រដ្ឋាភិបាល​​បញ្ជា​ឲ្យ​ទិញ​តាង៉ែន​ពី​​កសិករក្រីក្រ តែ​មិន​ទិញ​ពី​ចម្ការ​ឧកញ៉ា​នោះទេ
Connect with us
Helistar Cambodia - Helicopter Charter Services

ព័ត៌មានជាតិ

រដ្ឋាភិបាល​​បញ្ជា​ឲ្យ​ទិញ​តាង៉ែន​ពី​​កសិករក្រីក្រ តែ​មិន​ទិញ​ពី​ចម្ការ​ឧកញ៉ា​នោះទេ

បានផុស

នៅ

ក្រោយ​រដ្ឋាភិបាល​​ប្រកាស​ឲ្យ​ក្រុម​ការងារ​ ដែល​មាន​នាយឧត្តមសេនីយ​ ហុីង ប៊ុនហៀង​ ដឹកនាំកម្លាំងទៅប្រមូលទិញផ្លែមៀនប៉ៃលិន​ (តាង៉ែន) ពីកសិករ ប្រមុខរដ្ឋាភិបាល​ក៏​បាន​ដាក់​បទ​បញ្ជា​ឲ្យ​ប្រមូល​ទិញ​តែ​ពី​កសិករ​ក្រីក្រដាំ​ដុះ​ដោយ​ផ្ទាល់​តែ​ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេច​តេជោ ហ៊ុន សែន​ បាន​ដាក់​បទ​បញ្ជាយ៉ាង​ដូច្នេះ​ថា “ឯកឧត្តម​ ហុីង ប៊ុនហៀង ឯកឧត្តម ងួន រតនៈអភិបាលខេត្តបាត់ដំបង លោកជំទាវបាន ស្រីមុំ អភិបាលខេត្តប៉ៃលិន ត្រូវចងចាំពាក្យ ទិញពីកសិករ សំដៅដល់កសិករក្រីក្រដែលដាំមៀនដោយផ្ទាល់ ដែលមិនអាចរកទីផ្សារបាន។ ម្ចាស់​ចំការមៀនរបស់មន្ត្រីទាំង​សុីវិល ទាំង​កងកម្លាំងប្រដាប់អាវុធឬរបស់ឧកញ៉ា អ្នកឧកញ៉ា​ ឬអ្នកជំនួញត្រូវរកទីផ្សារដោយខ្លួនឯង។

សម្តេច​ថ្លែង​សង្កត់ធ្ងន់់​ថា សម្តេ​ច​អាច​ដាក់​បញ្ចាំផ្ទះយកលុយទៅទិញពីកសិករ ដែលកំពុងជួបការលំបាក តែពុំមានលទ្ធភាពជួយដល់ម្ចាស់ដី ដែលមានចំការមៀនច្រើននោះទេ​ សុំការយោគយល់ផង។

នៅពេលប្រមូលទិញ ប្រមុខ​រដ្ឋាភិបាល​គ្រោង​យកទៅចែកជូនកងទ័ព នគរបាល អាវុធហត្ថ គ្រូពេទ្យ អ្នកជំងឺដែលកំពុងធ្វើចត្តាឡីស័កទទួលទានដោយមិនគិតថ្លៃ។ នេះជាវិធីដោះទាល់ក្នុងកាលទេសៈដ៏លំបាកកុំឱ្យកសិករក្រីក្រខាតបង់ធ្ងន់ធ្ងរពេក ហើយសម្តេច​នាយករដ្ឋមន្រ្តី​ក៏មិនប្រើថវិកាជាតិដើម្បីទិញនោះដែរ។

ប្រមុខ​រដ្ឋាភិបាល​សម្តេច​តេជោ ក៏​ណែនាំ​ឲ្យ​ក្រសួងកសិកម្ម ក្រសួងពាណិជ្ជកម្ម អភិបាលខេត្តបាត់ដំបងនិងប៉ៃលិន ត្រូវខិតខំដោះស្រាយរកទីផ្សារជូនកសិករ ជាដំណោះសម្រាប់រយៈពេលខាងមុខ។

គួរ​បញ្ជាក់​ថា​ មៀន​ប៉ៃលិន​មាន​ដាំដុះ​ច្រើន​ម៉ឺន​ហិកតានៅ​ខេត្ត​ប៉ៃលិន បាត់ដំបង និង​បន្ទាយមានជ័យ ដែល​ឆ្នាំនេះ​ចាល់មិនអាច​នាំចេញទៅ​ទីផ្សារ​ថៃ​បាន។ កន្លង​ទៅ​ថៃ​បាននាំចូល​មៀន​ប៉ៃលិន​ពី​ខ្មែរ នាំ​ទៅលក់បន្ត​នៅ​ទីផ្សារ​ប្រទេស​ចិន៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១២ នាទី មុន

ចោរលួចមាន់ លួចក្ងាន អ្នកភូមិរាំងដេក ២ យ៉ាងសកម្មនោះ ត្រូវសមត្ថកិច្ចចាប់ខ្លួនបានហើយ

សុខភាព១៦ នាទី មុន

រឿងពិតច្រើនយ៉ាង ពីការរួមភេទ មនុស្សភាគច្រើនមិនសូវដឹង

ចរាចរណ៍៣១ នាទី មុន

បុរសម្នាក់បើករថយន្តស៊េរីទំនើប ជ្រុលទៅបុកបង្គោលភ្លើង និងជញ្ជាំងឃ្លាំងលក់រថយន្ត រងការខូចខាតយ៉ាងដំណំ

សុខភាព៣៦ នាទី មុន

ទម្លាប់​សាមញ្ញ​​ទាំង​៧​ បំផ្លាញ​សុខភាព​ខួរ​ក្បាល​ដោយ​មិន​ដឹង​ខ្លួន​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ព័ត៌មានជាតិ៤៣ នាទី មុន

ក្នុងនាមជាប្រធានអាស៊ាន ឆ្នាំ២០២២ កម្ពុជានឹងជំរុញរបៀបវារៈ “ស្រ្តី សន្តិភាព និង សន្តិសុខ”​

Sokha Hotels

ព័ត៌មានពេញនិយម

Helistar Cambodia - Helicopter Charter Services