួយឈ្មោះ រ៉ង ទិត្យ អាយុ៣៤ឆ្នាំ ស្នាក់នៅបន្ទប់ជាប់គ្នាបានតែប៉ុន្មានម៉ាត់ក៏ស្ងាត់ ខ្លួនក៏បានរត់ចេញមកមើលឃើញប្តីរបស់ខ្លួនត្រូវគេអារ.ក ដាច់បំពង់ខ្យល់ស្លាប់ទៅហើយ ខ្លួនក៏បានស្រែកឲ្យគឺជួយទើបមេការប្តឹងទៅតម្រួតចាប់ខ្លួនជនបង្កបានភ្លាមៗតែម្តង។
ក្រោយពីកម្លាំងតម្រួតចុះពិនិត្យកន្លែងកើតហេតុ ដែលកន្លែងស្នាក់នៅរបស់កម្មករនៅក្នុងចម្ការមៀន និងមានកម្មករស្នាក់នៅចំនួន៩នាក់ ហើយពួកគេគឺជាមិត្តរួមការងារដែលរស់នៅជាប់បន្ទប់គ្នា ដោយនៅមុនពេលកើតហេតុមានបញ្ហាម្តងរួចមកហើយពីរឿងប្រច័ណ្ឌ បន្ទាប់មកក៏ស្ងប់ស្ងាត់ទៅវិញ ប៉ុន្តែភ្លើងកំហឹងទំនងជានៅដិតជាប់ក្នុងចិត្តទើបនៅពេលកើតហេតុក៏បានផ្ទុះឡើងម្តងទៀត៕
អត្ថបទ៖ សោ និយមរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង