ព័ត៌មានជាតិ
ទឹកភ្លៀងធ្លាក់ពីភ្នំ បំផ្លាញផ្ទះពលករខ្មែរ កួចយកឪពុក និងកូនតូចទៅជាមួយ
សពឪពុកដែលជាពលករខ្មែរ ត្រូវបានគេប្រទះឃើញទាក់ជាប់នឹងគល់ឈើរលំធំមួយ រីឯកូនប្រុសអាយុ២ឆ្នាំ បាត់ខ្លួនតាមខ្សែទឹក ដោយរកមិនទាន់ឃើញនៅឡើយ ដោយសារជំនន់ទឹកភ្លៀងធ្លាក់ពីលើភ្នំ។
យោងតាមគេហទំព័រក្នុងប្រទេសថៃបានផ្សព្វផ្សាយថា នៅវេលាម៉ោង៤ និង៣០ នាទីទៀបភ្លឺ ថ្ងៃទី២៦ ខែសីហា ឆ្នាំ២០២១ នៅចំណុចភូមិ៤ ឃុំសំណាក់ថង ស្រុកមឿង ខេត្តរ៉ាក់យ៉ង មានជំនន់ទឹកភ្លៀងមួយបានកើតឡើង ដោយទឹកបានហូរធ្លាក់ពីលើភ្នំ ព្រមទាំងបានបោកបំផ្លាញ់ផ្ទះរបស់ពលករខ្មែរមួយខ្នង ដែលសង់នៅក្បែជើងភ្នំ បណ្តាលឱ្យបាក់បែកខ្ទេចខ្ទីទាំងស្រុង ខណ:ដែលម្ចាស់ផ្ទះកំពុងលង់លក់ក្នុងដំណេក។
នៅក្នុងហេតុការណ៍ដ៏រន្ធត់នេះ គឺទឹកបានកួចយកឪពុក និងកូនប្រុសអាយុ ២ ឆ្នាំ ដែលពួកគេគឺជាពលករខ្មែរ ទៅជាមួយផងដែរ ចំណែកស្ត្រីជាម្តាយបានរងរបួសដោយសារកប់នៅក្នុងភក់។
នៅពេលនោះទាំងអាជ្ញាធរ ក៏ដូចជាប្រជាពលរដ្ឋ និងក្រុមគ្រូពេទ្យ បានតាមរកឪពុក និងកូនដែលបានបាត់ខ្លួនទៅតាមទឹក ទីបំផុតក៏បានឃើញសពឪពុកដែលមានឈ្មោះ ឆាយ អាយុ ២២ ឆ្នាំ បានស្លាប់ជាប់នឹងគល់ឈើធំមួយក្នុងសភាពគ្មានសម្លៀក បំពាក់ដោយសារទឹកវាយបំផ្លាញ ដោយឡែកកូនប្រុសអាយុ ២ ឆ្នាំ គឺរកមិនទាន់ឃើញនៅឡើយ ដោយសារតែទឹកកំពុងហូរបន្តកាត់ទីប្រជុំជនក្នុងឃុំ សំណាក់ថង នៅឡើយ។
តាមការរៀបរាប់ពីលោក កួន ដែលត្រូវជាឪពុកបង្កើតរបស់សពបាននិយាយថា ពួកគេបានសង់ផ្ទះនៅជើងភ្នំដូចគ្នាតែនៅឆ្ងាយពីគ្នា ដោយមានការងារជាអ្នកចៀជ័រកៅស៊ូ។
លោកបានបន្តថា នៅយប់កើតហេតុប្រហែងជាម៉ោង១ រំលងអាធ្រាត្រ គឺមានភ្លៀងធ្លាក់មកយ៉ាងខ្លាំងលុះពេលទៀបភ្លឺក៏ឮសន្ធឹកទឹកធ្លាក់ពីលើភ្នំតែម្តង ហើយក៏បានកួចចំផ្ទះកូនរបស់ខ្លួនទៅជាមួយ។
សមត្ថកិច្ចបានសន្និដ្ឋានថា កូនប្រុសអាចត្រូវឪពុកឱបជាប់នឹងទ្រូង ពេលទឹកកួច ហើយក៏ត្រូវរបូតទៅវិញពេលដែលខ្លួនបានស្លាប់ជាប់នឹងគល់ឈើ ឯកូនប្រុសក៏អាចត្រូវខ្សែទឹកកួចនាំយកទៅបន្តទៀត ដោយពេលនេះ ទាំងពលរដ្ឋក៏ដូចជាសមត្ថកិច្ចកំពុងតាមរកនៅឡើយ៕
អត្ថបទ៖សោ និយមរ័ត្ន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ