ព័ត៌មានជាតិ

ប្រពន្ធប្ដឹងសមត្ថកិច្ចឲ្យចាប់ខ្លួនប្ដី បន្ទាប់ពីដុតផ្ទះខ្លួនឯងខ្ទេច

បានផុស

៣ years មុន

នៅ

ថ្ងៃចន្ទ ៣០ សីហា ២០២១

ដោយ

កាលពីថ្ងៃទី២៧ ខែសីហា ឆ្នាំ២០២១ វេលាម៉ោង២១និង៣០នាទី កន្លងទៅ កម្លាំងសមត្ថកិច្ចបានឃាត់ខ្លួនជនសង្ស័យម្នាក់ ពីបទល្មើសជាក់ស្តែង លើករណីធ្វើឱ្យខូចខាតដោយចេតនាដុតផ្ទះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ទុន ណេត អភិបាលស្រុកស្ទឹងត្រង់ ឲ្យដឹងថា ដោយបានទទួលបណ្តឹងផ្ទាល់មាត់ពីឈ្មោះ ញ៉ គា ភេទស្រី អាយុ៣៩ឆ្នាំ ជាតិខ្មែរ មុខរបរកសិករទីលំនៅភូមិអូរបេង ឃុំមេសរជ្រៃ ស្រុកស្ទឹងត្រង់ បានប្តឹងឈ្មោះ បូ សុផា (ជាប្តី)អាយុ៤០ឆ្នាំ ជាតិខ្មែរ មុខរបរកសិករ(ជាមនុស្សប្រើប្រាស់ថ្នាំញៀន ធ្លាប់យកទៅមណ្ឌលកែប្រែបន្សាបថ្នាំញៀន០៣លើក) បានបោកបំផ្លាញចាន ឆ្នាំងនិងដុតផ្ទះ បណ្តាលឱ្យខូចខាតផ្ទះ ០១ខ្នង ទំហំ ៦មx១២ម សណ្តែកសៀង ០២តោន ប្រាក់រៀល ៥លានរៀល សម្ភារៈផ្សេងៗ និងទ្រព្យសម្បត្តិមួយចំនួនទៀត ។

លោកអភិបាលស្រុកបន្តថា ក្រោយពីបានទទួលព័ត៌មានភ្លាម លោកអធិការនគរបាល ស្រុកស្ទឹងត្រង់ បានចាត់កម្លាំងជំនាញ សហការជាមួយកម្លាំងប៉ុស្តិ៍មេសជ្រៃ បើកកិច្ចប្រតិបត្តិការបន្ទាន់ និងធ្វើការឃាត់ខ្លួនជនសង្ស័យភ្លាមៗ តាមបញ្ជាលោក តូច ឧត្តម ព្រះរាជអាជ្ញារង នៃសាលាដំបូងខេត្តកំពង់ចាម ហើយបញ្ជូនខ្លួនទៅអធិការដ្ឋាននគរបាលស្រុកស្ទឹងត្រង់ ដើម្បីសាកសួរនិងចងក្រងសំណុំរឿងតាមនិតិវិធី ។

តាមការស្រង់ចម្លើយជនសង្ស័យបានឆ្លើយសារភាពថា ខ្លួនបានខឹងជាមួយប្រពន្ធ ដោយសុំប្រាក់ ប្រាំម៉ឺនរៀលមិនបាន ខ្លួនបានបោកចាន ឆ្នាំងបែកអស់ជាច្រើន និងបានបញ្ឆេះភ្លើងចង្ក្រានហ្គាស ដាំទឹកឆុងមី នៅលើផ្ទះហើយបណ្តាលឱ្យឆាបឆេះផ្ទះតែម្តង៕

អត្ថបទ៖ ហុង ម៉េងហៀ

Related Topics:ករណីហិង្សា