ព័ត៌មានជាតិ
អតីតយុទ្ធជនជាង៣០០០នាក់ ក្នុងខេត្តកំពង់ធំបានទទួលចាក់វ៉ាក់សាំងដូសទី៣
សម្តេចតេជោហ៊ុន សែន ប្រធានសមាគមអតីតយុទ្ធជនកម្ពុជា បានផ្ដល់នូវការចាក់វ៉ាក់សាំងដូសទី៣ ដើម្បីទប់ស្កាត់ការឆ្លងមេរោគកូវីដ-១៩ និងការពារអាយុជីវិត អតីតយុទ្ធជនជាងបីពាន់នាក់នៅខេត្តកំពង់ធំ ដែលជាដូសជំរុញប្រភេទAstra Zeneca នៅតាមបណ្តាទីតាំងមណ្ឌលសុខភាពក្រុង-ស្រុកទាំង ៩ ក្នុងខេត្តកំពង់ធំប្រភេទ។
ឧត្តមសេនីយ៍ទោ សោម ស៊ុន អមដោយឧត្តមសេនីយ៍ទោម៉ែន លី រួមទាំងប្រធាន អនុប្រធានសមាគមអតីតយុទ្ធជនកម្ពុជាខេត្តកំពង់ធំ បានអញ្ជើញចូលរួមប្រកាសការបើកការចាក់វ៉ាក់សាំង ប្រឆាំងមេរោគកូវីដ-១៩ដូសទី៣ តំណាងទូទាំងខេត្តកំពង់ធំនៅ មណ្ឌលសុខភាពព្រៃប្រស់ ស្រុកកំពង់ស្វាយ នៅព្រឹកថ្ងៃទី១៣ ខែសីហា ឆ្នាំ២០២១ ។
ឧត្តមសេនីយ៍ទោ សោម ស៊ុន ជំនួសមុខឲ្យអតីតយុទ្ធជនក្នុងខេត្តកំពង់ធំ បានគោរពថ្លែងអំណរគុណសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងជាប្រធានសមាគមអតីតយុទ្ធជនកម្ពុជា ព្រមទាំងឯកឧត្ដមទេសរដ្ឋមន្ត្រីនាយឧត្តមសេនីយ៍គន់គីម អគ្គលេខាធិការ សមាគមអតីតយុទ្ធជនកម្ពុជា ដែលបានផ្ដល់វ៉ាក់សាំងប្រឆាំងមេរោគកូវីដ-១៩ ដូសទី៣ដែលជាដូសជំរុញប្រភេទ Astra Zeneca សម្រាប់ចាក់ជូនអតីតយុទ្ធជន ដើម្បីការពារអាយុជីវិតទប់ស្កាត់ការឆ្លងមេរោគកូវីដ-១៩ ខណៈពេលដែលមានចំនួនអ្នកឆ្លងកើនឡើងគួរឲ្យព្រួយបារម្ភ ។
ឧត្តមសេនីយ៍ទោសោម ស៊ុន សំណូមពរអតីតយុទ្ធជន ត្រូវតែបន្តការប្រុងប្រយ័ត្នជាប់ជានិច្ច និងអនុវត្តន៍តាម ការណែនាំរបស់ក្រសួងសុខាភិបាល អនុវត្តនូវវិធានការ ៣ការពារនិង៣កុំ របស់សម្តេចតេជោ ហ៊ុន សែន ទើបយើងជៀសផុតពីការឆ្លងនូវមេរោគដ៏កាចសាហាវ បំប្លែងថ្មីប្រភេទ( ដែលតា) ដែលឆ្លងលឿនរហ័សនិង មានហានិភ័យខ្ពស់ដល់អាយុជីវិត ។
អតីតយុទ្ធជន ដែលបានចាក់វ៉ាក់សាំងប្រឆាំងមេរោគកូវីដ-១៩ ដូសទី៣ មានភាពរីករាយដែលបានការពារអាយុជីវិតរួចផុតពីជំងឺ-១៩ សូមគោរពថ្លែងអំណរគុណសម្តេចតេជោហ៊ុន សែន និងសម្តេច កិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ឯកឧត្ដមទេសរដ្ឋមន្ត្រី នាយឧត្តមសេនីយ៍ គន់ គីម ដែលបានខិតខំប្រឹងប្រែងគ្រប់បែបយ៉ាង ដើម្បីបានវ៉ាក់សាំងចាក់ជូនបងប្អូនអតីតយុទ្ធជននៅខេត្តកំពង់ធំ និងសូមគោរពជូនពរសម្តេច ឯកឧត្តម និងលោកជំទាវ ព្រមទាំងបុត្រា បុត្រី ចៅប្រុស ចៅស្រី សូមបាន ប្រកបដោយពុទ្ធពរទាំងបួនប្រការគឺ អាយុ វណ្ណៈសុខៈនិងពលៈ កុំបីឃ្លៀងឃ្លាតឡើយ៕
អត្ថបទ៖ ប៊ុន រដ្ឋា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត