ព័ត៌មានជាតិ
កូរ៉េ ក្លាយជាប្រទេសធំ លំដាប់ទី២ ដែលបោះទុនវិនិយោគនៅកម្ពុជា
រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍ថា គិតមកដល់បច្ចុប្បន្ននេះទុនវិនិយោគមកពីប្រទេសកូរ៉េ នៅកម្ពុជា មានតម្លៃជាង៥ពាន់លានដុល្លារអាមេរិក ដែលធ្វើឲ្យកូរ៉េ ក្លាយជាប្រទេសធំលំដាប់ទី២ ដែលបានវិនិយោគនៅកម្ពុជា។
ការលើកឡើងរបស់លោកបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានធ្វើឡើងក្នុងជំនួបពិភាក្សាការងារជាមួយលោក Park Heung Kyeong ឯកអគ្គរដ្ឋទូតសាធារណរដ្ឋកូរ៉េ ថ្មីប្រចាំកម្ពុជា នាព្រឹកថ្ងៃទី២៦ ខែវិច្ឆិកា ឆ្នាំ២០២០ នៅទីស្ដីការក្រសួង។
លោករដ្ឋមន្ត្រី បានបន្តថា ជាក់ស្តែងទំហំពាណិជ្ជកម្មកម្ពុជា និងសាធារណរដ្ឋកូរ៉េ ក្នុងឆ្នាំ២០១៩កន្លងទៅបានឈានដល់ជាង១៥០០លានដុល្លារអាមេរិក ហើយនឹងបន្តកើនឡើងជាបន្តបន្ទាប់ទៀតនៅពេលដែលកម្ពុជានិងកូរ៉េ ចុះកិច្ចព្រមព្រៀងពាណិជ្ជកម្មសេរីជាមួយគ្នា នាពេលខាងមុខនេះ។
លោករដ្ឋមន្ត្រី បានបន្តទៀតថា«កម្ពុជា និងកូរ៉េ កំពុងចរចាកិច្ចព្រមព្រៀងពាណិជ្ជកម្មសេរី ដើម្បីឈានទៅចុះហត្ថលេខាដាក់ឱ្យដំណើរការជាធរមាន នាពេលឆាប់ៗនេះ។ កិច្ចព្រមព្រៀងនេះនឹងជំរុញឲ្យទំហំពាណិជ្ជកម្ម និងការវិនិយោគកាន់តែមានការកើនឡើង ហើយវិនិយោគិនកូរ៉េ ក៏នឹងមកកម្ពុជាបន្ថែម ដើម្បីស្វែងរកឱកាសវិនិយោគក្នុងវិស័យជាច្រើនទៀត»។
លោក Park Heung Kyeong ឯកអគ្គរដ្ឋទូតសាធារណរដ្ឋកូរ៉េថ្មីប្រចាំកម្ពុជាបានមានប្រសាសន៍ថាបច្ចុប្បន្ននេះមានក្រុមហ៊ុន សហគ្រាស របស់កូរ៉េ ដែលមកវិនិយោគនៅប្រទេសកម្ពុជា មានចំនួន១៥០ដោយមានជនជាតិកូរ៉េ ប្រមាណជិត២ពាន់នាក់ និងមានកម្មករ និយោជិត ប្រមាណ៥ម៉ឺននាក់។
លោកទួត បានបន្តថា ក្នុងចំណោមរោងចក្រ សហគ្រាស១៥០ ក្នុងនោះ មាន៥០រោងចក្រផលិតផលកាបូប និងផ្នែកកាត់ដេរ។
លោករដ្ឋមន្ត្រី បានថ្លែងអំណរគុណដល់ភាគីកូរ៉េ ដែលកន្លងមកបានជួយដល់ ទីភ្នាក់ងារជាតិមុខរបរ និងការងារ(NEA) ដើម្បីឲ្យអង្គភាពមួយនេះ មានប្រសិទ្ធិភាពក្នុងការផ្តល់សេវាការងារ ជូនដល់អ្នកស្វែងរកការងារធ្វើ ក៏ដូចជានិយោជក ដែលមានតម្រូវការជ្រើសរើសកម្លាំងពលកម្មផងដែរ៕
អត្ថបទ ៖ សំអឿន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ