វ៉ាក់សាំងដូសទី៣ បើចាក់មុនកំណត់ ៦ ទៅ ៨ខែ អាចមានផលប៉ះពាល់ដែរ ឬទេ?
Connect with us
Helistar Cambodia - Helicopter Charter Services

ព័ត៌មានជាតិ

វ៉ាក់សាំងដូសទី៣ បើចាក់មុនកំណត់ ៦ ទៅ ៨ខែ អាចមានផលប៉ះពាល់ដែរ ឬទេ?

បានផុស

នៅ

លោកស្រី ឱ វណ្ណឌីន មន្ត្រីជាន់ខ្ពស់ក្រសួងសុខាភិបាល បានបង្ហាញថា គម្លាតនៃការចាក់វ៉ាក់សាំងដូសទី៣ បើលើសខ្វះបន្តិចបន្តួចមិនជាបញ្ហាទេ សូមកុំព្រួយបារម្ភ ខណៈការចាក់វ៉ាក់សាំងដូសទី៣នេះ ធ្វើឡើងស្របពេលមេរោគបំប្លែងថ្មី Delta កំពុងវាយលុកនៅកម្ពុជា។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាក់ទងទៅនឹងសាធារណជនមានការឆ្ងល់ពីគម្លាតនៃការចាក់វ៉ាក់សាំងដូសទី៣ដែលត្រូវការមានចម្លោះពី៦ខែ ទៅ៨ខែបន្ទាប់ពីដូសទី១ ចំណែកអ្នកមិនទាន់គ្រប់អាចចាក់បានទេ?

ជុំវិញចម្ងល់នេះ លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងការពារជំងឺកូវីដ១៩ មានប្រសាសន៍ថា ការសិក្សាមានហើយ ប៉ុន្តែពេលខ្លះចន្លោះប្រហោងក៏មានដែរ ដែលគេអត់អាចធានាថា១០០%បែបណានោះទេ ព្រោះនេះជារឿងថ្មីដែលត្រូវរៀនសូត្រទាំងអស់គ្នា។ ហើយអ្វីដែលសំខាន់សម្រាប់យើងទាំងអស់គ្នា គឺត្រូវការពារសរីរាង្គខ្លួនឯងឱ្យបានមាំទាំ ហើយក្នុងបរិបទដែលវីរុស ដែលតា កំពុងតែចរាចរណ៍។

លោកស្រីវេជ្ជបណ្ឌិត ឱ វណ្ណឌីន មានប្រសាសន៍បន្តថា៖ “ចំពោះសំណួរសួរថា បើខ្វះមិនគ្រប់៦ខែ តើចាក់វ៉ាក់សាំងដូសទី៣បានទេ? គឺយើងត្រូវពិនិត្យមើលថេរវេលានៃការបង្កើតនូវអង់ទីគ័រ។ អ៊ីចឹងនៅពេលចាក់វ៉ាក់សាំងដូសទី២ចប់ សរីរាងនឹងចាប់ផ្ដើមបង្កើតអង់ទីគ័រ ប៉ុន្តែប្រសិនគ្មានដូសទី១ទេ ក៏ដូសទី២មិនអាចបង្កើតអង់ទីគ័រនេះបានទេ តែបើមានតែដូសទី២ អត់ដូសទី១ ក៏មិនអាចបង្កើតអង់ទីគ័របានដែរ។ ប៉ុន្តែសម្រាប់វ៉ាក់សាំងមួយចំនួន បើចាក់តែមួយដូស គឺអាចការពារសរីរាង្គយើងបានដែរ តែបានចំនួនទាប មិនបានដល់ចំនួនដែលគេរំពឹងទុក”។

លោកស្រីមានប្រសាន៍បន្ថែមទៀតថា៖ “ដូចនេះបើផ្នែកលើបរិបទនៃការរាតត្បាតនៃវីរុស ដែលតា ដើម្បីសុខភាពយើង ការខុសត្រូវពេលវេលាបន្តិចបន្តួច គឺមិនជាបញ្ហាអីទេ។ អ៊ីចឹងសូមបងប្អូនកុំព្រួយបារម្ភ។ ប្រទេសខ្លះគេចាក់ដែរ ប្រទេសខ្លះចាក់យកពី៤ខែទៅ។ ប៉ុន្តែសម្រាប់កម្ពុជាយើង​ កំពុងមានបញ្ហាវាយលុកនៃវីរុស ដែលតាផង អាល់ហ្វាផង អ៊ីចឹង នេះជាការចាំបាច់ ប៉ុន្តែក៏ឈរលើគោលការណ៍ស្ម័គ្រចិត្តផងដែរ”។

ប្រធានគណៈកម្មការចំពោះកិច្ចចាក់វ៉ាក់សាំងការពារជំងឺកូវីដ១៩ បានរំលឹកដែរថា ប៉ុន្តែសម្រាប់មន្ត្រីរាជការ ត្រូវមានកាតព្វកិច្ចចាក់វ៉ាក់សាំង។ សម្ដេចតេជោបានចេញព្រះរាជក្រឹត្យ ណែនាំឱ្យមន្ត្រីរាជការទាំងអស់ត្រូវទៅចាក់វ៉ាក់សាំង។ មិនមែនមិនគោរពសិទ្ធិមនុស្សទេ គឺគោរពហួសពីគោរពទៅទៀត គោរពសិទ្ធិរស់រានមានជីវិត គោរពកុំឱ្យមានអ្នកឈឺ បើឈើក៏ឱ្យស្រាល ហើយកុំឱ្យបាត់បង់ជីវិត គឺជាការជួយជីវតទៅវិញទេ។

គួរបញ្ជាក់ថា ការចាក់វ៉ាក់សាំងដូសទី៣ ដែលជាដូសជំរុញ គឺកម្ពុជាអនុវត្តមុនប្រទេសជិតខាង ដែលបានចាក់ជូនក្រុមជួរមុខ ទាំងគ្រូពេទ្យទាំងវិស័យរដ្ឋ និងឯកជន ក៏ដូចជាក្រុមសមត្ថិកិច្ចអាជ្ញាធរ ក្រុមមន្ត្រីរាជការស៊ីវិលដែលធ្វើការបម្រើការប្រជាពលរដ្ឋ ចាប់ពីថ្ងៃទី១២ ខែសីហា ឆ្នាំ ២០២១ នៅតាមមន្ទីរពេទ្យជាតិនានា​។

ចាក់វ៉ាក់សាំងដូសទី៣នេះ កម្ពុជាប្រើវ៉ាក់សាំងប្រភេទ អាស្ត្រាសេណេកា ដែលកម្ពុជាទើបទទួលបានជំនួយពីអង់គ្លេស និងជប៉ុន ព្រមទាំងបញ្ជាទិញបន្ថែមទៀត៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣០ នាទី មុន

អគ្គិភ័យ​បាន​ឆាបឆេះ​ផ្ទះ​ប្រជាពលរដ្ឋ​អស់​១​ខ្នង​ នៅ​ឃុំ​ខ្វាវ

ជីវិតកម្សាន្ដ២ ម៉ោង មុន

អ៊ឹម ជីវ៉ា រំភើប​ស្រក់​ទឹកភ្នែក​ក្រោយ​ទទួល​បាន​កាដូ​ចិញ្ចៀនពេជ្រ​តម្លៃ​ជិត​១​ម៉ឺន​ដុល្លារ​

ព័ត៌មានជាតិ២ ម៉ោង មុន

កម្ពុជា បើក​ជើងហោះហើរ​ត្រង់​ពី​ប្រទេស​ម៉ា​ឡេ​ស៊ី ឥណ្ឌូនេស៊ី និង​ហ្វីលីពីន​ឡើងវិញ

ព័ត៌មានជាតិ២ ម៉ោង មុន

សុខ រ៉ាស៊ី ពោល​ពាក្យ​អស់សង្ឃឹម​លើ​ករណី​បណ្តឹង​របស់​ខ្លួន​ ខណៈ​ពឹង​តុលាការ​ក៏​គ្មាន​តម្រុយ​យុត្តិធម៌

ព័ត៌មានជាតិ៣ ម៉ោង មុន

រាជរដ្ឋាភិបាល​គ្រោង​ចំណាយ​ប្រមាណ ២.១២៨ លាន​ដុល្លារ​សម្រាប់​បន្ទុក​បុគ្គលិក​ក្នុង​ឆ្នាំ ២០២២

Sokha Hotels

ព័ត៌មានពេញនិយម

Helistar Cambodia - Helicopter Charter Services