ព័ត៌មានជាតិ
កម្ពុជា គ្រោងបញ្ជូននិស្សិត ២០០នាក់ទៀត ទៅហាត់ការ លើវិស័យកសិកម្ម នៅអ៊ីស្រា អែល
ប្រទេសកម្ពុជា គ្រោងបញ្ជូននិស្សិត ២០០នាក់បន្ថែមទៀត ទៅហាត់ការលើវិស័យកសិកម្ម នៅប្រទេសអ៊ីស្រាអែល នាពេលខាងមុខនេះ។ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រម៉ាញ់និងនេសាទ បានលើកឡើង នៅលើគណនីហ្វេសប៊ុក នៅថ្ងៃទី២៧ សីហានេះថា «យើងបានត្រៀមបញ្ជូននិស្សិត នៃសាកលវិទ្យាល័យភូមិន្ទកសិកម្មវគ្គថ្មី ចំនួន២០០នាក់បន្ថែមទៀត ឲ្យទៅធ្វើការហាត់ការ លើវិស័យកសិកម្ម នៅប្រទេសអ៊ីស្រាអែល នាពេលខាងមុខឆាប់ៗនេះ បន្ទាប់ពីការរៀបចំបែបបទ ត្រូវបានបញ្ចប់»។
ទន្ទឹម និងការត្រៀមចេញដំណើរ របស់និស្សិតហាត់ការវគ្គថ្មី ក្នុងលោករដ្ឋមន្ត្រី ក៏បានចូលរួមអបអរសាទរ ចំពោះនិស្សិត នៃសាកលវិទ្យាល័យភូមិន្ទ កសិកម្មចំនួន៣៨នាក់ ដែលទើបបានបញ្ចប់ធ្វើការហាត់ការ នៅប្រទេសអ៊ីស្រាអែល លើវិស័យកសិកម្ម រយៈពេល២ឆ្នាំ ដោយជោគជ័យ ដែលនឹងត្រូវវិលត្រឡប់ មកកាន់កម្ពុជាវិញ នាល្ងាចថ្ងៃទី២៧ ខែសីហានេះ។
លោករដ្ឋមន្ត្រី បានបន្តថា យើងក៏នៅសល់និស្សិតហាត់ការ រយៈពេល២ឆ្នាំ ចំនួន១៣នាក់ទៀត ដែលកំពុងនៅជាប់ភារកិច្ច នៅក្នុងកសិដ្ឋានចិញ្ចឹមគោយកទឹកដោះ និងនិស្សិតហាត់ការ រយៈពេល១១ខែ ចំនួន១៩៧ នាក់ ទៀតផងដែរ នឹងគ្រោងវិលត្រឡប់មកកម្ពុជាវិញ នៅថ្ងៃទី១០ ខែកញ្ញា ខាងមុខ ។
គួរបញ្ជាក់ថា ក្រោយពីការចុះកិច្ចព្រម ព្រៀងសហប្រតិបត្តិការ រវាងសាកលវិទ្យាល័យ ភូមិន្ទកសិកម្ម និងក្រុមហ៊ុន Agrostudies នៃប្រទេសអ៊ីស្រាអែល នាឆ្នាំ២០០៨ រួចមក សាកលវិទ្យាល័យភូមិន្ទកសិកម្ម បានបញ្ជូននិស្សិត ចូលរួមកម្មវិធីហាត់ការ (Internship) លើវិស័យកសិកម្ម នៅ ប្រទេសអ៊ីស្រាអែល បានចំនួន១៣ ជំនាន់រួចមកហើយ ដែលមាននិស្សិត សរុបចំនួន១,២៧១នាក់ក្នុងនោះ៖
– ជំនាន់ទី០១ (២០០៨-២០០៩) មានចំនួន ០៨ នាក់
– ជំនាន់ទី០២ (២០០៩-២០១០) មានចំនួន ១០ នាក់
– ជំនាន់ទី០៣ (២០១០-២០១១) មានចំនួន ៣០ នាក់
– ជំនាន់ទី០៤ (២០១១-២០១២) មានចំនួន ២៨ នាក់
– ជំនាន់ទី០៥ (២០១២-២០១៣) មានចំនួន ២៨ នាក់
– ជំនាន់ទី០៦ (២០១៣-២០១៤) មានចំនួន ៤០ នាក់
– ជំនាន់ទី០៧ (២០១៤-២០១៥) មានចំនួន ៦០ នាក់
– ជំនាន់ទី០៨ (២០១៥-២០១៦) មានចំនួន ១០២ នាក់
– ជំនាន់ទី០៩ (២០១៦-២០១៧) មានចំនួន ១៦០ នាក់
– ជំនាន់ទី១០ (២០១៧-២០១៨) មានចំនួន ២១២ នាក់
– ជំនាន់ទី១១ (២០១៨-២០១៩) មានចំនួន ២១០ នាក់
– ជំនាន់ទី១២ (២០១៩-២០២០) មានចំនូន ១៨៤ នាក់
– ជំនាន់ទី១៣ (២០២០-២០២១) មានចំនួន ១៩៩ នាក់៕
(ដោយ)៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ