ព័ត៌មានជាតិ
វ៉ាក់សាំង Sinovac ចំនួន២ លានដូសទៀត នឹងមកដល់កម្ពុជានៅដើមខែកញ្ញា
លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងបង្ការជំងឺកូវីដ-១៩ (គ.វ.ក១៩) បានមានប្រសាសន៏ថា វ៉ាក់សាំងបង្ការជំងឺកូវីដ-១៩ ប្រភេទស៊ីណូវ៉ាក់ (Sinovac) ចំនួន២លានដូសទៀត នឹងមកដល់កម្ពុជានៅដើមខែកញ្ញា ឆ្នាំ២០២១ ខាងមុខនេះ ធ្វើឱ្យកម្ពុជាទទួលបានវ៉ាក់សរុបចំនួនប្រមាណជាង ២៧ លានដូស។
ការបញ្ជាក់របស់លោកស្រីវេជ្ជបណ្ឌិត ឱ វណ្ណឌីន បានធ្វើឡើងនៅក្នុងឱកាសនាំយកអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជូនដល់អ្នកស្ម័គ្រចិត្តចាក់វ៉ាក់សាំងបង្ការជំងឺកូវីដ-១៩ លេខរៀងទី៩លាន គឺលោកយាយ ព្រំ កួយ អាយុ ៧៦ឆ្នាំ ដែលរស់នៅភូមិថ្មសំលៀង ឃុំមៀន ស្រុកអូរាំងឪ ខេត្តត្បូងឃ្មុំ កាលពីថ្ងៃទី២៩ ខែសីហា ឆ្នាំ២០២១ម្សិលមិញ។
លោកស្រីលើកឡើងថា កម្ពុជាយើងទទួលបានវ៉ាក់សាំងជាវគ្គៗ ជាជំហានៗ ហើយវ៉ាក់សាំងដែលទទួលបាននៅក្នុងដៃ មកដល់ពេលនេះមានចំនួនជាង២៥លាន។
លោកស្រីវេជ្ជបណ្ឌិត ឱ វណ្ណឌីន បានបញ្ជាក់ដែរថា ក្រោមការដឹកនាំប្រកបដោយភាពឈ្លាសវៃរបស់សម្ដេចអគ្គមហាសេនាបតីតេជោ ហ៊ុន សែន ធ្វើឱ្យព្រះរាជាណាចក្រកម្ពុជាយើងទទួលបានវ៉ាក់សាំងយ៉ាងច្រើនយកមកប្រើប្រាស់ដោយស្របច្បាប់នៅទូទាំងប្រទេស ហើយវ៉ាក់សាំងទាំងអស់នេះ មានទាំងវាក់សាំងដែលកម្ពុជាយើងបញ្ជាទិញ និងវាក់សាំងជាជំនួយរបស់ប្រទេសជាមិត្ត ដែលមានសាធារណរដ្ឋប្រជាមានិតចិន មជ្ឈមណ្ឌលកូវ៉ាក់ ជំនួយរបស់ជប៉ុនជំនួយរបស់អង់គ្លេស និងជំនួយរបស់សហរដ្ឋអាមេរិកផងដែរ។
នៅក្នុងឱកាសនោះ លោកស្រីវេជ្ជបណ្ឌិត ឱ វណ្ណឌីន សម្តែងនូវមោទនភាព នៃយុទ្ធនាការចាក់វ៉ាក់សាំងនៅកម្ពុជាផងដែរ បន្ទាប់ពីការរកឃើញអ្នកចាក់វ៉ាក់សាំងទី៩លាន ដោយសង្ឃឹមថា ក្រុមគោលដៅដែលមានអាយុ១៨ឆ្នាំឡើងចំនួន១០លាននាក់នេះ នឹងអនុវត្តបានចប់សព្វគ្រប់នៅចុងខែកញ្ញានេះ។
ដោយឡែកចំពោះយុទ្ធនាការចាក់វ៉ាក់សាំងដូសទី៣ ឬដូសជំរុញសម្រាប់ប្រជាពលរដ្ឋទូទៅវិញ លោកជំទាវវេជ្ជបណ្ឌិតសម្តែងការជឿថា សម្តេចអគ្គមហាសេនាបតីតេជោ ហ៊ុន សែន លោកកំពុងតែគិតពីរឿងនេះហើយ ប៉ុន្តែអ្វីដែលសំខាន់នោះ គឺវ៉ាក់សាំង ពីព្រោះមុននឹងយើងចាក់ គឺយើងត្រូវមានវ៉ាក់សាំងសិន។
គិតត្រឹមយប់ថ្ងៃទី២៨ ខែសីហា ឆ្នាំ២០២១ យុទ្ធនាការចាក់វ៉ាក់សាំងវិញ សម្រាប់ក្រុមដែលមានអាយុចាប់ពី១៨ឆ្នាំឡើង អ្នកបានចាក់ដូសទី១ មានចំនួន ៩ ០១២ ៤៥២ នាក់ និងអ្នកបានចាក់ដូសទី២ ចំនួន៨ ០៩៨ ៥៣៤នាក់ ដែលស្មើនឹង៩០.១២ភាគរយ នៃប្រជាជនគោលដៅសរុប១០លាននាក់។
សម្រាប់កុមារ និងយុវវ័យ អាយុពី ១២ឆ្នាំ ដល់ក្រោម១៨ឆ្នាំវិញ អ្នកបានចាក់ដូសទី១ មានចំនួន ១ ៤២៧ ៥៥២ នាក់ ហើយអ្នកបានចាក់ដូសទី២ ចំនួន២៤៤ ២៣៦ នាក់ ស្មើនឹង ៧២.៥៨ ភាគរយ នៃក្រុមគោលដៅសរុបជិត០២លាននាក់៕
អត្ថបទ៖ កោះកែវ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ