ព័ត៌មានជាតិ
ការចរចានាំចេញ ផ្លែមៀនប៉ៃ លិនទៅថៃ និងចិន ស្ថិតក្នុងដំណាក់កាល ត្រួតពិនិត្យសមាសភាពចង្រៃ
ប្រទេសកម្ពុជា បានព្យាយាមធ្វើការចរចា បើកទីផ្សារផ្លែមៀនប៉ៃលិន ជាមួយប្រទេសថៃ និងប្រទេសចិន តាំងពីឆ្នាំ ២០១៩ មកម្ល៉េះដែលមកដល់ពេលនេះ ប្រទេសទាំងពីរនោះ មិនទាន់ឯកភាពនៅឡើយ ខណៈពេលដែលមានការរាតត្បាតកូវីដ-១៩កំពុងបន្ត។ មន្រ្តីក្រសួងកសិកម្ម រុក្ខាប្រម៉ាញ់ និងនេសាទ ដែលទទួលការចរចា បើកទីផ្សារផ្ទាល់ជាមួយភាគីថៃ និងភាគីចិន បានបញ្ជាក់ថា ការចរចាកំពុងស្ថិត ក្នុងដំណាក់កាលត្រួតពិនិត្យ ពិសេសលើការត្រួតពិនិត្យសមាសភាពចង្រៃ ដែលមាននៅលើផ្លៃមៀន របស់កម្ពុជា។
លោក ងិន ឆាយ អគ្គនាយក នៃអគ្គនាយកដ្ឋានកសិកម្ម ក្រសួងកសិកម្ម រុក្ខាប្រម៉ាញ់ និងនេសាទ បានឲ្យដឹងថា ២២ ខែ សីហាថា «ការចរចាបើកទីផ្សារនេះ គឺយើងចាប់ផ្ដើម ជាមួយប្រទេសថៃ និងប្រទេសចិន តាំងពីឆ្នាំ២០១៩មកម្ល៉េះ ហើយនៅក្នុងប្រទេសនីមួយៗ គេមានច្បាប់របស់គេ មុននឹងអាចនាំទំនិញចូលណាមួយ ពីប្រទេសផ្សេងៗ។ លោកបញ្ជាក់ថា ពាក្យបច្ចេកទេស គេហៅថា ទំនិញជាប់បញ្ញត្តិ ឬទំនិញជាប់កម្រិតកំណត់ ត្រូវតែមានការចរចាពិភាក្សា ហើយត្រូវមានការឯកភាព ទៅលើលក្ខខណ្ឌតម្រូវភូតគាមអនាម័យ នៃប្រទេសទាំងពីរ»។
គួរជម្រាបថា អគ្គនាយកដ្ឋានកសិកម្ម នៃក្រសួងកសិកម្ម រុក្ខាប្រម៉ាញ់ និងនេសាទ បានធ្វើការចរចាជាមួយថៃ ដើម្បីបើកទីផ្សារនាំចូលមៀនកម្ពុជា ទៅប្រទេសថៃ តាំងពីថ្ងៃ១៦ ខែសីហា ឆ្នាំ២០១៩ម្លេះ តែរហូតមកទល់ពេលនេះ ការចរចារមិនទាន់ សម្រេចលទ្ធផលឯកភាពគ្នា ស្ដីពី លក្ខខណ្ឌតម្រូវភូតគាមអនាម័យ សម្រាប់ការនាំចេញផ្លែមៀន ប៉ៃលិនទៅថៃនៅឡើយទេ។
មិនទាន់ឯកភាពគ្នា ដោយសារថា ប្រទេសថៃ ក៏មានដាំផ្លៃមៀន (តាង៉ែន)នេះ ហើយគេមានក្រុមហ៊ុនរហូតជិត១០០ សម្រាប់នាំចេញទៅកាន់ប្រទេសចិន។ ទន្ទឹមនោះកម្ពុជា ក៏បានចរចាជាមួយចិនផងដែរ ដើម្បីនាំចូលផ្លែមៀនប៉ៃលិនកម្ពុជា ទៅចិន កាលពីថ្ងៃ៥ ខែមិថុនា ឆ្នាំ២០១៩ តែចិនក៏មិនទាន់សម្រេចលទ្ធផលឯកភាពដែរ ដោយសារការរតត្បាតនៃកូវីដ-១៩ ដែលបង្កការរាំងស្ទះ មិនឲ្យអ្នកជំនាញ នៃប្រទេសទាំងពីរ អាចមកធ្វើការពិនិត្យជាក់ស្តែងនៅក្នុងចំការមៀនប៉ៃលិន របស់កម្ពុជា។
លោក ងិន ឆាយ បានបន្តថា «ដូច្នេះប្រទេសកម្ពុជា បានបើកការចរចាជាមួយថៃ និងជាមួយចិន ក្នុងអំឡុងខែមិថុនាឆ្នាំ២០១៩ ដើម្បីចរចាបើកទីផ្សារ ជាពិសេសគឺយើងចាប់ ផ្ដើមវិភាគអំពីហានិភ័យ នៃសមាសភាពចង្រៃលើដំណាំមៀនប៉ៃលិន ក៏ប៉ុន្តែការចរចានេះ មិនទាន់បានជោគជ័យ នៅឡើយដោយសារប្រទេសទាំងពីរ ប្រទេសថៃ និងប្រទេសចិន បានឆ្លើយតបមកវិញថា គេកំពុងពិនិត្យឯកសារ ដោយសារសភាពការណ៍បច្ចុប្បន្ន មានការរាតត្បាតកូវីដ-១៩ គេមិនអាចទាន់ បញ្ជូនអ្នកបច្ចេកទេសរបស់គេ ចុះមកពិនិត្យស្ថាន ផ្លែមៀនប៉ៃលិននៅក្នុងចម្ការមៀនរបស់ប្រទេសកម្ពុជានៅឡើយ។ ជាការសង្ខេបមក ការចរចា គឺស្ថិតនៅក្នុងដំណាក់កាល ត្រួតពិនិត្យឯកសារមានន័យថា កំពុងពិនិត្យសមាសភាពចង្រៃ នៅក្នុងផ្លែមៀនរបស់កម្ពុជា»។
លោកអគ្គនាយក នៃអគ្គនាយកដ្ឋានកសិកម្ម បានបន្តថា បើទោះបីកម្ពុជា មានរោងចក្រកែច្នៃវេចខ្ចប់ និងសំអាតសមាសធាតុចង្រៃ លើផ្លែមៀនប៉ៃលិនក៏ដោយ តែក៏មិនប្រាកដថា កម្ពុជាអាចនាំចេញផ្លែមៀនប៉ៃលិន ទៅកាន់ប្រទេសថៃ និងប្រទេសចិនបានភ្លាមៗនោះដេរ។ ជាមួយនេះលោក ងិន ឆាយ ក៏បានអំពាវនាវ ឲ្យអ្នកវិនិយោគទុនណា ដែលបានវិនិយោគទៅលើការ សង់រោងចក្រកែច្នៃវេចខ្ចប និងសំអាតសមាសធាតុចង្រៃ រួចហើយត្រូវរាយការណ៍មកក្រសួង ដើម្បីទទួលបានច្បាប់អនុញ្ញាត។
ក្រសួងកសិកម្ម រុក្ខាប្រមាញ់និងនេសាទ បានធ្វើការអំពាវនាវ ចំពោះអ្នកដែលមានបំណងវិនិយោគ លើការនាំចេញផលិតផលផ្លែមៀនស្រស់ ឲ្យចូលរួមជាមួយក្រសួងក្នុងការ ជំរុញការនាំចេញផលិតផលផ្លែមៀនស្រស់ ទៅកាន់ទីផ្សារបរទេស ដោយពិនិត្យលទ្ធភាពធ្វើការវិនិយោគ ក្នុងការសាងសង់ នូវហេដ្ឋារចនាសម្ព័ន្ធពាក់ព័ន្ធ ឬពង្រីកហេដ្ឋារចនា សម្ព័ន្ធដែលមានស្រាប់ឲ្យបានទាន់ពេលវេលា និងមានសមត្ថភាពគ្រប់គ្រាន់ ក្នុងការស្រូបយកផលិតផលមកធ្វើការកែច្នៃនាំចេញឲ្យបានជាអតិបរមាភ្លាមៗ នៅក្រោយពេលមានការឯកភាព ជាមួយប្រទេសនាំចូលលើពិធីសារស្តីពីលក្ខខណ្ឌតម្រូវភូតគាមអនាម័យ។
ផ្លែមៀនប៉ៃលិន ជាប្រភេទទំនិញ ជាប់កម្រិតកំណត់ ឬជាប់របាំងភូតគាមអនាម័យ ដែលតម្រូវឲ្យសមត្ថកិច្ចភូតគាមអនាម័យកម្ពុជា ធ្វើសំណើសុំចរចាបើកទី ផ្សារជាមួយសមត្ថកិច្ចភូតគាមអនាម័យ នៃប្រទេសនាំចូលជាមុន តាមរយៈការស្នើសុំ វាយតម្លៃហានិភ័យសមាសភាពចង្រៃ ពាក់ព័ន្ធនឹងការនាំចូលផ្លែមៀនប៉ៃលិននេះ៕ (ដោយ)៖ណារី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ