ព័ត៌មានជាតិ
ក្រសួងការបរទេសថា ការរើការិយាល័យស្ថានទូតពីភ្នំពេញទៅបាងកក ជាកិច្ចការផ្ទៃក្នុងរបស់ស៊ុយអែត
អ្នកនាំពាក្យក្រសួងការបរទេស និងសហ ប្រតិបត្តិការអន្តរជាតិកម្ពុជា លោក កុយ គួង បានប្រាប់កម្ពុជាថ្មី នៅរសៀលថ្ងៃទី២៧ ខែ ខែវិច្ឆិកានេះថា ការរើការិយាល័យស្ថានទូត របស់ប្រទេសស៊ុយអែត ជាកិច្ចការផ្ទៃក្នុង តែមិនប៉ះពាល់ដល់ទំនាក់ទំនងរវាងប្រទេសទាំងពីរទេ។
ស្ថានទូតស៊ុយអែត កាលពីថ្ងៃទី២៦ ខែ វិច្ឆិកា ឆ្នាំ២០២០ បានប្រកាសថា នឹងរើការិយាល័យពីភ្នំពេញទៅទីក្រុងបាងកក ប្រទេសថៃ នៅចុង ឆ្នាំ២០២១ ហើយការផ្លាស់ប្តូរនេះ ជាផ្នែកមួយ នៃការសម្របខ្លួនរបស់ស្ថាប័ននៅបរទេសរបស់ក្រសួងការបរទេសស៊ុយអែត ប៉ុន្តែកិច្ចសហប្រតិបត្តិការអភិវឌ្ឍន៍ នៅតែបន្ត។
សេចក្តីប្រកាសព័ត៌មាន ដែលចេញដោយលោកស្រី Ann Linde រដ្ឋមន្ត្រីការបរទេសស៊ុយអែតបានបញ្ជាក់ថា ប្រទេសទាំងពីរមានទំនាក់ទំនងគ្នាយ៉ាងល្អ ប៉ុន្តែនឹងបន្តសហប្រតិបត្តិការតាមផ្លូវថ្មីមួយទៀត ហើយការរុះរើទីតាំងស្ថានទូតនេះ មានន័យថា ស៊ុយអែត នឹងមានឯកអគ្គរាជទូតរបស់ខ្លួនប្រចាំនៅកម្ពុជា និងថៃ ដោយមាននិវេសនដ្ឋាននៅក្រុងបាងកក។ រាល់សកម្មភាពរបស់ក្រសួងការបរទេស ក៏នឹងត្រូវផ្ទេរទៅកាន់ស្ថាន ទូតប្រចាំក្រុងបាងកកផងដែរ។
តាមសេចក្តីប្រកាសព័ត៌មានដដែល នៅពេលដែលស្ថានទូតបិទ ក្រសួងការបរទេសស៊ុយអែត នឹងមិនមានបុគ្គលិករបស់ខ្លួននៅកម្ពុជាទៀតឡើយ ប៉ុន្តែកិច្ចសហប្រតិបត្តិការអភិវឌ្ឍន៍នឹងនៅតែបន្ត ដោយទីភ្នាក់ងារអភិវឌ្ឃន៍អន្តរជាតិស៊ុយអែត (SIDA)។ ការផ្លាស់ប្តូរនេះ ជាផ្នែកមួយ នៃការសម្របខ្លួនរបស់ក្រសួងការបរទេសស៊ុយអែត ដើម្បីឆ្លើយតបនូវការប្រែប្រួលស្ថានភាពខាងក្រៅ និងតម្រូវ ការត្រួតពិនិត្យ និងសេវាកម្មថ្មី។
បើតាមក្រសួងការបរទេសស៊ុយអែត បញ្ជាក់ថា នេះជាដំណើរការផ្លាស់ប្តូរជាប្រចាំ ដែលពេលខ្លះស៊ុយអែតត្រូវបើក ឬបិទស្ថានទូត និងកុងស៊ុលរបស់ខ្លួន។
ទាក់ទងបញ្ហានេះ លោក កុយ គួង បានអះអាងយ៉ាងនេះថា “ជាកិច្ចការផ្ទៃក្នុងរបស់ស៊ុយអែត ក្នុងបិទ ឬបើកស្ថានទូតរបស់ខ្លួននៅក្រៅប្រទេស”។ លោកបន្តថា “ការប្រកាសបិទស្ថានទូតនៅចុងឆ្នាំ ២០២១ខាងមុខនេះ មិនប៉ះពាល់ដល់ទំនាក់ទំនងរវាងកម្ពុជា និងស៊ុយអែតទេ”៕
អត្ថបទ ៖ កោះកែវ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?