ព័ត៌មានជាតិ
ក្រុមអ្នកជំនួញ បានជួយទិញ «ផ្លែមៀន» ពីកសិករជិត៥០ តោន និងគាំទ្រការអន្តរាគមន៍ របស់សម្ដេចតេជោ
គិតមកដល់ពេលនេះ ក្រុមអ្នកជំនួញនៅក្នុង «ក្លឹបសេដ្ឋធុរជន» បានជួយទិញផ្លែមៀនពីប្រជាកសិករ នៅស្រុកភ្នំព្រឹក នៃខេត្តបាត់ដំបង និងនៅខេត្តប៉ៃលិន បានប្រមាណជិត ៥០តោនហើយ ដែលពីដំបូងយុទ្ធនាការទិញ គឺមានត្រឹមតែ១០តោនប៉ុណ្ណោះ តែដោយមានការគាំទ្រច្រើន ទើបមានការជួយទិញរហូតដល់ជិត៥០តោន យ៉ាងដូច្នេះ។ នេះបើតាមលោក ឌិន សុមេធារិទ្ធ ប្រធានសមាគមសណ្ឋាគារកម្ពុជា និងជាប្រធាន «ក្លឹបសេដ្ឋធុរជន» ដែលបានថ្លែងប្រាប់អ្នកសារព័ត៌មានកម្ពុជាថ្មី នៅព្រឹកថ្ងៃទី១៨ ខែសីហា ឆ្នាំ២០២១នេះ។
លោក ឌិន សុមេធារិទ្ធ បានថ្លែងថា ចាប់តាំងពីក្រុមរបស់លោក និងក្រុមអ្នកជំនួញមួយចំនួនទៀត បានប្រកាសជួយទិញមៀន ពីប្រជាកសិករនៅស្រុកភ្នំព្រឹក កាលពីសប្ដាហ៍មុនមក គឺមកដល់ពេលនេះ បានជួយទិញបានចំនួនជិត៥០តោនហើយ។ ក្នុងនោះ ក្រុមអ្នកជំនួញនៅក្នុង «ក្លឹបសេដ្ឋធុរជន» ក៏បានជួយ ទិញមៀន ពីប្រជាកសិករនៅខេត្តប៉ៃលិនផងដែរ បន្ទាប់ពីមានការស្នើសុំពីពួកគាត់ ហើយការជួយទិញ ហើយលក់បន្តនេះ មិនមានបំណងចង់យកផលចំណេញឡើយ គឺគ្រាន់តែចង់ជួយប្រជាកសិករប៉ុណ្ណោះ។
ជាមួយគ្នានេះ លោក ឌិន សុមេធារិទ្ធ ក៏បានគាំទ្រ ចំពោះការប្រកាស របស់សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា ដែលឲ្យក្រុមការងាររបស់សម្ដេច ទិញផ្លែមៀនរបស់កសិករ នៅតាមបណ្ដាខេត្ត ជាប់ព្រំដែនកម្ពុជា-ថៃ ដែលជួបបញ្ហានាំចេញទៅក្រៅប្រទេស ហើយលោកក៏សូមចូលរួមអបអរសាទរ ជាមួយប្រជាកសិករផងដែរ។
ប្រធាន «ក្លឹបសេដ្ឋធុរជន» បានថ្លែងយ៉ាងដូច្នេះថា «ល្អមែនទែនៗ! ព្រោះយើងអង្គុយចាំរឿងនាំចេញ នាំអី បែបមិនទាន់សភាពការណ៍ ព្រោះអាហ្នឹង (ផ្លែមៀន) តែវាដល់ពេលទុំ គឺទុំហើយ អាចជ្រុះ អាចខូច អញ្ចឹងល្អមែនទែន សូមអបអរសាទរទាំងស្រុង ព្រោះបើខាងខ្ញុំម្នាក់ឯង គឺជួយមិនជាប់ដែរ ព្រោះមិនមែនជំនាញខាងហ្នឹងផង គ្រាន់តែជួយកសិករ ដែលខ្ញុំស្គាល់អញ្ចឹងទៅ ចេះតែពង្រីកវិសាលភាព ទៅតំបន់ជិតខាងគាត់អញ្ចឹងទៅ ព្រោះកាលណា ទិញពីគាត់ទៅ គេត្រូវការទៀត ចេះតែរីកសាយភាយទៅ អ្នកពឹងទៀត ក៏ចេះតែជួយទៅ ព្រោះមានអ្នកគេចេះតែចង់ជួយតៗទៅ មានអ្នកខ្លះឃើញជួយ១តោន កន្លះតោន ហើយក៏មានអ្នកទិញ១០, ២០គីឡូ ៣០, ៤០គីឡូ ៥០ ១០០, ២០០, ៣០០ចឹងទៅណា៎ មានច្រើន ហើយអញ្ចឹងបើមានចលនាហ្នឹងមួយទៀត នឹងល្អមែនទែន ខ្ញុំគាំទ្រ»។
សូមជម្រាបថា សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា កាលពីថ្ងៃទី១៧ ខែសីហាម្សិលមិញ បានបញ្ជាឲ្យលោកនាយឧត្តមសេនីយ៍ ហ៊ីង ប៊ុនហៀង អគ្គមេបញ្ជាការរង នៃកងយោធពលខេមរភូមិន្ទ មេបញ្ជា ការបញ្ជាការដ្ឋានអង្គរក្ស និងជានាយករងខុទ្ទកាល័យ សម្តេចតេជោនាយករដ្ឋមន្ត្រី ប្រមូលទិញផ្លែមៀនរបស់កសិករ នៅតាមបណ្ដាខេត្ត ជាប់ព្រំដែនកម្ពុជា-ថៃ ដែលជួបបញ្ហានាំចេញទៅក្រៅប្រទេស។
ប្រជាកសិករដែលមាន ផល្លានុផល ផ្លែមៀន ឬតាង៉ែន សូមទាក់ទងមក ក្រុមការងាររបស់លោកនាយឧត្តមសេនីយ៍ ហ៊ីង ប៊ុនហៀង ចាប់ពីថ្ងៃទី១៨ ខែសីហា។ ទីកន្លែងទទួលទិញ ក្នុងសាលាខេត្តបាត់ដំបង ឬទំនាក់ទំនង តាមរយៈទូរស័ព្ទលេខ៖ទី១៖ លោក សេង ឌីលីន សមាជិកក្រុមលេខា របស់សម្ដេចតេជោ ហ៊ុន សែន ទូរស័ព្ទលេខ៖ 097 777 3737, ទី២៖ លោក ស៊ុន ម៉េងហៃ ទូរស័ព្ទលេខ៖ 088 903 7777។
យ៉ាងណាក៏ដោយលោក ឌិន សុមេធារិទ្ធ ប្រធានសមាគមសណ្ឋាគារកម្ពុជា និងជាប្រធាន «ក្លឹបសេដ្ឋធុរជន» បានបញ្ជាក់ថា ប្រសិនបើនៅតែមានការគាំទ្រជួយទិញ ហើយប្រជាកសិករនៅតែស្នើសុំឲ្យជួយទិញនោះ គឺក្រុមរបស់លោក នៅតែបន្តជួយទិញពីក្រុមកសិករបន្តទៀត៕ (ដោយ)៖ ឃួន សុភ័ក្រ
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល