ព័ត៌មានជាតិ
ខេត្តកំពង់ចាមមានគម្រោងរៀបចំទីលានចាក់សំរាមថ្មីតាមស្តង់ដារមានទំហំជាង ១០ហិកតា
រដ្ឋបាលខេត្តកំពង់ចាមមានគម្រោងរៀបចំទីលានចាក់សំរាមថ្មី ដែលមានផ្ទៃដីជាង១០ហិកតាស្ថិតនៅភូមិកោះរកាក្នុង ឃុំកោះរការ ស្រុកកំពង់សៀម ខណៈទីលានចាក់សំរាមចាស់នៅឆ្ងាយហើយមិនទាន់មានលក្ខណៈស្តង់ដារនៅឡើយ។
នៅក្នុងឱកាសចុះពិនិត្យទីលានចាក់សំរាមថ្មីនេះ លោក អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានមានប្រសាសន៍ថាបច្ចុប្បន្ននេះ ខេត្តកំពង់ចាម មិនទាន់មានទីលាន សម្រាប់ចាក់សំរាមទៅតាមស្តង់ដារនោះទេ ពោលគឺ យើងនៅប្រើប្រាស់ទីលានចាស់ របស់ក្រុមហ៊ុនស៊ីនទ្រី ស្ថិតក្នុងឃុំបូសខ្នុរ ស្រុកចំការលើ។
លោកអភិបាលខេត្តបានបន្តថាដោយឡែក ផ្អែកតាមកំណើន នៃប្រជាពលរដ្ឋ ហើយការប្រើប្រាស់សំរាម ក៏មានការកើនឡើង ពីមួយថ្ងៃ ទៅមួយថ្ងៃ តម្រូវឲ្យអាជ្ញាធរខេត្ត សម្រេចចិត្តរកទីតាំងថ្មីបន្ថែមទៀត ដើម្បីគ្រប់គ្រងសម្រាមប្រកបទៅដោយស្តង់ដារ និងជំនួសឲ្យទីលានចាក់សម្រាមចាស់ ដែលបានពោរពេញទៅដោយសម្រាម និងកាកសំណល់ផ្សេងៗ ផងដែរ។
លោកអភិបាលខេត្ត បានមានប្រសាសន៍ថា« ដោយសារកំណើនសេដ្ឋកិច្ច និងកត្តារីកចំរើនផ្នែកជីវភាពប្រចាំថ្ងៃរបស់បងប្អូនប្រជាពលរដ្ឋ ក្នុងការរប្រើប្រាស់ប្រចាំថ្ងៃ ពិសេស ការរៀបចំអនាម័យបរិស្ថាន និងការចោលកាកសំណល់ប្រើប្រាស់ប្រចាំថ្ងៃ ដែលតម្រូវឱ្យអាជ្ញាធរមូលដ្ឋានពិនិត្យ និងសិក្សាពីលទ្ធភាពនៃការពង្រីកទីលានចាក់សំរាមចាស់ដែលខេត្តមាន សម្រាប់បំពេញនូវតម្រូវការនាពេលខាងមុខដ៏ខ្លីនេះ»។
លោក អភិបាលខេត្តបានឱ្យដឹងទៀតថាជាក់ស្តែង តាមរយៈការពិនិត្យ និងចុះសិក្សារបស់មន្ទីរបរិស្ថាន និងអាជ្ញាធរមូលដ្ឋាន បានជ្រើសរើសទីលានសម្រាប់ចាក់សម្រាមនេះ ចំនួន ២គោលដៅ ក្នុងនោះ គោលដៅទី១ ស្ថិតនៅក្នុងស្រុកកងមាស និងគោលដៅទី២ ស្ថិតក្នុងស្រុកកំពង់សៀម។
លោក អភិបាលខេត្តបានបញ្ជាក់ថាគោលដៅទាំង ២កន្លែងនោះ គឺមានតែដីនៅចំណុចដីទួល ស្ថិតក្នុងឃុំកោះរកា ស្រុកកំពង់សៀម គ្រប់គ្រងដោយរដ្ឋ មានទំហំប្រមាណជាង ១០ហិកតា ដែលទំហំនេះ ត្រូវជាមួយស្តង់ដាររបស់ក្រសួងបរិស្ថានដោយសារទីតាំងនោះមានចម្ងាយឆ្ងាយពីលំនៅដ្ឋាន របស់ប្រជាពលរដ្ឋនិងមិនធ្វើឲ្យរងផលប៉ះពាល់បរិស្ថាន នោះពោល គឺមានលក្ខណៈគ្រប់គ្រាន់ សម្រាប់ធ្វើជាទីលានចាក់សម្រាមស្តង់ដារ ក្នុងក្របខណ្ឌខេត្តកំពង់ចាម៕ ដោយ៖ សំអឿន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ