ព័ត៌មានជាតិ
បញ្ជូនស្ត្រីជនជាតិកូរ៉េចេញសែកស្អុយឡើងតុលាការ
នគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ នៅថ្ងៃទី១៧ខែសីហា ឆ្ឆ្នាំ២០២១ បានបញ្ជូនស្ត្រីជនជាតិកូរ៉េម្នាក់ មកកាន់អយ្យការអមសាលាដំបូងរាជធានីភ្នំពេញ ជុំវិញករណីចេញសែកស្អុយជាង ៦ ម៉ឺនដុល្លារឱ្យដើមបណ្ដឹង។
ស្ត្រីជនជាតិកូរ៉េរូបនេះមានឈ្មោះ CHAE HWA JUNG ជាប្រធានក្រុមប្រឹក្សាភិបាលនៃក្រុមហ៊ុន H & K Partners Co,Ltd ជាប់ចោទពីបទ «មិនបំពេញកតព្វកិច្ចចំពោះឧបករណ៍ដែលអាចជួញដូរបាន»។ ដើមបណ្ដឹងឈ្មោះ លោក KIM GIL DONG ជាជនជាតិកូរ៉េ។
ចំពោះដើមហេតុដំបូងគឺ ក្រុមហ៊ុន H & K Partners Co,Ltd បានបញ្ជាទិញទំនិញជាវត្ថុធាតុដើមសម្រាប់ផលិត ទ្វារ បង្អួច កញ្ចក់ នៅក្នុងក្រុមហ៊ុនរបស់ជនរងគ្រោះ ឈ្មោះ KIM GIL DONG ក្នុងតម្លៃទឹកប្រាក់ចំនួនជាង១សែនដុល្លារ (១០១ ៤០៨)។
ប៉ុន្តែខាងភាគីជនសង្ស័យជាប្តីប្រពន្ធ មិនបានបង់ប្រាក់គ្រប់ចំនួនទេ ដោយបានបង់ប្រាក់ត្រឹមតែ៣៦.០០០ដុល្លារតែប៉ុណ្ណោះ ដោយនៅខ្វះប្រាក់ជាង៦ម៉ឺនដុល្លារទៀត ហើយជនសង្ស័យទាំង២នាក់ បានសន្យាថានឹងសងប្រាក់នៅថ្ងៃទី១៥ ខែមេសា ឆ្នាំ២០២១ ដោយបានចេញមូលប្បទានបត្រ ចំនួនជាង៦ម៉ឺនដុល្លារដើម្បីធានាសងចំពោះបំណុលនេះ។
ប៉ុន្តែមកដល់ថ្ងៃកំណត់ ដែលត្រូវបើកមូលប្បទានប័ត្រ នេះ គឺមិនមានទឹកប្រាក់នោះទេ ដោយមានការអះអាងពីខាងធនាគារថា «មូលប្បទានប័ត្រនេះគ្មានទឹកប្រាក់ឡើយ» ហើយជនសង្ស័យទាំង២នាក់ នៅតែសន្យាថ្ងៃនេះថ្ងៃនោះ រហូតដល់ពេលបច្ចុប្បន្ននេះក៏នៅតែមិនព្រមសងប្រាក់ឡើយ។
ក្នុងរឿងក្ដីនេះ ជនរងគ្រោះបានសំណូមពរឱ្យតុលាការចាត់ការតាមផ្លូវច្បាប់ ទៅលើជនសង្ស័យទាំង២នាក់នឹងទាមទារឱ្យជនសង្ស័យសងប្រាក់ចំនួនជាង៦ម៉ឺនដុល្លារមកវិញ ព្រមទាំងទាមទារថ្លៃពិន័យចំពោះការព្រមព្រៀងនៃការសងប្រាក់ពីការខកខានមិនបានបង់តាមកាលកំណត់ គិតចាប់ពីថ្ងៃទី១ ខែមិថុនា ឆ្នាំ២០២១ ចំនួន១០០ដុល្លារ ក្នុងមួយថ្ងៃតាមលិខិតសន្យារបស់ខ្លួន និងសងសំណងជំងឺចិត្ត និងសេវាផ្លូវច្បាប់ចំនួន១ម៉ឺនដុល្លារទៀត។
ឥឡូវនេះតំណាងអយ្យការអមសាលាដំបូងកំពុងសាកសួរជនសង្ស័យនៅឡើយ៕ មករា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង