សម្តេច ហ៊ុន សែន៖ កុំឲ្យកន្លែងខ្លះខ្វះវ៉ាក់សាំង ហើយ​វ៉ាក់សាំង ដេកនៅក្នុងឃ្លាំងទីក្រុងភ្នំពេញ !
Connect with us
Helistar Cambodia - Helicopter Charter Services

ព័ត៌មានជាតិ

សម្តេច ហ៊ុន សែន៖ កុំឲ្យកន្លែងខ្លះខ្វះវ៉ាក់សាំង ហើយ​វ៉ាក់សាំង ដេកនៅក្នុងឃ្លាំងទីក្រុងភ្នំពេញ !

បានផុស

នៅ

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍តាម​រយ:សារជាសំឡេង ដែលត្រូវបានផ្សព្វផ្សាយថ្ងៃទី២៦ ខែសីហា នេះថា ការងារប្រយុទ្ធប្រឆាំងជំងឺ​កូវីដ​១៩ ត្រូវតែជាការងារអាទិភាពជាងការងារណាៗទាំងអស់ ដូច្នេះអ្នកពាក់ព័ន្ធត្រូវតែទទួលខុសត្រូវឲ្យបានខ្ពស់ ហើយមិនអាចមានវ៉ាក់សាំងដេកនៅក្នុងឃ្លាំង ខណៈដែលក្រុមគ្រូពេទ្យគ្មានវ៉ាក់សាំងចាក់ជូនប្រជាពលរដ្ឋនោះទេ។

សម្ដេចតេជោហ៊ុន សែន បានមានប្រសាសន៍ថា តាម​សម្តេច​ដឹង​កាលពីម្សិលមិញមានមនុស្សប៉ុន្មានម៉ឺននាក់ ដែលមិនទាន់បានចាក់វ៉ាក់សាំង តែសម្ដេចមិនទាន់ដឹងថា មានវ៉ាក់សាំងឬមិនមាន ដូច្នេះត្រូវតែបញ្ជាក់ឲ្យបាន​ច្បាស់អំពីចំនួនមនុស្សបានចាក់ និងចំនួនមនុស្សដែលមិនបានចាក់ និងចំនួនវ៉ាក់សាំង ដើម្បីផ្ទៀងផ្ទាត់ជាមួយ​វ៉ាក់សាំងនៅក្នុងឃ្លាំងថ្នាក់ជាតិ ហើយប្រសិនបើមានការខ្វះខាត អាចខ្ចីវ៉ាក់សាំងពីក្រសួងការពារជាតិចំនួនម៉ឺនដូស ដែលទើបមកដល់ ប៉ុន្តែសម្ដេចមានជំនឿថាវ៉ាក់សាំងមិនខ្វះនោះទេ គឺគ្រាន់តែខ្វះការទទួលខុសត្រូវរបស់រាជធានីខេត្តមួយផ្នែក ហើយមួយផ្នែកទៀតរបស់គណៈកម្មការចាក់វ៉ាក់សាំង។

សម្ដេចតេជោ ហ៊ុន សែន បញ្ជាក់ថា នេះមិនមែនជាការអំពាវនាវ ប៉ុន្តែគឺជាបទបញ្ជាដាច់ណាត់ ហើយក្រសួងការពារជាតិក៏ដូចជាអគ្គបញ្ជាការ ត្រូវត្រៀមយន្តហោះដើម្បីដឹកជញ្ជូនវ៉ាក់សាំងទៅកាន់ទីកន្លែងនៅឆ្ងាយ។

សម្ដេចថា នេះជាសមរភូមិស្លាប់រស់របស់ប្រទេសជាតិ ខុសពីសមរភូមិព្រះវិហារ។ សមរភូមិព្រះវិហារ​អាចដេក​លក់បាន ប៉ុន្តែសមរភូមិប្រឆាំងកូវីដ១៩ មិនអាចដេកលក់បានទេ ពីព្រោះកូវីដបានហ៊ុំព័ទ្ធទូទាំងប្រទេស ហ៊ុំព័ទ្ធទាំងព្រះបរមរាជវាំង និងហ៊ុំព័ទ្ធទាំងផ្ទះរបស់នាយករដ្ឋមន្ត្រី។

សម្ដេចនាយករដ្ឋមន្ត្រីបានបញ្ជាក់ទៀតថា សង្គ្រាមនេះមិនមែនជាសង្គ្រាមធម្មតា ជាសង្គ្រាមដែលមានការទទួលខុសត្រូវ ពីអ្នកពាក់ព័ន្ធទាំងអស់ ហើយអ្វីដែលសម្ដេចត្រូវតែទទួលបានចាប់ពីយប់នេះទៅ គឺចំនួនមនុស្ស​ដែលបានចាក់វ៉ាក់សាំង ចំនួនមនុស្សដែលមិនបានចាក់វ៉ាក់សាំង និងចំនួនវាក់សាំង ដើម្បីសម្រេចបញ្ជូនវ៉ាក់សាំងទៅកាន់ទីតាំងដែលខ្វះ។

“ខ្ញុំសុំថា កុំឲ្យកន្លែងដែលខ្វះសាំង ពុំមានវ៉ាក់សាំងចាក់ ក្នុងពេលដែលវ៉ាក់សាំងដេកនៅឃ្លាំងទីក្រុងភ្នំពេញ”​៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៤ នាទី មុន

ពលករ​ខ្មែរ​ចំនួន​០៧​នាក់ បានស្នើ​សុំ​ឲ្យ​ស្ថាន​អគ្គ​កុងស៊ុល​ជួយ​បញ្ជូន​ពួកគាត់​ត្រឡប់​ទៅ​កម្ពុជា​វិញ​

ព័ត៌មានជាតិ៤១ នាទី មុន

ឯកឧត្តម​ ឌី វិជ្ជា​ អញ្ជើញ​ចូល​រួម​កម្មវិធី​ប្រកួត​ រ៉ូបូត​មនុស្សយន្ត​

ព័ត៌មានជាតិ៤៦ នាទី មុន

ត្រី​កា​ម៉ុង លក់​បាន​ថ្លៃ​លើ​ទីផ្សារ គ្រា​មាន​ព្យុះភ្លៀង​២​សប្តាហ៍​កន្លងទៅ

ព័ត៌មានជាតិ១ ម៉ោង មុន

ក្នុង​រយៈពេល​៥​ថ្ងៃនេះ រដ្ឋបាល​រាជធានី​ភ្នំពេញ បាន​អ៊ុត​គំនូសចរាចរ​លើ​ដងផ្លូវ​ចំនួន​៣​ខ្សែ នៅក្នុង​រាជធានី​ភ្នំពេញ

ព័ត៌មានជាតិ២ ម៉ោង មុន

គ្រឹះស្ថានសិក្សា​រដ្ឋ​កម្រិត​មធ្យម ជាង​៤០​សាលា​នៅ​ខេត្តសៀមរាប បាន​បើក​ដំណើរការ​សាកល្បង​

Sokha Hotels

ព័ត៌មានពេញនិយម

Helistar Cambodia - Helicopter Charter Services