ព័ត៌មានជាតិ
រដ្ឋមន្ត្រីកសិកម្មស្នើ FAO ជួយផ្តល់ថ្នាំការពារជំងឺដុំពកលើស្បែកគោក្របី
ភ្នំពេញ៖ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានស្នើសុំឱ្យអង្គការស្បៀង និងកសិកម្មសហប្រជាជាតិ (FAO) ពិនិត្យលទ្ធភាពជួយឧបត្ថម្ភថ្នាំការពារជំងឺដុំពកលើស្បែកគោ-ក្របី ខណៈបច្ចុប្បន្នជំងឺនេះកំពុងរីករាលដាលនៅកម្ពុជា។
ការស្នើរនេះធ្វើឡើងនៅរសៀលថ្ងៃទី១២សីហា ក្នុងឱកាសដែលលោករដ្ឋមន្ត្រីអនុញ្ញាតឱ្យលោក Alexandre Huynh នាយកអង្គការស្បៀង និងកសិកម្មសហប្រជាជាតិ ប្រចាំកម្ពុជា ចូលជួបជម្រាបលា បន្ទាប់ពីលោកត្រូវបញ្ចប់អាណត្តិបេសកកម្មការងារនៅកម្ពុជា។
ជាការឆ្លើយតបនឹងសំណើរបស់រដ្ឋមន្ត្រីកសិកម្ម ទាក់ទងនឹងថ្នាំការពារជំងឺដុំពកស្បែក គោ-ក្របី លោក Alexandre Huynh បានសន្យាថានឹងខិតខំឱ្យអស់ពីសមត្ថភាពក្នុងការស្វែងរកជួយដល់ប្រទេសកម្ពុជា។
លោក Alexandre Huynh បានថ្លែងអំណរគុណដល់គ្រប់ភាគីពាក់ព័ន្ធទាំងអស់ដែលបានផ្តល់កិច្ចសហការគាំទ្រធ្វើឱ្យបេសកកម្មរបស់លោកនៅកម្ពុជាសម្រេចបានលទ្ធផលយ៉ាងជោគជ័យ។
លោកសង្ឃឹមថា ការរួមចំណែករបស់អង្គការ FAO លើការអភិវឌ្ឍវិស័យកសិកម្មនៅកម្ពុជា នឹងមានការរីកចម្រើន ឆ្លើយតបតាមគោលនយោបាយរបស់រាជរដ្ឋាភិបាល ដែលនឹងរួមចំណែកលើកកម្ពស់កម្រិតជីវភាព បង្កើនប្រាក់ចំណូល បង្កើតឱកាសការងារ បង្កើនផលិតភាពផលិតកម្ម ធានាបានសន្តិសុខស្បៀង និងអាហារូបត្ថម្ភ និងទទួលបានបច្ចេកវិទ្យាកសិកម្មថ្មីៗយកទៅអនុវត្តដើម្បីផ្លាស់ប្តូរទម្លាប់ បង្កើនប្រសិទ្ធភាពផលិតកម្ម និងសេដ្ឋកិច្ច។
គូរបញ្ជាក់ថាគិតមកដល់ដើមខែសីហា ឆ្នាំ២០២១នេះ ប្រទេសកម្ពុជាមានករណីគោកើតជំងឺដុំពកស្បែកចំនួន ៦,៨០៤ករណី ក្នុងនោះជាសះស្បើយចំនួន៦៥% កំពុងឈឺ៣៥% និងងាប់ចំនួន១% ដែលភាគច្រើនជាកូនគោ៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត