ព័ត៌មានជាតិ
ពិន័យបុរសម្នាក់ ២ លានរៀលល្មើសបម្រាមជួបជុំប្រមូលផ្ដុំអំឡុងពេលបិទខ្ទប់ក្រុងស្ទឹងត្រែង
សមត្ថកិច្ច បានចុះ អប់រំ ណែនាំហើយមិនស្ដាប់ បានឃាត់ខ្លួនអ្នកលេងល្បែង១២នាក់ អប់រំ ៧នាក់ និងពិន័យបុរសម្នាក់ចំនួន ២លានរៀល។
លោកវីរៈសេនីយ៍ឯក វ៉ា សុផាន់ ស្នងការរងទទួលផែនព្រហ្មទណ្ឌបានឲ្យដឹងថា បន្ទាប់ពីមានការរីករាលដាលនៃជំងឺកូវី១៩ ប្រភេទថ្មីដែលតា (Delta) មក រដ្ឋបាលខេត្តបានចេញសេចក្តីប្រកាសបិទខ្ទប់បណ្ដោះអាសន្នរយៈពេល ៧ថ្ងៃ ចាប់ពីថ្ងៃទី ១៧សីហាដល់ថ្ងៃទី ២៤សីហា ដោយស្ថានភាពជំងឺកូវីដ១៩ នៅមិនទាន់បានធូរស្បើយនៅឡើយ អាជ្ញាធរខេត្ត បានចេញសេចក្តីសម្រេចបន្តបិទខ្ទប់បណ្ដោះអាសន្នចំនួនមួយសប្តាហ៍ថែមទៀត។
លោកស្នងការរងបានបន្តឲ្យដឹងទៀតថា ក្នុងរយៈពេលបិទខ្ទប់កម្លាំងសមត្ថកិច្ចបានធ្វើការចុះណែនាំ តាមសេចក្តីសម្រេចរបស់រដ្ឋបាលខេត្តលេខ ០៩៥ និងបានធ្វើការអប់រំ ប្រជាពលរដ្ឋ អ្នកលក់ដូរ អ្នកផឹកស៊ី អ្នកចេញក្រៅផ្ទះ ដើរល្មើសនឹងបម្រាមគោចរជាបន្តបន្ទាប់ ។
លោកបន្តថា ក្រោយពីមានការអប់រំណែនាំហើយមិនស្ដាប់នៅ ថ្ងៃទី ១៨សីហា បានឃាត់អ្នកលេងល្បែងឆ្នោតឡូតូ១២នាក់ និងនៅថ្ងៃទី ១៩ សីហា កម្លាំងសមត្ថកិច្ចបានឃាត់ខ្លួន បុរសម្នាក់ឈ្មោះធី មករា ភេទប្រុស រស់នៅភូមិខ្សាច់ថ្មី ឃុំតាឡាត ស្រុកសេសានពិន័យចំនួន ២ លានរៀល (បទជួបជុំប្រមូលផ្ដុំ) ល្មើសមាត្រា ១០នៃច្បាប់ស្ដីពីវិធានការទប់ស្កាត់ការឆ្លងរីករាលដាលនៃជំងឺកូវីដ១៩នឹងជំងឺឆ្លងកាចសាហាវប្រកបដោយគ្រោះថ្នាក់ធ្ងន់ធ្ងរផ្សេងទៀត។
លោកថាអ្នកល្មើសត្រូវបង់ប្រាក់ពិន័យអន្តរកាលក្នុងរយៈពេលមិនលើសពី ៣០ ថ្ងៃគិតចាប់ពីថ្ងៃទទួលបង្កាន់ដៃពិន័យអន្តរការណ៍នេះ។ការបង់ប្រាក់ពិន័យអន្តរការណ៍នាំឲ្យរលត់បណ្ដឹងអាជ្ញា។បើប្រសិនមិនបានបង់ប្រាក់ពិន័យអន្តរការណ៍រយៈពេល ៣០ ថ្ងៃគិតចាប់ពីថ្ងៃទទួលបង្កាន់ដៃនោះ សមត្ថកិច្ចនឹងកសាងសំណុំរឿងបញ្ជូនទៅតុលាការដើម្បីចាត់ការទៅតាមនីតិវិធី។
សូមបញ្ជាក់ថា ក្នុងរយៈពេលបិទខ្ទប់ចាប់ពីថ្ងៃ ១៧ សីហា រហូតមកដល់ថ្ងៃទី២៦ សីហាឆ្នាំ ២០២១នេះ សមត្ថកិច្ចបាននាំយកមកអប់រំចំនួន ៧ នាក់ ពិន័យបុរសម្នាក់ចំនួន ២ លានរៀល និងឃាត់ខ្លួនអ្នកលេងល្បែងឆ្នោតឡូតូចំនួន ១២នាក់ បញ្ជូនទៅតុលាការផងដែរ៕
ដោយ៖ ងិនលីម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង