ព័ត៌មានជាតិ
ក្រុមហ៊ុនស្រាបៀរកម្ពុជា ខេមប្រ៊ូវ ឧបត្ថម្ភភេសជ្ជៈ១០ម៉ឺនដប ដើម្បីចូលរួមយុទ្ធនាការទប់ស្កាត់ការរីករាលដាលនៃកូវីដ-១៩
ភ្នំពេញ ៖ កាលពីថ្ងៃទី១៣ ខែសីហា ឆ្នាំ២០២១ ក្រុមហ៊ុនស្រាបៀរកម្ពុជា ខេមប្រ៊ូវ បានប្រកាសចូលរួមក្នុងយុទ្ធនាការទប់ស្កាត់ការរីករាលដាលនៃកូវីដ-១៩ នៅខេត្តទាំង ៨ ជាប់ព្រំដែនប្រទេសថៃដែលបានបិទខ្ទប់ និងកំពុងរងផលប៉ះពាល់ខ្លាំងដោយសារកូវីដ ជាពិសេសជាពិសេសវីរុសបម្លែងថ្មី Delta ដោយបានឧបត្ថម្ភទឹកពិសាអង្គរពូរ៉ូ និងភេសជ្ជៈ Sting Espresso របស់ខ្លួន សរុបចំនួន ១០ ម៉ឺនដប។
ទឹកពិសា និងភេសជ្ជៈទាំងនេះ ត្រូវបានឧបត្ថម្ភដល់ រដ្ឋបាលខេត្តទាំង៨ មានដូចជា ខេត្តពោធិ៍សាត់ បាត់ដំបង ប៉ៃលិន បន្ទាយមានជ័យ ឧត្តរមានជ័យ ព្រះវិហារ សៀមរាប និងកោះកុង។
លោក Onno Rombouts អគ្គនាយកគ្រប់គ្រងខេមប្រ៊ូវ បានមានប្រសាសន៍ថា «នេះគឺជាពេលវេលាដ៏លំបាកសម្រាប់យើងទាំងអស់គ្នា ដែលត្រូវរួបរួមគ្នា។ យើងសង្ឃឹមថា ការបរិច្ចាគ និងការរួមចំណែករបស់យើងអាចជួយសម្រាលតម្រូវការចាំបាច់នៅក្នុងតំបន់ ជាពិសេសអាចឆ្លើយតបបន្ទាន់នៅក្នុងមណ្ឌលចត្តាឡីស័ក មណ្ឌលព្យាបាលកូវីដ-១៩ ក៏ដូចជាគាំទ្រដល់កិច្ចខិតខំប្រឹងប្រែងយ៉ាងស្វាហាប់របស់បុគ្គលិកសុខាភិបាល ក្រុមការងារជួរមុខ និងសហគមន៍ងាយរងគ្រោះ»។ លោកក៏ឆ្លៀតឱកាសនេះ ថ្លែងអំណរគុណដល់រាជរដ្ឋាភិបាល រួមទាំងបុគ្គលិកសុខាភិបាលគ្រប់ជាន់ថ្នាក់ ក្រុមការងារជួរមុខ និងអាជ្ញាធរពាក់ព័ន្ធ ចំពោះការខិតខំប្រឹងប្រែងយ៉ាងយកចិត្ដទុកដាក់ ក្នុងការបង្ការ និងទប់ស្កាត់ការរីករាលដាលនៃកូវីដ-១៩ នៅក្នុងសហគមន៍។
គិតត្រឹមថ្ងៃនេះ ក្រុមហ៊ុន ខេមប្រ៊ូវ បានឧបត្ថម្ភភេសជ្ជៈរបស់ខ្លួនជាង មួយម៉ឺនកេស រួចមកហើយ ដើម្បីចូលរួមចំណែកប្រយុទ្ធប្រឆាំងនឹងការរីករាលដាលនៃកូវីដ-១៩ ក្នុងសហគមន៍ ក៏ដូចជាយុទ្ធនាការចាក់វ៉ាក់សាំងបង្ការវីរុសនេះនៅកម្ពុជា។ ក្រុមហ៊ុន ខេមប្រ៊ូវ បានលើកឡើងថា ក្នុងនាមជាវិស័យឯកជន និងស្របតាមចក្ខុវិស័យរបស់ខ្លួន «អភិវឌ្ឍឲ្យកាន់តែប្រសើរទាំងថ្ងៃនេះ និងថ្ងៃស្អែក» យើងនៅតែបន្ដចូលរួមជាមួយសហគមន៍ ប្រយុទ្ធប្រឆាំងជាមួយវីរុសដ៏កាចសាហាវនេះ។
រួមគ្នា យើងនឹងឈ្នះ កូវីដ-១៩!
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៥ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ