រដ្ឋាភិបាលផ្អាកជ្រើសរើសក្របខ័ណ្ឌមន្ត្រីថ្មីសម្រាប់ឆ្នាំ២០២២ លើកលែងក្រសួងសុខាភិបាល

ភ្នំពេញ៖ រាជរដ្ឋាភិបាលបានផ្អាកការជ្រើសរើសក្របខ័ណ្ឌមន្ត្រីថ្មី សម្រាប់ឆ្នាំ២០២២ លើកលែងតែក្រសួងសុខាភិបាលប៉ុណ្ណោះ។

យោងតាមលិខិតចុះថ្ងៃទី១៧ ខែសីហា ផ្ញើជូនរដ្ឋមន្ត្រីក្រសួងមុខងារសាធារណៈ ឧបនាយករដ្ឋមន្រ្តី អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ បានមានប្រសាសន៍ថា៖ “ខ្ញុំសូមជម្រាបជូនឯកឧត្តម រដ្ឋមន្ត្រីថាក្នុងបរិបទនៃការអូសបន្លាយនៃជំងឺកូវីដ-១៩ ពិសេសព្រឹត្តិការណ៍សហគមន៍២០កុម្ភៈ និងតាម ចំណារឯកភាពដ៏ខ្ពង់ខ្ពស់ ចុះថ្ងៃទី២២ ខែកក្កដា ឆ្នាំ២០២១ លើលិខិតលេខ៥៧៨៧ សហវ.អថ ចុះថ្ងៃទី១៦ ខែកក្កដា ឆ្នាំ២០២១ របស់ក្រសួងសេដ្ឋកិច្ច និងហិរញ្ញវត្ថុ សម្តេចតេជោនាយករដ្ឋមន្រ្តី បានសម្រេចជាផ្លូវការផ្អាកការជ្រើសរើសក្របខ័ណ្ឌមន្ត្រីថ្មីរបស់គ្រប់ក្រសួង-ស្ថាប័ន រួមទាំងគ្រូបង្រៀន កងកម្លាំងប្រដាប់អាវុធគ្រប់ប្រភេទ និងរដ្ឋបាលថ្នាក់ក្រោមជាតិ លើកលែងតែក្រសួងសុខាភិបាល សម្រាប់ឆ្នាំ២០២២ ខាងមុខនេះ”៕

អត្ថបទ៖ សំអឿន