ព័ត៌មានជាតិ
លោក ជិន ម៉ាលីន ៖ មេរៀន និងបទពិសោធន៍ចំនួន៤ ដែលកម្ពុជាអាចរៀនសូត្របានពីព្រឹត្តិការណ៍នៅអាហ្វហ្គានីស្ថាន
រដ្ឋលេខាក្រសួងយុត្តិធម៌ លោក ជិន ម៉ាលីន បានអះអាងថា មានមេរៀន និងបទពិសោធន៍ចំនួន៤ ដែលកម្ពុជាអាចរៀនសូត្រ បានពីព្រឹត្តិការណ៍នៅអាហ្វហ្គានីស្ថាន និងប្រវត្តិសាស្ត្រជូរចត់របស់ខ្លួន” ក្នុងនោះត្រូវខិតខំថែរក្សា និងផ្តល់តម្លៃលើសន្តិភាព ដែលខ្លួនកំពុងតែមាន កុំចាំរហូតដល់បាត់បង់ ហើយទើបចេះស្តាយក្រោយបើតាមលោក ជិន ម៉ាលីន មានមេរៀន និងបទពិសោធន៍ចំនួន៤នោះរួមមាន៖
ទី១- ការពង្រឹងនូវឯកភាព និងសាម្គីភាពផ្ទៃក្នុងជាមួយ និងស្មារតីជាតិនិយម គ្មានបរទេសណាស្រឡាញ់ខ្មែរជាងខ្មែរនោះទេ។
ទី២- ការខិតខំថែរក្សា និងផ្តល់តម្លៃលើសន្តិភាព ដែលខ្លួនកំពុងតែមាន កុំចាំរហូតដល់ពេលបាត់បង់ទើបចេះស្តាយក្រោយ។
ទី៣- ភាពអណាធិបតេយ្យ នៃសណ្តាប់ធ្នាប់នយោបាយអន្តរជាតិនាពេលបច្ចុប្បន្ន ដែលចាប់ផ្តើមពីការចោទប្រកាន់គ្មានមូលដ្ឋានក្រោមហេតុផល និងលេសសិទ្ធិមនុស្ស និងប្រជាធិបតេយ្យពីប្រទេសមហាអំណាច និងបន្ទាប់មកឈានទៅរកការជ្រៀតជ្រែកកិច្ចការផ្ទៃក្នុង និងផ្តួលរំលំរដ្ឋាភិបាលស្របច្បាប់ ដើម្បីគ្រប់គ្រង និងកាន់កាប់។
ទី៤- វិធានការក្នុងការឆ្លើយតប ទប់ស្កាត់ និងថែរក្សាសន្តិភាព និងការអភិវឌ្ឍន៍ដែលកំពុងតែមាននាពេលបច្ចុប្បន្ននេះ តាមរយៈការពង្រឹងខ្លួនឯង ទំនាក់ទំនងអន្តរជាតិ និងនយោបាយការទូត និងការអនុវត្តច្បាប់យ៉ាងម៉ឺងម៉ាត់ក្នុងនាមជារដ្ឋអធិបតេយ្យ។
គួររំលឹកកថា វិបត្តិសង្គ្រាមនៅអាហ្វហ្កានីស្ថានថ្មីៗនេះ រុញច្រានប្រទេសមួយនេះឲ្យធ្លាក់ចូលក្នុងស្ថានភាពដ៏មហន្តរាយ និងគ្រោះថ្នាក់បំផុត។ ជាក់ស្ដែង ក្រោយពេលដែលក្រុមតាលីបង់ បានច្បាមសង្គ្រុបយកអំណាចដោយផ្ដួលរំលំរដ្ឋាភិបាលអាហ្វហ្កានីស្ថានបានធ្វើឲ្យប្រទេសក្រីក្រជាងគេក្នុងពិភពលោកមួយនេះ ធ្លាក់ចុះទៅរកស្ថានភាពដ៏អាក្រក់បំផុត។
មកទល់ពេលនេះ យើងមិនទាន់ដឹងថា តើជោគវាសនារបស់ប្រទេស អាហ្វហ្កានីស្ថាននឹងក្លាយទៅជាយ៉ាងណានៅឡើយទេ បើទោះបីជា ថ្មីៗនេះ ក្រុមមេដឹកនាំតាលីបង់ចេញមុខប្រកាសអំពីការបន្ធូរបន្ថយច្បាប់មួយចំនួនក៏ដោយចុះ ប៉ុន្ដែប្រជាជនអាហ្វហ្កានីស្ថានភាគច្រើននៅតែមិនទុកចិត្តក្រុមឧទ្ទាមនេះនៅឡើយទេ ត្បិតថា កាលពីមុនក្រុមនេះ ធ្លាប់នៅក្ដោបក្ដាប់អំណាចកាលពីជាង២០ឆ្នាំមុន មានការអនុវត្តច្បាប់យ៉ាងឃោរឃៅ ពិសេសការដាក់វិន័យតឹងរ៉ឹងបំផុតចំពោះមនុស្សស្រី៕
ដោយ ៖ កោះកែវ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ