បង្ក្រាប​ថ្នាំញៀន​ទម្ងន់​ប្រមាណ​៤០​គីឡូក្រាម តែ​ក្រុម​ឧក្រិដ្ឋ​ជន​ដឹងខ្លួន គេច​បាត់​ស្រមោល – Kampuchea Thmey Daily
Connect with us

ព័ត៌មានជាតិ

បង្ក្រាប​ថ្នាំញៀន​ទម្ងន់​ប្រមាណ​៤០​គីឡូក្រាម តែ​ក្រុម​ឧក្រិដ្ឋ​ជន​ដឹងខ្លួន គេច​បាត់​ស្រមោល

Published

on

កម្លាំងយោធា​ការពារ​ព្រំដែន នៃ​អង្គភាព​តំបន់​ប្រតិបត្តិការ​សឹក​រង​ស្ទឹងត្រែង​ សហការ​ជាមួយ​អាវុធ ហត្ថ​ខេត្ត​ស្ទឹងត្រែង បង្ក្រាប​បាន​គ្រឿងញៀន​ជាង​៤២​កញ្ចប់ ទម្ងន់​ប្រមាណ​៤០​គីឡូក្រាម​។

ករណី​បង្ក្រាប​គ្រឿងញៀន​ខាងលើ​នេះ​បានធ្វើ​ឡើង ​កាលពី​វេលា​ម៉ោង​៣​និង​៣០​នាទី​ទៀបភ្លឺ​ ថ្ងៃ​ទី ២៣ ខែ​តុលា​ ឆ្នាំ​២០២០ ​ចំណុច​បង្គោល​ព្រំដែន​បង្គោល​លេខ៣៤ និង​លេខ៣៥ ត្រង់​ភូមិសាស្ត្រ​ស្រុក​បុរី​អូរ​ស្វាយ​សែន​ជ័យ​។​

សមត្ថកិច្ច​ បាន​ឲ្យ​ដឹង​ថា​ គ្រឿងញៀន​ខាងលើ ​ត្រូវ​បាន​ក្រុម​ឧក្រិដ្ឋជន ​ដឹកជញ្ជូន​តាម​ម៉ូតូ​ ចូល​មក​ចំណុច​បង្គោល​លេខ០៣៤ ​និង០៣៥ ហើយក៏​ត្រូវ​បាន​កម្លាំង​សមត្ថកិច្ច​ ធ្វើការ​បង្ក្រាប។​ ក្នុងនោះ​ក្រុម​ឧក្រិដ្ឋ​ជន​ ដឹងខ្លួន​ ក៏​រត់ចោល​ម៉ូតូ​ និង​វត្ថុតាង​គ្រឿងញៀន​ គេច​បាត់​ស្រមោល​តែម្ដង​។​

គ្រឿងញៀន​ ត្រូវ​បាន​កម្លាំង​សមត្ថកិច្ច​ ធ្វើការ​រឹបអូស​ និង​ដឹកជញ្ជូន ​មកកាន់​អាវុធហត្ថ​ខេត្ត​ស្ទឹង​ត្រែង​។​

បច្ចុប្បន្ន​ គ្រឿងញៀន​ខាងលើ ​ត្រូវបាន​ និង​កំពុង ធ្វើការ​រាប់​ និង​ថ្លឹង ​ដើម្បី​ដឹង​ពី​ចំនួន​ពិត​ប្រាកដ​៕​

អត្ថបទ ៖ ងិន​លីម

​​

ចុច Like Facebook កម្ពុជាថ្មី

ព័ត៌មានពេញនិយម