ព័ត៌មានជាតិ
ចាប់ខ្លួនជាងចម្លាក់ និងអ្នកជួញដូរភ្លុកដំរី២នាក់ ដកហូតភ្លុកដំរី១០៩ដុំ
ជនសង្ស័យ២នាក់ជំនាញខាងលួចលាក់ជួញដូរ សំណាកភ្លុកដំរី ស្ថិតនៅពីរទីតាំងផ្សេងគ្នា ត្រូវកម្លាំង ចម្រុះក្រុមអន្តរាគមន៍បង្រ្កាបបទល្មើសសត្វព្រៃចល័ត នៃរដ្ឋបាលព្រៃឈើ ដែលមានការចូលរួមពីកម្លាំងកងរាជអាវុធហត្ថលើផ្ទៃ បានចុះបង្ក្រាបឃាត់ខ្លួនឈ្មួញ ព្រមទាំងដកហូតបានភ្លុកដំរីឆ្លាក់រួច និងមិនទាន់ឆ្លាក់សរុបទាំងអស់ចំនួន១០៩ដុំទង្ងន់ប្រមាណជាង៤គីឡូក្រាម ។
ប្រតិបត្តិការបង្រ្កាបភ្លុកដំរីរនេះបានធ្វើងឡើងកាលពីវេលាម៉ោងប្រមាណ១០និង៣០នាទីព្រឹក ថ្ងៃទី២៥ ខែសីហា ឆ្នាំ២០២១នៅចំណុចផ្ទះលេខE41 និងផ្ទះលេខE43 ក្នុងបុរីមនោរម្យ ស្ថិតនៅភូមិក្រោលគោ សង្កាត់គីឡូម៉ែត្រ៦ ខណ្ឌឫស្សីកែវ រាជធានីភ្នំពេញ។
សមត្ថកិច្ចឲ្យដឹងថា ការចុះបង្ក្រាបសំណាកភ្លុកដំរីនេះ ក្រោមការដឹកនាំសម្របសម្រួលពីលោក ម៉ុត ដារ៉ា ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ដោយមានការស្រាវជ្រាវពីកម្លាំងជំនាញ នៃ រដ្ឋបាលព្រៃឈើពីទីតាំងខាងលើ លួចលាក់ជួញដូរ សំណាកភ្លុកដំរី សមត្ថកិច្ចជំនាញក៍បានស្នើសុំទៅព្រះរាជ្ញាអមសាលាដំបូងរាជធានីភ្នំពេញ ចុះទៅឆែកឆេរ បង្ក្រាបជាក់ស្តែង។
តាមសមត្ថកិច្ចអោយដឹងទៀតថា ទីតាំងទី១ផ្ទះ លេខE41 ដែលមានម្ចាស់ឈ្មោះ ស៊ិន សុភាព ភេទប្រុសអាយុ៣៨ឆ្នាំ មុខរបរជាងចម្លាក់ សមត្ថកិច្ចដកហូតបានភ្លុកដំរីឆ្លាក់រួច ចំនួន៨ដុំ, ភ្លុកដំរីមិនទាន់ឆ្លាក់២៦ដុំ សរុបចំនួន៣៤ដុំទង្ងន់១,៨គីឡូក្រាម ចំណែកឯទីតាំងទី២ផ្ទះលេខE43ក្នុងបុរីមនោរម្យ ស្ថិតនៅភូមិក្រោលគោ សង្កាត់គីឡូម៉ែត្រ៦ ជាប់គ្នា ដែលមានម្ចាស់ឈ្មោះធី សុម៉ាលី ភេទស្រី អាយុ២១ឆ្នាំ មុខរបរលក់ដូរ សមត្ថកិច្ចដកហូតបានភ្លុកដំរីឆ្លាក់រួចចំនួន១៥ដុំទង្ងន់០,៩០គីឡូក្រាម ,និងភ្លុកដំរីមិនទាន់ឆ្លាក់ចំនួន៦០ដុំទង្ងន់១,៥០គីឡូក្រាម, សរុបទាំងឆ្លាក់រួចនិងមិនទាន់ឆ្លាក់ចំនួន ៧៥ដុំទង្ងន់២,៤គីឡូក្រាម។ សរុប ទាំង២ផ្ទះដកហូតបានភ្លុកដំរីទាំងអស់ចំនួន ១០៩ដុំទង្ងន់៤,២គីឡូក្រាម។
វត្ថុតាងទាំងអស់ត្រូវបានដកហូត ចំណែកម្ចាស់ផ្ទះទាំង២នាក់ខាងលើត្រូវឃាត់ខ្លួនចាត់ការតាមច្បាប់៕
អត្ថបទ ៖ ឌីរៀ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ