ព័ត៌មានជាតិ
អតីតទាហាន កងពលលេខ១២ម្នាក់ បំផ្ទុះគ្រាប់បែក ធ្វើអត្តឃាត
បុរសអតីតជាទាហាន កងពលលេខ១២ម្នាក់ ដែលធ្លាក់ខ្លួនពិការជាង១០ឆ្នាំមកហើយ បានសម្រេចចិត្ត បំផ្ទុះគ្រាប់បែកធ្វើអត្តឃាតខ្លួនឯង ស្លាប់យ៉ាងអាណោចអាធ័ម។
លោក ប៉ិក គឹមហ៊ាក់ អធិការស្តីនគរបាលស្រុកភ្នំស្រុក បានឱ្យដឹងថា ហេតុការណ៍ភ្ញាក់ផ្អើលខាងលើ កើតឡើងកាលពីវេលាម៉ោង ៤ និង១០នាទីព្រឹក កាលពីថ្ងៃទី៣១ ខែសីហា ឆ្នាំ២០២១ នៅភូមិរង្វាន ឃុំណាំតៅ ស្រុកភ្នំស្រុក ខេត្តបន្ទាយមានជ័យ។ បង្កឡើងដោយជនរងគ្រោះឈ្មោះ ម៉ី កូត ភេទប្រុស អាយុ៥៤ឆ្នាំ ជាជនពិការ (ដើរមិនរួច) យូរឆ្នាំ នៅតែម្នាក់ឯង គ្មានប្រពន្ធកូន រស់ដោយសារសាច់ញាតិចិញ្ចឹម និងជាអតីតទាហានផងដែរ។ ក្រោយកើតហេតុ កម្លាំងនគរបាលបានបង្កើតក្រុមការងារហ៊ុមព័ទ្ធកន្លែងកើតហេតុ ដើម្បីឱ្យក្រុមការងារចុះធ្វើកោសល្យវិច័យលើសាកសពជនរងគ្រោះ។
លោកវរសេនីយ៍ឯក សួន សុត្ថារ័ត្ន នាយការិយាល័យ បច្ចេកទេស វិទ្យាសាស្ត្រ នៃស្នងការដ្ឋាននគរបាលខេត្តបន្ទាយមានជ័យ បានឱ្យដឹងថា ក្រោយការត្រួតពិនិត្យ កម្លាំងជំនាញ បានរកឃើញ វត្ថុតាងមួយចំនួនដូចជា៖ ១. គម្របគ្រាប់បែកមានពណ៌ខៀវម៉ាក(មីនី)ចំនួន០១ ២. កន្លាស់គ្រាប់បែកធ្វើពីដែកមូលចំនួន០១ និងនៅលើសាកសពជនរងគ្រោះ មានស្នាមរបួសជាច្រើនកន្លែង។
លោកនាយការិយាល័យបច្ចេកទេស បានបញ្ជាក់ថា ជនរងគ្រោះ មានអវយវៈធម្មតា តែគាត់ដើរមិនរួច ដោយឡែកតាមការឱ្យដឹងពីសាច់ញាតិ ជនរងគ្រោះធ្លាប់ធ្វើជាទាហាន ធ្លាក់ខ្លួនឈឺពិការជាង១០ឆ្នាំមកហើយ។ ក្រោយធ្វើកោសល្យវិច័យ សមត្ថកិច្ចបានសន្និដ្ឋានថា ជនរងគ្រោះពិតជាបានបំផ្ទុះគ្រាប់បែក ធ្វើអត្តឃាតសម្លាប់ខ្លួនឯងពិតប្រាកដមែន មិនមែនជាករណីឃាតកម្មទេ។ ដោយឡែក គ្រាប់បែកដែលជនរងគ្រោះធ្វើអត្តឃាតនេះ សង្ស័យគាត់លាក់ទុកកាលពីធ្វើទាហាន ហើយគ្មានអ្នកណាបានដឹង៕
អត្ថបទ៖ ពៅ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ