ទារកភ្លោះ៣នាក់ នៅកោះកុង សម្រាលមិនគ្រប់ខែ បញ្ជូនមកសង្គ្រោះនៅមន្ទីរពេទ្យកុមារជាតិ ​
Connect with us
Helistar Cambodia - Helicopter Charter Services

ព័ត៌មានជាតិ

ទារកភ្លោះ៣នាក់ នៅកោះកុង សម្រាលមិនគ្រប់ខែ បញ្ជូនមកសង្គ្រោះនៅមន្ទីរពេទ្យកុមារជាតិ ​

បានផុស

នៅ

ស្ត្រី​ជា​ម្តាយ និង​ទារក​ភ្លោះ​៣​នាក់​ ដែល​កើត​មិន​គ្រប់​ខែ​ ហើយ​អាកា​រៈសុខ​ភាពទន់ខ្សោយ​ខ្លាំង កំពុង​ត្រូវ​បាន​ក្រុម​គ្រូពេទ្យ​ខេត្ត​កោះកុង​ ដឹក​បញ្ជូន​សង្គ្រោះបន្ទាន់​នៅ​មន្ទីរពេទ្យ​កុមារ​ជាតិ រាជធានី​ភ្នំពេញ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ក្រុមគ្រូពេទ្យ​នៃ​មន្ទីរពេទ្យបង្អែក​ខេត្តកោះកុង កាលពី​ម៉ោង​៤​ទៀបភ្លឺ​ថ្ងៃទី​៣១ ខែ​សីហា បាន​ខិតខំ​ពុះពារ​អស់ពី​សមត្ថភាព ដើម្បី​ជួយ​សម្រាក​ទារក​៣​ភ្លោះ​ប្រកបដោយ​សុវត្ថិភាព​ទាំង​ទារក និង​ស្ត្រី​ជា​ម្តាយ​។

​លោក​វេជ្ជបណ្ឌិត ហៃ ឡៃ​សុន ប្រធាន​មន្ទីរពេទ្យបង្អែក​ខេត្តកោះកុង ប្រាប់ឱ្យដឹង​នៅ​ថ្ងៃទី​៣១ សីហា​នេះ​ថា ដោយ​ពិនិត្យ​លើ​អាការៈ​សុខ​ភាព​ទារក​ភ្លោះ​ទាំង​៣​នាក់​នេះ​ ហាក់​ទន់ខ្សោយ​ខ្លាំង​គួរឱ្យ​បារម្ភ ឥឡូវ​ក្រុមគ្រូពេទ្យ​បាន​និង​កំពុង​បញ្ជូន​ស្ត្រី​ជា​ម្តាយ និង​ទារក​ទៅ​ស​ង្គ្រាះ​ព្យាបាល​បន្ទាន់​នៅ​មន្ទីរពេទ្យ​កុមារ​ជាតិ នៅ​ឯ​រាជធានី​ភ្នំពេញ​ហើយ ដោយ​នៅ​មន្ទីរពេទ្យ​ពុំ​មាន​កែវ​ចិញ្ចឹម​ទារក​ដែល​កើត​មិន​គ្រប់​ខែ​នោះទេ​។ លោក​វេជ្ជបណ្ឌិត ហៃ ឡៃ​សុន បន្ថែមថា ស្ត្រី​សម្រាលកូន​មានឈ្មោះ ផល បូ​ផា អាយុ​៣៧​ឆ្នាំ មាន​ផ្ទៃពោះ​លើក​ទី​៥​ហើយ​។ ស្ត្រី​អ្នកជំងឺ​រស់នៅ​ភូមិ​ពាម​ក្រសោប​ទី​១ ឃុំ​ពាម​ក្រសោប ស្រុក​មណ្ឌលសីមា គាត់​បាន​ចូល​សម្រាក​នៅ​មន្ទីរពេទ្យ​កាលពី​ថ្ងៃទី​៣០ ខែ​សីហា​ម្សិលមិញ​។

​ក្រោម​ការយកចិត្តទុកដាក់​ខ្ពស់​ខាង​ផ្នែក​សុខភាព​ស្ត្រី និង​ទារក គឺ​កូនភ្លោះ​ចំនួន​៣​នាក់​សម្រាក​ពី​ផ្ទៃ​ម្តាយ​របស់គេ​ជីវិត​រស់​ទាំងអស់ គឺ​ប្រុស​ចំនួន​២​នាក់ និង​ស្រី​១​នាក់​។ កូន​ទី​១ប្រុស មាន​ទំនន់ ០.៧ គីឡូក្រាម, កូន​ទី​២ប្រុស មាន​ទម្ងន់ ១ គីឡូក្រាម, ​កូន​ទី​៣​ស្រី មាន​ទម្ងន់ ០.៧ គីឡូក្រាម​។

​តាម​របាយការណ៍​រប​ស់​មន្ទីរពេទ្យបង្អែក​ខេត្តកោះកុង​បង្ហាញថា គិត​ចាប់តាំងពី​ផ្ទុះ​ព្រឹត្តិការណ៍​២០​កុម្ភៈ​ នៃ​ជំងឺ​កូ​វីដ​១៩​មកដល់​ថ្ងៃទី​៣១ សីហា ឆ្នាំ​២០២១ ក្រុមគ្រូពេទ្យ​ជំនាញ បាន​សម្រាលកូន​ជូន​ស្ត្រី​ដែល​រស់នៅក្នុង​ខេត្ត​បាន​សរុប​ចំនួន​១៧​នាក់​ហើយ ក្នុងចំណោម​នោះ ស្ត្រី​ដែល​សម្រាល​ដោយ​ធម្មជាតិ​ចំនួន​១៣​នាក់ និង​វះកាត់​បាន​ចំនួន​៤​នាក់​។ រីឯ​ស្ត្រី​ផ្សេងទៀត ដែល​កំពុង​សម្រាក​ព្យាបាល​ចំនួន​៦​នាក់​៕

អត្ត​ប​ទ៖ សិរី​វឌ្ឍនៈ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

លោក ម៉ៅ ធនិន សន្យា​រៀប​ចំ​ប្រព័ន្ធ​លូ​បង្ហូរទឹក​កខ្វក់​នៅ​ផ្សារ​កំពង់ត្រាច ដើម្បី​បញ្ចៀស​ការ​ជន់​លិច​និង​ក្លិន​ស្អុយ

ព័ត៌មានជាតិ១ ម៉ោង មុន

បេសកកម្ម​ក្នុង​ការ​ទប់ស្កាត់​ទឹកជំនន់​សណ្តរ​ស្ទឹង​ព្រែក​ត្នោត ទទួល​បាន​លទ្ធផល​ជោគជ័យ អភិបាល​រាជធានី ថ្លែង​ការ​អរគុណ​និង​លើកទឹកចិត្ត កម្លាំង​ដែល​ចូលរួម

ព័ត៌មានជាតិ២ ម៉ោង មុន

សេចក្តីព្រាងច្បាប់ ដើម្បី​បង្កើត​ស្ថាប័ន​សិទ្ធិ​មនុស្សជាតិ ក្រោម​ដៃ​អង្គការ​សង្គម​ស៊ីវិល​រយៈពេល​១៥​ឆ្នាំ​អត់​ចេញ​ជា​រូបរាង

ព័ត៌មានជាតិ២ ម៉ោង មុន

គ្រែ​ពេទ្យ​សម្រាក​ព្យាបាល​អ្នក​ជំងឺ​ចំនួន​៦គ្រឿង​ តម្លៃ​ស្មើ​ជាង​៦.០០០​ដុល្លារ​របស់​ក្រុមហ៊ុន​កាស៊ីណូ ដាយ​មិ​ន​ស៊ី​ធី ធ្វើការ​ឧបត្ថម្ភ​ដល់​អង្គភាព​អាវុធហត្ថ

ព័ត៌មានជាតិ៣ ម៉ោង មុន

រដ្ឋបាល​រាជធានី​នឹងធ្វើ​ការ​បិទ​ចរាចរ​លើ​កំណាត់​ផ្លូវ​មួយ​ចំនួន​នៅ​ក្បែរ​ការដ្ឋាន​សាងសង់​ស្ពាន​អាកាស​ថ្មើរជើង​សន្ធរម៉ុក ចាប់ពី​យប់​ថ្ងៃ​ទី​២៩ ដល់​យប់​ថ្ងៃទី​០២ ខែវិច្ឆិកា​

Sokha Hotels

ព័ត៌មានពេញនិយម

Helistar Cambodia - Helicopter Charter Services