ព័ត៌មានជាតិ
ស្ថានទូតកម្ពុជា អំពាវនាវឱ្យពលរដ្ឋខ្មែរនៅជប៉ុនបង្កើនការប្រុងប្រយ័ត្ន ខណៈអាជ្ញាធរសម្រេចដាក់ខេត្តចំនួន៧ទៀត ក្នុងភាពអាសន្ន
ស្ថានទូតកម្ពុជាប្រចាំប្រទេសជប៉ុន កាលពីថ្ងៃទី២១ ខែសីហា ឆ្នាំ២០២១ បានអំពាវនាវឱ្យពលរដ្ឋកម្ពុជាទាំងអស់ ដែលកំពុងរស់នៅ និងធ្វើការនៅក្នុងប្រទេសជប៉ុន ជាពិសេសនៅទីក្រុងតូក្យូ និងខេត្តចំនួន១២ បង្កើនការប្រុងប្រយ័ត្ន និងសហការជាមួយអាជ្ញាធរឲ្យបានខ្ជាប់ខ្ជួន ខណៈប្រទេសនេះ សម្រេចដាក់ខេត្តចំនួន ៧ទៀត ឱ្យស្ថិតនៅក្នុងភាពអាសន្ន ដោយសារតែការរីករាលដាល នៃមេរោគកូវីដ១៩ ប្រភេទ Delta។
បើតាមស្ថានទូតកម្ពុជាប្រចាំប្រទេសជប៉ុន ខេត្តចំនួន៧នោះ គឺខេត្ត Ibaraki, Tochigi, Gunma, Shizuoka, Kyoto, Hyogo និង Fukuoka ដែលចូលជាធរមានចាប់ពីថ្ងៃសុក្រទី២០ ខែសីហា ហើយការដាក់ខេត្តទាំង៧នេះ បន្ថែមពីលើទីក្រុងតូក្យូ, ខេត្ត Kanagawa, Saitama, Chiba, Osaka, និង Okinawa។
ស្ថានទូតបញ្ជាក់ថា សម្រេចដាក់ខេត្តចំនួន៧ទៀត ដោយសារចំនួនអ្នកឆ្លងជំងឺកូវីដ១៩ ពិសេសមេរោគបំប្លែងថ្មី Delta មានការកើនឡើងខ្ពស់ ហើយតម្រូវការសេវាកម្មសុខាភិបាល ពិសេសតម្រូវការស្នាក់នៅមន្ទីរពេទ្យក៏កើនឡើងខ្ពស់ ហើយខេត្តទាំង១៣នេះ នឹងឋិតនៅក្នុងភាពអាសន្នរហូតដល់ថ្ងៃទី១២ ខែកញ្ញា ឆ្នាំ២០២១។
ជាមួយនឹងការជូនដំណឹងនេះ ស្ថានទូតបានអំពាវនាវដល់ប្រជាពលរដ្ឋខ្មែរទាំងអស់ ដែលកំពុងស្នាក់នៅប្រទេសជប៉ុន ជាពិសេសពលរដ្ឋខ្មែរដែលកំពុងស្នាក់នៅទីក្រុងតូក្យូ និងខេត្តទាំង ១២ខាងលើ សហការ និងប្រតិបត្តិវិធានការទប់ស្កាត់ការឆ្លងជំងឺកូវីដ១៩ បង្កើនស្មារតីប្រុងប្រយ័ត្នខ្ពស់ជានិច្ច និងធ្វើដំណើរក្នុងករណីដែលចាំបាច់បំផុត ហើយថែរក្សាសុខភាព ប្រកាន់ខ្ជាប់នូវអនាម័យល្អ ពាក់ម៉ាស ចៀសវាងការជួបជុំគ្នាច្រើន និងរក្សាគម្លាតសុវត្ថិភាព។
ក្នុងករណីចង់ប្រឹក្សាយោបល់ សូមទាក់ទង៖ ហ្វេសប៊ុកស្ថានទូត Royal Embassy of Cambodia in Japan ឬលេខទូរសព្ទ ០៨០ ៤៦៨៩ ៩៣៧៤៕ ដោយ៖ កោះកែវ
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល