ព័ត៌មានជាតិ
ក្រសួងពីររួមគ្នាលើកកម្ពស់ការយល់ដឹងអំពីហានិភ័យនៃការប្រើប្រាស់ប្រព័ន្ធអនឡាញចំពោះកុមារ
ភ្នំពេញ៖ ក្រសួងអប់រំ យុវជន និងកីឡា បានសហការជាមួយក្រសួងប្រៃសណីយ៍ និងទូរគមនាគមន៍បានរៀបចំ សិក្ខាសាលាស្តីពី កិច្ចការពារកុមារតាមប្រព័ន្ធអឡាញ រយៈពេល៥ថ្ងៃ ចាប់ពីថ្ងៃទី២៣ ដល់ថ្ងៃទី២៧ ខែសីហា ឆ្នាំ២០២១ ដើម្បីលើកកម្ពស់ការយល់ដឹងអំពីហានិភ័យនៃការប្រើប្រាស់ប្រព័ន្ធអនឡាញចំពោះកុមារកម្ពុជា។
កម្មវិធីបិទសិក្ខាសាលាស្ដីពី «កិច្ចការពារកុមារលើប្រព័ន្ធអនឡាញនៅកម្ពុជា» ក្រោមអធិបតីភាពលោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងលោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍។
លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានលើកឡើងថា ដើម្បីលើកកម្ពស់ការយល់ដឹងអំពីហានិភ័យនៃប្រព័ន្ធអនឡាញចំពោះកុមារ ការចូលរួមជាចាំបាច់ពីឪពុកម្តាយ អាណាព្យាបាល គ្រូបង្រៀន ជាពិសេសកុមារតូចៗ ឱ្យយល់ច្បាស់ពីហានិភ័យដែលបណ្ដាលមកពីប្រព័ន្ធអ៊ីនធឺណិត និងជៀសផុតពីការបៀតបៀន និងការរំលោភបំពានតាមអនឡាញ ព្រមទាំងអាចស្វែងរកដំណោះស្រាយដើម្បីឆ្លើយតបទៅនឹងបញ្ហាដែលកើតមានឡើង។
លោករដ្ឋមន្ត្រីបានបន្តថា ការចូលរួមធានាសុវត្ថិភាពតាមបណ្ដាញអ៊ីនធឺណិត ជាពិសេសលើកុមារតូចៗដែលជាក្រុមងាយរងគ្រោះ ពិតជាមានភាពចាំបាច់ជាខ្លាំង ព្រមទាំងឆ្លើយតបទៅនឹងបញ្ហាដែលជាក្ដីបារម្ភកំពុងកើតមានជាក់ស្ដែងក្នុងសង្គមកម្ពុជាក្នុងពេលបច្ចុប្បន្ន ស្របពេលដែលសេរីភាពក្នុងការប្រើប្រាស់អ៊ីនធឺណិតសម្រាប់កុមារមានភាពទូលំទូលាយ។
លោករដ្ឋមន្ត្រីបានបន្តទៀតថា ពិសេសក្នុងអំឡុងនៃបរិបទជំងឺកូវីដ-១៩ សិស្សានុសិស្សត្រូវការជាចាំបាច់នូវការប្រើប្រាស់អ៊ីនធឺណិត ដើម្បីបម្រើដល់ការសិក្សាពីចម្ងាយ និងតាមប្រព័ន្ធអេឡិចត្រូនិក ក៏ដូចជាការលើកកម្ពស់ការអប់រំតាមបែបឌីជីថល កុមារមិនអាចកាត់ផ្តាច់ពីតម្រូវការអ៊ីនធឺណិតបានឡើយ ជាហេតុធ្វើឱ្យកុមារងាយប្រឈមមុខខ្ពស់ទៅនឹងការបៀតបៀន និងការរំលោភបំពានតាមអនឡាញ៕
អត្ថបទ៖ សំអឿន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល