ព័ត៌មានជាតិ
សមត្ថកិច្ច ឃាត់ខ្លួន ជនសង្ស័យដើរទាក់ឆ្កែ ២នាក់ នៅខណ្ឌសែនសុខ
ជនសង្ស័យ២នាក់ ពាក់ព័ន្ធនឹងការលួចទាក់សត្វឆ្កែ ត្រូវបានកម្លាំងនគរបាលខណ្ឌសែនសុខ ធ្វើការចាប់ឃាត់ខ្លួនភ្លាមៗ កាលពីវេលាម៉ោង៥ និង៣០នាទីល្ងាច ថ្ងៃទី១៩ ខែសីហា ឆ្នាំ២០២១ នៅចំណុចតាមបណ្តោយ ផ្លូវប៉េតុង ទល់មុខហាង សម្រស់ធម្មជាតិ ស្ថិតក្នុងភូមិក្រាំងអង្ក្រង់ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។
ជនសង្ស័យទាំង២នាក់ ទី១មានឈ្មោះ អឿន លីហុង (ហៅហុង) ភេទប្រុស អាយុ១៨ឆ្នាំ មុខរបរមិនច្បាស់លាស់ ស្នាក់នៅបន្ទប់ជួល ផ្លូវបេតុង សង្កាត់ផ្សារថ្មី២ ខណ្ឌដូនពេញ (មានសារធាតុញៀន)។ និងម្នាក់ទៀតមានឈ្មោះ នេត បញ្ញា (ហៅជ័យ) ភេទប្រុស អាយុ១៨ឆ្នាំ មុខរបរមិនច្បាស់លាស់ ស្នាក់នៅបន្ទប់ជួល ផ្លូវបេតុង ភូមិក្រោលគោ សង្កាត់គីឡូតិ៍ម៉ែត្រលេខ៦ ខណ្ឌឬស្សីកែវ (គ្មានសារធាតុញៀន)។
យោងតាមប្រភពឲ្យដឹងថា មុនឈានដល់ការឃាត់ខ្លួន កម្លាំងនគរបាលខណ្ឌសែនសុខ បានល្បាតពួនស្ទាក់ ដើម្បីការពារសន្តិសុខ ជូនពលរដ្ឋក្នុងមូលដ្ឋាន។ លុះល្បាតដល់ចំណុចខាងលើ ប្រទះឃើញជនសង្ស័យទាំង២នាក់ ជិះម៉ូតូមួយគ្រឿងម៉ាកស៊ីរ៉ុស ពណ៌ខ្មៅលាយស មានដឹកប៉ាវមួយពីក្រោយ មើលទៅគួរឲ្យសង្ស័យ ក៏សុំធ្វើការឆែកឆេរ។ ខណះឆែកឆេរប៉ាវនោះ ក៏ប្រទះឃើញ មានឆ្កែងាប់ចំនួន២ក្បាល ដោយសង្ស័យថា ពួកគេជាអ្នកដើរទាក់ឆ្កែពលរដ្ឋ ក៏សម្រេចធ្វើការឃាត់ខ្លួន យកទៅកាន់អធិការដ្ឋាននគរបាលខណ្ឌ ដើម្បីសាកសួរនាំ។
នៅចំពោះមុខសមត្ថកិច្ចជនទាំង២ បានឆ្លើយសារភាពថា ពួកគេពិតជាបានទាក់ឆ្កែ ពលរដ្ឋទាំង២ក្បាល ប្រាកដមែន។ បច្ចុប្បន្នជនសង្ស័យទាំង២នាក់ ត្រូវបានឃុំខ្លួនបណ្តោះអាសន្ន នៅអធិការដ្ឋាននគរបាលខណ្ឌសែនសុខ រង់ចាំកសាងសំណុំរឿងបញ្ចូន ទៅតុលាការចាត់ការ ទៅតាមនីតិវិធីច្បាប់ នៅពេលក្រោយ៕ (ដោយ)៖ លីហេង
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល