ព័ត៌មានជាតិ
មន្ត្រីជាន់ខ្ពស់រដ្ឋាភិបាលដែលមិនទាន់ចាក់វ៉ាក់សាំងបាន៦ខែមិនត្រូវអនុញ្ញាតឲ្យចាក់ដូសទី៣ទេ
ភ្នំពេញ ៖ មន្ត្រីនៃមន្ទីរពេទ្យព្រះអង្គឌួងបានឱ្យដឹងថា មន្ត្រីជាន់ខ្ពស់រដ្ឋាភិបាលនៅតាមក្រសួងស្ថាប័ននានាដែលមិនទាន់បានចាក់វ៉ាក់សាំងបាន៦ខែទេ មិនត្រូវអនុញ្ញាតឱ្យចាក់វ៉ាក់សាំងអាស្ត្រាហ្សេនីកាដូសជំរុញឬដូសទី៣នោះទេ។
មន្ត្រីដដែលនោះបានបន្តថា នៅថ្ងៃស្អែកនេះមន្ត្រីជាន់ខ្ពស់រាជរដ្ឋាភិបាលនៅតាមក្រសួងស្ថានប័ននានាចាប់ពីអគ្គនាយករង អគ្គនាយករហូតដល់អនុរដ្ឋលេខាធិការនឹងត្រូវអញ្ជើញមកចាក់វ៉ាក់សាំងនៅមន្ទីរពេទ្យពេទ្យព្រះអង្គឌួង។
មន្ត្រីរូបនោះបានបន្ថែមថា ជាទូទៅក្រុមគ្រូពេទ្យអនុវត្តទៅតាមការណែនាំរបស់គណៈកម្មការចំពោះកិច្ចចាក់វ៉ាក់សាំងជំងឺកូវីដ១៩ក្នុងក្របខណ្ឌទូទាំងប្រទេសបានកំណត់ឱ្យចាក់ដូសទី៣ឬដូសជម្រុញបានលុះត្រាតែអ្នកចាក់នោះចាក់វ៉ាក់សាំងស៊ីណូហ្វាម ឬ ស៊ីណូវ៉ាក់បានពីរដូសរួចរាល់ហើយៗត្រូវមានគម្លាតពី៦ទៅ៨ខែទើបអាចចាក់បាន។
មន្ត្រីរូបនោះបានបញ្ជាក់ថា « ស្អែកនេះយើងនឹងពនិត្យមើលប័ណ្ណមន្ត្រីរាជការរបស់គាត់តើមកពីក្រសួងស្ថាប័នណា។ បន្ទាប់មកយើងនឹងពិនិត្យមើលកាតចាក់វ៉ាក់សាំងតើគាត់ចាក់បានប៉ុន្មានខែហើយបើបាន៦ទៅ៨ខែទើបក្រុមគ្រូពេទ្យអនុញ្ញាតឱ្យចាក់បាន»។
មន្ត្រីនោះបានបន្ថែមទៀតថា ចំពោះអ្នកដែលនៅមិនគ្រប់ចំនួន៦ខែនោះចាក់ទៅក៏មិនបានប្រយោជន៍ដែរ ព្រោះពេលដែលយកកាត់គាត់ទៅស្កេនបញ្ចូលទៅក្នុងប្រព័ន្ធស៊ីស្ទែមក៏ប្រពន្ធមិនអនុញ្ញាតឱ្យដែរព្រោះយើងបានភ្ជាប់ស៊ីស្ទែមរួចរាល់ហើយ។
មន្ត្រីខាងលើបានបញ្ជាក់ថាចំពោះប្រជាពលរដ្ឋទូទៅមិនត្រូវបានអនុញ្ញាតឱ្យចាក់នៅមន្ទីរពេទ្យព្រះអង្គឌួងបានទេគឺចាក់សម្រាប់តែមន្ត្រីជាន់ខ្ពស់មកពីតាមស្ថាប័នរដ្ឋាភិបាលប៉ុណ្ណោះដែលចាក់ពីថ្ងៃទី១២រហូតដល់បំណាច់ខែសីហានេះ។
គួរបញ្ជាក់ថា រដ្ឋាភិបាលបានបើកយុទ្ធនាការចាក់វ៉ាក់សាំងអាស្ត្រាហ្សេនីកាដូសជមរុញឬដូសទី៣ដល់ក្រុមជួរមុខ មន្ត្រីរាជការកងកម្លាំងប្រដាប់អាវុធនៅខេត្តចំនួន៧នៅជាប់ព្រំដែនកម្ពុជាថៃកាលពីថ្ងៃទី០៨សីហាឆ្នាំ២០២១ដើម្បីទប់ស្កាត់ការឆ្លងរីករាលដាលជំងឺកូវីដ១៩ពិសេសជំងឺកូវីដ១៩បំប្លែងខ្លួនថ្មីដែលតា។
ក្រោយមកទៀតបានពង្រីកចាក់ដល់យោធិននិងប្តី ឬ ប្រពន្ធយោធិននិងមន្ត្រីរាជការតាមក្រសួងស្ថាប័ន មន្ត្រីនគរបាលនិងអ្នកសារព័ត៌មានផងដែរ៕
ដោយ ៖ សំអឿន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ