ព័ត៌មានជាតិ
អ្នកជំងឺកូវីដជិត៥ពាន់នាក់នៅរាជធានីភ្នំពេញកំពុងទទួលការព្យាបាលនៅតាមផ្ទះ
រហូតមកដល់នេះមានអ្នកជំងឺកូវីដ-១៩កម្រិតស្រាលប្រមាណជិត៥ពាន់នាក់ហើយនៅរាជធានីភ្នំពេញកំពុងទទួលការព្យាបាលនៅតាមផ្ទះដោយគោរពនិងអនុវត្តទៅតាមគោលការណ៍ណែនាំរបស់ក្រសួងសុខាភិបាល។
លោកវេជ្ជបណ្ឌិត ងី មានហេង ប្រធានមន្ទីរសុខាភិបាលរាជធានីភ្នំពេញបានមានប្រសាសន៍នៅថ្ងៃទី១៩សីហានេះថា គិតត្រឹមថ្ងៃទី១៩ ខែសីហានេះ នៅរាជធានីភ្នំពេញមានអ្នកជំងឺកូវីដ១៩កម្រិតស្រាល ឬមិនមានរោគសញ្ញាចំនួន៤,៦៩៨នាក់ កំពុងទទួលការព្យាបាលនៅតាមផ្ទះ ក្នុងនោះមានអ្នកជាសះស្បើយចំនួន១,៦១៧នាក់ បញ្ជូនបន្តទៅព្យាបាលជំងឺនៅតាមមណ្ឌលចំនួន១១០នាក់ និងកំពុងព្យាបាលនៅតាមផ្ទះចំនួន២,៩៧៦នាក់ ក្នុងនោះស្រី១,៤១១នាក់។
លោកវេជ្ជបណ្ឌិតបានបន្តថា ការអនុញ្ញាតឱ្យអ្នកជំងឺកូវីដ១៩ព្យាបាលបានតាមផ្ទះនេះ គឺផ្តោតតែទៅលើអ្នកជំងឺដែលទទួលបានការចាក់វ៉ាក់សាំងការពារជំងឺកូវីដ១៩ចំនួន២ដូស និងការឆ្លងមានកម្រិតស្រាលមានវ័យក្មេងនិងមិនមានជំងឺប្រចាំកាយ ពិសេសលំនៅដ្ឋានគាត់ស្របទៅតាមការណែនាំរបស់ក្រសួង សុខាភិបាល។
លោកប្រធានមន្ទីរបានបន្តថា ការព្យាបាលតាមផ្ទះនឹងជួយឱ្យអ្នកជំងឺបានល្អប្រសើរដោយគាត់អាចរស់នៅជាមួយគ្រួសារបាន តែអាស្រ័យលើលក្ខខណ្ឌផ្ទះរបស់គាត់ស្របទៅតាមគោលការណ៍របស់ក្រសួង សុខាភិបាលដែរឬអត់ដើម្បីធ្វើយ៉ាងណាឱ្យការព្យាបាលមានប្រសិទ្ធភាព។
លោកវេជ្ជបណ្ឌិតបានបន្តទៀតថា មុននឹងដាក់ឱ្យព្យាបាលអ្នកជំងឺតាមផ្ទះត្រូវមានការវាយតម្លៃផ្ទះរបស់អ្នកជំងឺឱ្យបានម៉ត់ចត់ជាមុនពីមន្ត្រីបុគ្គលិកពាក់ព័ន្ធដូចជាមានបន្ទប់រស់នៅដាច់ដោយឡែកពីសមាជិក គ្រួសារដទៃ និងមានបន្ទប់ទឹកនៅដាច់ដោយឡែកអាចកំណត់ចលនាអ្នកជំងឺពីកន្លែងមួយទៅកន្លែងមួយ ទៀតក្នុងផ្ទះបានសមាជិករស់នៅក្នុងផ្ទះជាមួយអ្នកជំងឺមិនមែនជាក្រុមប្រឈមមុខខ្ពស់នឹងជំងឺកូវីដ ១៩។
លោកវេជ្ជបណ្ឌិតបានបន្ថែមថា ចំពោះការវាយតម្លៃគ្លីនិកនិងស្ថានភាពសុខភាពដែលអ្នកជំងឺកូវីដ១៩ដែលគ្រូពេទ្យអនុញ្ញាតការព្យាបាលថែទាំនៅតាមផ្ទះត្រូវតែមានរោគសញ្ញាឬមានរោគសញ្ញាកម្រិតស្រាលដូចជាក្តៅខ្លួនអស់កម្លាំងក្អកមានឬមិនមានស្លេស តឹងច្រមុះ ហៀរសំបោរ ឈឺបំពង់កឈឺក្បាលនិងឈឺសាច់ដុំគ្មានកត្តាប្រឈមឬហានិភ័យដូចជា អ្នកជំងឺដែលមានអាយុច្រើនលើសពី៦០ឆ្នាំ ជក់បារី ធាត់មានជំងឺប្រចាំកាយដូចជាជំងឺសរសៃឈាម ឬបេះដូងទឹកនោមផ្អែមជំងឺសួតរ៉ាំរ៉ៃជំងឺតម្រងនោមរ៉ាំរ៉ៃមានប្រព័ន្ធរាងកាយខ្សោយឬជំងឺមហារីក។
បើតាមក្រសួងសុខាភិបាលបានការដាក់អ្នកជំងឺកូវីដ១៩ឲ្យដាច់ដោយឡែកព្យាបាលនៅតាមផ្ទះមានសារសំខាន់ជួយកាត់បន្ថយបន្ទុកប្រព័ន្ធសុខាភិបាលដោយផ្ដល់ឲ្យមូលដ្ឋានថែទាំនិងព្យាបាលអ្នកជំងឺកូវីដ១៩មានលទ្ធភាពបន្ថែមទៀតក្នុងការគ្រប់គ្រងករណីជំងឺកូវីដ១៩និងសង្គ្រោះបន្ទាន់កម្រិតធ្ងន់។ ជាងនេះទៀតការព្យាបាលអ្នកជំងឺកូវីដ១៩កម្រិតស្រាលនៅតាមផ្ទះនេះដើម្បីកាត់ផ្ដាច់ខ្សែច្រវ៉ាក់ចម្លងវីរុសកូវីដ១៩តាមរយៈការដាក់អ្នកជំងឺកូវីដ១៩ឲ្យនៅដាច់ដោយឡែកនៅក្នុងផ្ទះនិងអនុវត្តវិធានចត្តាឡីស័កចំពោះអ្នកប៉ះពាល់ព្រមទាំងពិចារណាគម្រោងការបើកឡើងវិញឲ្យបានទាន់ពេលវេលានិងសមស្របបន្ទាប់ពីលែងមានបញ្ហាប្រឈមនឹងករណីឆ្លងជំងឺកូវីដ១៩ដើម្បីជួយកាត់បន្ថយផលប៉ះពាល់ទៅលើសេដ្ឋកិច្ចនិងសង្គម។
គួរបញ្ជាក់ថា បច្ចុប្បន្ននេះក្រសួងសុខាភិបាលបានអនុញ្ញាតឱ្យរាជធានីខេត្តនៅទូទាំងប្រទេសធ្វើការព្យាបាលអ្នកជំងឺកូវីដ-១៩នៅតាមផ្ទះ៕
អត្ថបទ ៖ សំអឿន
អំពើពុករលួយ ធ្វើឱ្យប្រធានសមាគមបាល់ទាត់ថ្នាក់ជាតិរបស់ប្រទេសចិន ត្រូវជាប់ពន្ធនាគារអស់មួយជីវិត
ក្នុងត្រីមាសទី១ឆ្នាំនេះ ខេត្តកែប នាំចេញផ្លែស្វាយកែវរមៀតជាង ៧ពាន់តោន កើនឡើង ៨២%
ផ្លូវប្របមាត់ព្រែកពីគល់ស្ពានថ្មីដល់ស្ពានចាស់ រួមជាមួយសួនកម្សាន្ត និងលេចរូបរាងឆាប់ៗក្នុងខេត្តកំពត
ដីព្រៃក្នុងដែនជម្រកសត្វព្រៃគូលែន-ព្រហ្មទេព ក្បែរបរិស្ថានតាកឹង កំពុងរងការឈូសឆាយកាប់បំផ្លាញ
កម្ពុជា-ថៃ ជួបប្រជុំទ្វេភាគីលើកទី១៤ស្តីពីកិច្ចសហប្រតិបត្តិការប្រយុទ្ធប្រឆាំងគ្រឿងញៀន
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៣ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច២ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ