ព័ត៌មានជាតិ
មន្ត្រីជាន់ខ្ពស់ស្ថាប័នសិទ្ធិមនុស្សកម្ពុជា សម្តែងការហួសចិត្ត ដែលប្រទេសបិតាប្រជាធិបតេយ្យឈរអោបដៃមើលជនភៀសខ្លួនអាហ្វហ្គានីស្ថាន
លោក ជិន ម៉ាលីន អនុប្រធាន និងជាអ្នកនាំពាក្យគណៈកម្មាធិការសិទ្ធិមនុស្សកម្ពុជា តាមរយៈបណ្តាញសង្គមហ្វេសប៊ុករបស់ខ្លួន នៅថ្ងៃទី៣០ ខែសីហា នេះបានសម្តែងការហួសចិត្តចំពោះប្រទេសមហាអំណាចមួយ ដែលតាំងខ្លួនជាបីតាសិទ្ធិមនុស្ស បិតាប្រជាធិបតេយ្យ ហើយជាប់ពាក់ព័ន្ធទៅនិងការបង្កសង្គ្រាមនៅអាហ្វហ្គានីស្ថាន នាំឱ្យមានវិប្បត្តិជនភៀសខ្លួនតែបែរជាឈរអោបដៃមើលទៅវិញ។
លោក ជិន ម៉ាលីន លើកឡើងយ៉ាងដូច្នេះថា “ប៉ុន្មានថ្ងៃនេះ ប្រទេសមួយចំនួនដែលមិនជាប់ពាក់ព័ន្ធនឹងសង្គ្រាមនៅអាហ្វហ្គានីស្ថាន បានរួមគ្នាបង្ហាញកាយវិការមនុស្សធម៌អន្តរជាតិ ដោយសុខចិត្តទទួលជនភៀសខ្លួនស៊ីវិលអាហ្វហ្គានីស្ថាន ឱ្យស្នាក់នៅបណ្តោះអាសន្នសិន រង់ចាំបំពេញបែបបទចេញទៅប្រទេសទី៣។ ចំណែកឯប្រទេស ដែលតែងតែតាំងខ្លួនជាបិតាសិទ្ធិមនុស្ស និងប្រជាធិបតេយ្យវិញ និងបានរួមគ្នាឈ្លានពាន និងបង្កសង្គ្រាមនៅអាហ្វហ្គានីស្ថាន នាំឱ្យមានវិប្បត្តិជនភៀសខ្លួននាពេលនេះ បែរជាមិនទទួលជនភៀសខ្លួនទាំងនោះ ឱ្យចូលក្នុងប្រទេសរបស់ខ្លួនទៅវិញ តែត្រូវស្នាក់នៅបណ្តោះអាសន្ននៅប្រទេសដទៃសិន ដើម្បីរង់ចាំបំពេញបែបបទ និងលក្ខខណ្ឌជាជនភៀសខ្លួនឱ្យបានចប់សព្វគ្រប់ មុននឹងអនុញ្ញាតឱ្យចូល។ នេះបានហៅថា បិតាសិទ្ធិមនុស្ស និងប្រជាធិបតេយ្យមែន”។
គួររំលឹកកថា វិបត្តិសង្គ្រាមនៅអាហ្វហ្គានីស្ថានថ្មីៗនេះ រុញច្រានប្រទេសមួយនេះឲ្យធ្លាក់ចូលក្នុងស្ថានភាពដ៏មហន្តរាយ និងគ្រោះថ្នាក់បំផុត ក្រោយពេលដែលក្រុមតាលីបង់ បានច្បាមសង្គ្រុបយកអំណាចដោយផ្ដួលរំលំរដ្ឋាភិបាលអាហ្វហ្គានីស្ថាន ក្រោយពេលការប្រកាសដកទ័ពរបស់សហរដ្ឋអាមេរិក ហើយបានធ្វើឲ្យប្រទេសក្រីក្រជាងគេក្នុងពិភពលោកមួយនេះ ធ្លាក់ចុះទៅរកស្ថានភាពដ៏អាក្រក់បំផុត។
ក្នុងនោះក៏មានជនភៀសខ្លួនអាហ្វហ្គានីស្ថាន ជាច្រើនបាននាំគ្នាសម្រុកចាកចេញទៅកាន់បណ្តាប្រទេសនានា។ ដោយឡែក កម្ពុជាក៏បានប្រកាសទទួលយកជនភៀសខ្លួនអាហ្វហ្គានីស្ថានចំនួន៣០០នាក់ផងដែរ។
មកទល់ពេលនេះ គេមិនទាន់ដឹងថា តើជោគវាសនារបស់ប្រទេស អាហ្វហ្គានីស្ថាននឹងក្លាយទៅជាយ៉ាងណានៅឡើយទេ បើទោះបីជាថ្មីៗនេះ ក្រុមមេដឹកនាំតាលីបង់ចេញមុខប្រកាសអំពីការបន្ធូរបន្ថយច្បាប់មួយចំនួនក៏ដោយ ប៉ុន្ដែប្រជាជនអាហ្វហ្គានីស្ថានភាគច្រើននៅតែមិនទុកចិត្តក្រុមឧទ្ទាមនេះនៅឡើយទេ ពីព្រោះកាលពីមុន ក្រុមនេះ ធ្លាប់បានក្ដោបក្ដាប់អំណាចកាលពីជាង២០ឆ្នាំមុន មានការអនុវត្តច្បាប់យ៉ាងឃោរឃៅ ពិសេសការដាក់វិន័យតឹងរ៉ឹងបំផុតចំពោះមនុស្សស្រី៕
ដោយ ៖ កោះកែវ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១០ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៧ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)