ព័ត៌មានជាតិ
មន្ត្រីរដ្ឋាភិបាលកម្ពុជាជាង ៣០០០នាក់ហើយទទួលបានការបណ្តុះបណ្តាលពីរដ្ឋាភិបាលកូរ៉េ
ចាប់ពីឆ្នាំ១៩៩៤ រហូតដល់ឆ្នាំ២០២០ កយកា-KOICA បានអញ្ជើញមន្រ្តីរដ្ឋាភិបាលប្រហែល ៣ ២០០នាក់ ឲ្យចូលរួមក្នុងវគ្គបណ្តុះបណ្តាល រយៈពេលខ្លី និងកម្មវិធីអនុបណ្ឌិត នៅសាធារណរដ្ឋកូរ៉េ ក្រោមកម្មវិធីពង្រឹងសមត្ថភាពរបស់ កយកា-KOICA។
ជាក់ស្តែងបើទោះបីជាមានស្ថានភាពរាតត្បាតជំងឺកូវីដ-១៩ក៏ដោយ ក៏ទីភ្នាក់ងារសហប្រតិបត្តិការអន្តរជាតិកូរ៉េ (កយកា-KOICA) បានបើកដំណើរការកម្មវិធីបណ្តុះបណ្តាលថ្មីមួយ តាមប្រព័ន្ធអនឡាញ ដើម្បីជួយដល់សាលាភូមិន្ទរដ្ឋបាល(RSA)នៃប្រទេសកម្ពុជា។ វគ្គបណ្តុះបណ្តាលតាមប្រព័ន្ធអនឡាញ មានរយៈពេល ១២ថ្ងៃនេះ គឺសម្រាប់មន្រ្តីថ្នាក់អនុប្រធាន ចំនួន ១៥ រូបមកពីសាលាភូមិន្ទរដ្ឋបាល (RSA) ។
គោលបំណងនៃការបណ្តុះបណ្តាលតាមប្រព័ន្ធអនឡាញ នេះគឺដើម្បីពង្រឹងសមត្ថភាពគ្រប់គ្រងធនធានមនុស្ស(HRD) ដើម្បីដឹកនាំការផ្លាស់ប្តូរស្ថាប័ន និងបង្កើតចក្ខុវិស័យសម្រាប់ការអភិវឌ្ឍជាតិ។
សម្រាប់ឆ្នាំ២០២១ កយកា-KOICA សហការជាមួយវិទ្យាស្ថានជាតិអភិវឌ្ឍន៍ធនធានមនុស្ស(NHI)របស់សាធារណរដ្ឋកូរ៉េ បានបើកវគ្គបណ្តុះបណ្តាលតាមប្រព័ន្ធអនឡាញ ស្តីពី “ការកសាងសមត្ថភាពសម្រាប់មន្រ្តីរាជការនៃសាលាភូមិន្ទរដ្ឋបាល(កម្ពុជា)” ចាប់ពីថ្ងៃទី២៣ ខែសីហា ដល់ថ្ងៃទី៣ ខែកញ្ញាឆ្នាំ ២០២១។
វគ្គបណ្តុះបណ្តាលដ៏មានសារៈសំខាន់នេះ ត្រូវបានរៀបចំឡើងដើម្បី ទី១)-បង្កើនសមត្ថភាពអ្នកចូលរួមសម្រាប់អភិវឌ្ឍធនធានមនុស្សក្នុងវិស័យសាធារណៈ ទី២)-ការគ្រប់គ្រងបុគ្គលិកសាធារណៈកម្រិតខ្ពស់និងផ្នែកធនធានមនុស្សនៅកម្ពុជា ទី៣)-នាំមកនូវភាពរុងរឿងរួមសម្រាប់កម្ពុជានិងកូរ៉េតាមរយៈការចែករំលែកបទពិសោធន៍អភិវឌ្ឍន៍ និងទី៤)- ពង្រឹងសមត្ថភាពគ្រប់គ្រងអភិវឌ្ឍធនធានមនុស្សប្រកបដោយយុទ្ធសាស្រ្ត ដើម្បីឲ្យកម្ពុជាអាចបង្កើតមូលដ្ឋានគ្រឹះដ៏រឹងមាំសម្រាប់អភិវឌ្ឍធនធានមនុស្សរបស់រដ្ឋាភិបាល។
សិក្ខាកាមកម្ពុជាទាំងអស់ បានរៀបចំរបាយការណ៍ប្រចាំប្រទេស (Country Report) អំពីស្ថានភាពបច្ចុប្បន្ននៅក្នុងប្រទេស ដោយធ្វើការវិភាគអំពីបញ្ហា និងបញ្ហាប្រឈមនាពេលបច្ចុប្បន្ន របស់ប្រទេសកម្ពុជា ព្រមទាំងកាលៈទេសៈដែលនៅជុំវិញពួកគេ។ លើសពីនេះ សិក្ខាកាមដែលបានចូលរួមវគ្គបណ្តុះបណ្តាល នឹងបង្កើតផែនការសកម្មភាព ដែលដឹកនាំដោយសាស្រ្តាចារ្យជនជាតិកូរ៉េ។ ផែនការនេះនឹងក្លាយជាឯកសារសំខាន់មួយសម្រាប់សិក្ខាកាមក្នុងកម្មវិធីបណ្តុះបណ្តាល ក្នុងការស្វែងរកដំណោះស្រាយចំពោះបញ្ហា ដែលបានកំណត់នៅក្នុងរបាយការណ៍ប្រចាំប្រទេស។
នៅប្រទេសកម្ពុជា កយកា-KOICA ធ្វើការលើផ្នែកបច្ចេកទេសជាច្រើនទៅលើកម្មវិធី និងគម្រោងផ្សេងៗ ដែលជះឥទ្ធិពលយ៉ាងខ្លាំងដល់ការអភិវឌ្ឍរបស់ប្រទេសកម្ពុជា ដូចជាការកែលម្អអាហារូបត្ថម្ភ និងសុខុមាលភាពរបស់សិស្ស ពង្រឹងសមត្ថភាពគ្រូបង្រៀន សុខភាពសាធារណៈ កសិកម្ម និងហេដ្ឋារចនាសម្ព័ន្ធ និងនាវានុវត្ត។
កយកា-KOICA នឹងបន្តគាំទ្រ និងអនុវត្តកម្មវិធី នៅកម្ពុជា ដែលផ្តោតលើការអភិវឌ្ឍធនធានមនុស្ស៕
អត្ថបទ ៖ សំអឿន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ២៤ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ