ព័ត៌មានជាតិ
ម្ចាស់ដេប៉ូខ្សាច់ តាមបណ្តោយ ផ្លូវជាតិលេខ១ គួរអាណិតអាជ្ញា ធរផង!
សឹងជារៀងរាល់ថ្ងៃ អ្នកធ្វើដំណើរ បានឃើញសកម្មភាព អាជ្ញាធរខណ្ឌច្បារអំពៅ រាជធានីភ្នំពេញ បានដាក់កម្លាំងធ្វើពលកម្ម កើបខ្សាច់ដែលកំពុប លើផ្លូវជាតិលេខ១ ក្នុងភូមិសាស្ត្រ ខណ្ឌច្បារអំពៅ ដោយពុំទំនេដៃឡើយ។ ដូច្នេះសុំអង្វរករ ដល់ម្ចាស់ដេប៉ូខ្សាច់ ដែលមានទីតាំង ស្ថិតនៅតាមបណ្តោយ ផ្លូវជាតិលេខ១ ពិសេសនៅក្នុងភូមិសាស្ត្រសង្កាត់វាលស្បូវ សូមមេត្តាជួយ ថែរក្សាបរិស្ថានផង កុំឲ្យកំទេចខ្សាច់ ជ្រុះលើផ្លូវកៅស៊ូ ដ៏ល្អស្អាតក្លាយទៅ ជាផ្លូវដីនោះ។
ទាក់ទងនិងការដឹកនាំកម្លាំង ចុះកើបដីខ្សាច់ លើកំណាត់ផ្លូវជាតិលេខ១នេះ លោកស្រី យន់ សុផល ចៅសង្កាត់វាលស្បូវ បានឲ្យអ្នកសារព័ត៌មានកម្ពុជាថ្មី ដឹងថា សឹងរាល់ថ្ងៃហើយ ដែលលោកស្រី បានដឹកនាំកម្លាំង ប្រជាការពារ និងតាមបណ្តាភូមិ ចុះកើបដីខ្សាច់ ដែលជ្រុះលើផ្លូវ ហើយខ្សាច់ដែលជ្រុះលើផ្លូវនេះ គឺជ្រុះពីលើរថយន្ត ដែលដឹកខ្សាច់ចេញពីដេប៉ូ ដោយពុំបានគ្របត្រឹមត្រូវ និងពិសេសជាងនេះ គឺខ្សាច់សើមដែលងាយ និងហូចេញពីរថយន្ត ដូចទឹកយ៉ាងដូច្នេះ។ លោកស្រីចៅសង្កាត់ អស់ពាក្យនិយាយ ជាមួយម្ចាស់ដេប៉ូទាំងនេះហើយ ព្រោះដូចជា និយាយច្រំដែលពេក។
ចំពោះលោក គុយ គឹមហ៊ាង ប្រធានការិយាល័យសាធារណការ សាលាខណ្ឌច្បារអំពៅវិញ លោកបានបញ្ជាក់ ថា រាល់ថ្ងៃនេះ ក្រុមការងាររបស់លោក នៅពេលបើកភ្នែកឡើង គឺមានតែចប និងបង្គីជំនួស ដោយក្រដាស់និងប៊ិច។ យ៉ាងណាក៏ដោយ លោកក៏បានសំណូមពរ ដល់ម្ចាស់ដេប៉ូខ្សាច់ ដែលកំពុងប្រកបអាជីវកម្ម តាមបណ្តោយផ្លូវជាតិលេខ១ សូមមេត្តាបើកភ្នែក មើលកំទេចដី ដែលជ្រុះលើផ្លូវផង។ បើសិនជាអស់លោក មានស្មារតីចង់ជួយថែរក្សាបរិស្ថាននោះ គឺងាយបំផុត។ តែអស់លោក ដូចជាគ្មានអាណិតអាសូ ដល់អាជ្ញាធរបន្តិច សោះ ហើយបើអាជ្ញាធរចាប់រថយន្តរបស់លោក ដែលធ្វើឲ្យជ្រុះដី តាំងស្រែកថា បិទសិទ្ធិធ្វើអាជីវកម្ម៕
អត្ថបទ៖ នរា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត