ព័ត៌មានជាតិ
នេះជាវិធីលម្អិតតេស្តពលកររកកូវីដ តាំងពីឆ្លងកាត់ព្រំដែនដល់មណ្ឌលចត្តាឡីស័ក
ក្រសួងសុខាភិបាលបានចេញវិធានការបន្ទាន់មួយផ្អែកតាមការវិវត្តនៃស្ថានការណ៍ថ្មីៗ និងដើម្បីពង្រឹងការងារបង្ការ ទប់ស្កាត់ និងគ្រប់គ្រងការឆ្លងរាលដាលនៃជំងឺកូវីដ-១៩ បំប្លែងថ្មីដែលតាលើពលករដែលវិលត្រឡប់ចូលស្រុកវិញ។
បើតាមការណែនាំ ការធ្វើតេស្តឆ្លងកាត់ជាច្រើននីតិវិធីតាំងបន្ទាប់ពីពលករឆ្លងចូលព្រំដែន រហូតដល់បញ្ជូនទៅធ្វើចត្តាឡីកស័ក។
១-ការធ្វើតេស្តពលករចូលមកពីបរទេសត្រូវធ្វើតាមដំណាក់កាលដូចខាងក្រោម៖
ក-ករណីសម្រេចធ្វើចត្តាឡីស័ករយៈពេល ២១ថ្ងៃ នៅខេត្តជាប់ព្រំដែន ឬរាជធានី-ខេត្តសាមី
-តេស្តលើកទី១៖ ត្រូវធ្វើតេស្តរហ័សនៅពេលឆ្លងចូលច្រកព្រំដែន (ករណីវិជ្ជមានបញ្ជូនទៅព្យាបាលឬករណីអវិជ្ជមានបញ្ជូនទៅមណ្ឌលចត្តាឡីស័ក)
– តេស្តលើកទី២៖ ត្រូវធ្វើតេស្ករហ័សនៅក្នុងមណ្ឌលចត្តាឡីស័កនៅថ្ងៃទី៧ (ករណីវិជ្ជមានបញ្ជូនទៅព្យាបាល ឬករណីអវិជ្ជមាន បន្តធ្វើចត្តាឡីស័ក)
– តេស្តលើកទី៣៖ ត្រូវធ្វើតេស្តរហ័សនៅក្នុងមណ្ឌលចត្តាឡីស័កនៅថ្ងៃទី ១៣ ឬទី១៤ (ករណីវិជ្ជមានបញ្ជូនទៅព្យាបាល ឬករណីអវិជ្ជមានបន្តធ្វើចត្តាឡីស័ក)
– តេស្តលើកទី៤៖ ត្រូវធ្វើតេស្ត PCR នៅក្នុងមណ្ឌលចត្តាឡីស័កនៅថ្ងៃទី១៩ (ករណីវិជ្ជមានបញ្ជូនទៅព្យាបាល ឬករណ៍អវិជ្ជមានបញ្ជូនទៅលំនៅឋាន)។
ខ-ករណីសម្រេចធ្វើចត្តាឡីស័ក ១៤ថ្ងៃ នៅខេត្តជាប់ព្រំដែន បូក៧ថ្ងៃ នៅរាជធានី-ខេត្តសាមី
-តេស្តលើកទី១៖ ត្រូវធ្វើតេស្តរហ័សនៅពេលឆ្លងចូលច្រកព្រំដែន (ករណីវិជ្ជមាន បញ្ជូនទៅព្យាបាលឬករណីអវិជ្ជមានបញ្ជូនទៅមណ្ឌលចត្តាឡីស័ក )
– តេស្តលើកទី២៖ ត្រូវធ្វើតេស្តរហ័សនៅក្នុងមណ្ឌលចត្តាឡីស័កនៅថ្ងៃទី៧ (ករណីវិជ្ជមាន បញ្ជូនទៅព្យាបាល ឬករណីអវិជ្ជមានបន្តធ្វើចត្តាឡីស័ក)
-តេស្តលើកទី៣៖ ត្រូវធ្វើតេស្តរហ័សនៅក្នុងមណ្ឌលចត្តាឡីស័កនៅថ្ងៃទី១៣ ឬទី១៤ (ករណី វិជ្ជមាន បញ្ជូនទៅព្យាបាល ឬករណីអវិជ្ជមានអនុញ្ញាតឱ្យឡើងរថយន្ត ទៅបន្តធ្វើចត្តាឡីស័កនៅរាជធានី-ខេត្តសាមី ចំនួន៧ថ្ងៃ បន្ថែមទៀត)
-តេស្តលើកទី៤៖ ត្រូវធ្វើតេស្ត PCR នៅក្នុងមណ្ឌលចត្តាឡីស័ករាជធានី-ខេត្តសាមី នៅថ្ងៃទី១៩ (ករណីវិជ្ជមានបញ្ជូនទៅព្យាបាល ឬករណីអវិជ្ជមានបញ្ជូនទៅលំនៅឋាន)។
២-ការធ្វើតេស្តលើអ្នកប៉ះពាល់ផ្ទាល់អ្នកផ្ទុកវីរុសកូវីដ-១៩ប្រភេទដែលតាក្នុងសហគមន៍
-តេស្តលើកទី១៖ ត្រូវធ្វើតេស្ករហ័ស ក្រោយដឹងថាបានប៉ះពាល់ផ្ទាល់អ្នកផ្ទុកវីរុសកូវីដ-១៩ ប្រភេទដែលតា (ករណីវិជ្ជមានបញ្ជូនទៅព្យាបាល ឬករណ៍អវិជ្ជមានបញ្ជូនទៅមណ្ឌលចត្តាឡីស័ក)
– តេស្តលើកទី២៖ ត្រូវធ្វើតេស្តរហ័សនៅក្នុងមណ្ឌលចត្តាឡីស័កនៅថ្ងៃទី៧ (ករណីវិជ្ជមានបញ្ជូនទៅព្យាបាល ឬករណីអវិជ្ជមានបន្តធ្វើចត្តាឡីស័ក)
-តេស្តលើកទី៣៖ ត្រូវធ្វើតេស្តរហ័សនៅក្នុងមណ្ឌលចត្តាឡីស័កនៅថ្ងៃទី១៣ ឬទី១៤ (ករណីវិជ្ជមាន បញ្ជូនទៅព្យាបាល ឬករណីអវិជ្ជមានបន្តធ្វើចត្តាឡីស័ក)
-តេស្តលើកទី៤៖ ត្រូវធ្វើតេស្ត PCR នៅក្នុងមណ្ឌលចត្តាឡីស័កនៅថ្ងៃទី១៩ (ករណីវិជ្ជមានបញ្ជូនទៅព្យាបាល ឬករណីអវិជ្ជមានបញ្ចប់ចត្តាឡីស័ក)។
អាជ្ញាធរមានសមត្ថកិច្ចគ្រប់គ្រងមណ្ឌលចត្តាឡីស័ក ត្រូវយកចិត្តទុកដាក់បន្តតាមដានអាការៈអ្នកធ្វើ ចត្តាឡីស័កនៅក្នុងមណ្ឌលចត្តាឡីស័ក ដោយធ្វើតេស្តរហ័ស ក្នុងករណីមានការសង្ស័យ មុនការកំណត់។ ប្រសិនបើរកឃើញអវិជ្ជមាន ត្រូវបន្តធ្វើចត្តាឡីស័កឱ្យគ្រប់២១ថ្ងៃ ប៉ុន្តែបើរកឃើញវិជ្ជមានត្រូវបញ្ជូនទៅព្យាបាល។ ចំពោះអ្នកពាក់ព័ន្ធ ផ្ទាល់ជាមួយអ្នកវិជ្ជមានត្រូវដាក់ដោយឡែកបន្តធ្វើចត្តាឡីស័ករយៈពេល ១៤ថ្ងៃ បន្ថែមទៀត។
អាជ្ញាធរត្រូវណែនាំចំពោះអ្នកបញ្ចប់ធ្វើចត្តាឡីស័ក ពេលវិលត្រឡប់ទៅលំនៅឋានវិញ ឱ្យបន្តតាមដានសុខភាព ជាប្រចាំ ក្នុងករណីមានអាការៈសង្ស័យត្រូវទៅមណ្ឌលសុខភាពដែលនៅជិតបំផុត ឬជូនដំណឹងទៅរដ្ឋបាលមូលដ្ឋាន។
ដើម្បីការពារនូវអាយុជីវិត សុខភាព និងសុវត្ថិភាពដល់អ្នកគ្រប់គ្រង សន្តិសុខ និងអ្នកបម្រើការ និងទប់ស្កាត់ ការចម្លងទៅគ្រួសារចូលក្នុងសហគមន៍ និងធានាដល់ដំណើរការគ្រប់គ្រងមណ្ឌលចត្តាឡីស័កនោះ ត្រូវធ្វើតេស្តរហ័ស រៀងរាល់៥ថ្ងៃម្តងដល់អ្នកគ្រប់គ្រង សន្តិសុខ និងអ្នកបម្រើការនៅមណ្ឌលចត្តាឡីស័កនីមួយៗ។
ដើម្បីធានានិរន្តភាពនៃការប្រើប្រាស់ឧបករណ៍តេស្តរហ័ស បណ្តារាជធានី-ខេត្ត ត្រូវរាយការណ៍ជាប្រចាំ អំពីចំនួនតេស្តរហ័សដែលបានប្រើប្រាស់ប្រចាំថ្ងៃ និងចំនួនតេស្តរហ័ស ដែលនៅសល់ក្នុងស្តុក៕
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ