ព័ត៌មានជាតិ
តុលាការខេត្តតាកែវសម្រេចឃុំខ្លួនមេការក្រុមហ៊ុនអាហារបំប៉ន៦នាក់ ដាក់ពន្ធនាគារបណ្តោះអាសន្ន
ខេត្តតាកែវ៖ មេការក្រុមហ៊ុនអាហារបំប៉ន យូនីស៊ីធី ខេមបូឌា ចំនួន៦នាក់ក្នុងចំណោម៧នាក់ត្រូវបានតុលាការខេត្តតាកែវចេញដីកាដាក់ពន្ធគារបណ្តោះអាសន្ន បន្ទាប់ពីពួកគេបានដឹកនាំប្រមូលផ្តុំមនុស្សប្រមាណជិត៤០០នាក់ ដោយល្មើសបម្រាមអាជ្ញាធរ កាលពីល្ងាចថ្ងៃទី១៥ ខែសីហា ឆ្នាំ២០២១ នៅទីតាំងបុរីរស្មី ស្ថិតនៅសង្កាត់រកាក្នុង ក្រុងដូនកែវ។
លោក អ៊ាក ផល្លា ប្រធានសាលាដំបូងខេត្តតាកែវ នៅថ្ងៃទី១៨ ខែសីហានេះ បានឱ្យដឹងថា ចៅក្រមស៊ើបសួរសាលាដំបូងខេត្តតាកែវ បានសម្រេចឃុំខ្លួនជនសង្ស័យដែលជាមេការក្រុមហ៊ុន យូនីស៊ីធី ខេមបូឌា ចំនួន៦នាក់ក្នុងចំណោម៧នាក់ ដោយម្នាក់ទៀតជាស្ត្រីមានកូនខ្ចី គឺមិនត្រូវបានឃុំខ្លួនទេ។
ដោយឡែកលោក ជីវ ចាន់តារា ព្រះរាជអាជ្ញាអមសាលាដំបូងខេត្តតាកែវ បានឱ្យដឹងថា ជនសង្ស័យ៧នាក់ដែលជាមេការក្រុមហ៊ុនខាងលើ ត្រូវបានដំណាងអយ្យការធ្វើការចោទប្រកាន់តាមច្បាប់ស្តីពី វិធានការទប់ស្កាត់ការឆ្លងរីករាលដាលជំងឺកូវីដ-១៩ និងជំងឺកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀតក្នុងមាត្រាទី១១។
លោកព្រះរាជអាជ្ញាបញ្ជាក់ថា យោងតាមច្បាប់ស្តីពីវិធានការទប់ស្កាត់ការឆ្លងរីករាលដាលជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត មាត្រា១១ បានចែងថា អំពើរារាំងដល់ការអនុវត្តវិធានការ ឬបង្កឧបសគ្គដោយចេតនា ដល់វិធានការដែលបានដាក់ចេញស្របតាមច្បាប់ត្រូវបានផ្តន្ទាទោសដាក់ពន្ធនាគារពី ៦ខែទៅដល់៣ឆ្នាំ និងពិន័យជាប្រាក់ចំនួនចាប់ពី២លានរៀល ទៅ១០លានរៀល។ ហើយបើករណីខាងលើបណ្តាលឱ្យមានការចម្លងជំងឺកូវីដ-១៩ ដល់អ្នកដទៃ ឬប៉ះពាល់ធ្ងន់ធ្ងរដល់សុខភាពសាធារណៈ ត្រូវផ្តន្ទាទោសដាក់ពន្ធនាគារពី២ឆ្នាំទៅ៥ឆ្នាំ និងពិន័យជាប្រាក់ពី៥លានរៀលទៅ ២០លានរៀល៕
អត្ថបទ៖ វីរៈ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?