Connect with us

ព័ត៌មានជាតិ

ជំនន់ទឹកភ្លៀងកំពុងចាប់ផ្តើម​លិចលង់ផ្ទះសម្បែង និងផលដំណាំពលរដ្ឋ​នៅស្រុកភ្នំព្រឹក

បានផុស

នៅ

អាជ្ញាធរស្រុកភ្នំព្រឹកឱ្យដឹងថា ទឹកភ្លៀងបានធ្លាក់ខ្លាំងតាំងពីយប់ថ្ងៃទី៣១ខែសីហា ឆ្លងចូល ថ្ងៃទី០១ខែកញ្ញា បណ្តាលឱ្យលិចលង់ផលដំណាំនិងផ្ទះសម្បែងប្រជាពលរដ្ឋមួយចំនួន តែមិនទាន់បង្កឱ្យប៉ះពាល់អាយុជីវិតមនុស្សសត្វនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នូវ រិទ្ធី អភិបាលរងស្រុកភ្នំព្រឹកបានប្រាប់ឱ្យដឹងថា ទឹកភ្លៀងធ្លាក់គំហុកនេះបណ្តាលឱ្យប៉ះពាល់ដំណាំ ផ្ទះសំបែងប្រជាពលរដ្ឋ និងហេដ្ឋារចនាសម្ព័ន្ធជាច្រើន នៅក្នុងឃុំចំនួនបី គឺឃុំភ្នំព្រឹក ឃុំបារាំងធ្លាក់ និងឃុំបួរ នៃស្រុកភ្នំព្រឹក។

ទោះបីយ៉ាងណា នៅមិនទាន់ដឹងពីទំហ៊ំនៃការប៉ះពាល់នៅឡើយ ដោយអាជ្ញាធរកំពុងតែប្រមូលព័ត៌មាន បូកសរុបនៅឡើយ។ 

លោក អភិបាលរងស្រុកបានបញ្ជាក់ថា ពេលនេះលោកសុងសុភ័ក្រ្ត អភិបាលស្រុកភ្នំព្រឹកបាន ដឹកនាំមន្រ្តីពាក់ព័ន្ធ និង អាជ្ញាធរមូលដ្ឋានចុះពិនិត្យទីកន្លែងដែលជន់លិច និង ត្រៀមរៀបចំជម្លៀសពលរដ្ឋទៅ ទីទួលសុវត្ថិភាព ខណៈដែលគិតត្រឹមម៉ោងជាង ៣ រសៀលថ្ងៃទី០១ខែសីហា ទឹកភ្លៀងកំពុងបន្តធ្លាក់បន្ថែមទៀត។

ក្រសួងធនធានទឹកនិងឧត្តុនិយម បានចេញសេចក្តីជូនដំណឹងថា ចាប់ពី ថ្ងៃទី០១ដល់ថ្ងៃទី៧ខែកញ្ញា ព្រះរាជាណាចក្រកម្ពុជា ទទួលរងនៅឥទ្ធិពលពីជ្រលងសម្ពាធទាបឥណ្ឌា ក្នុងកម្រិតខ្លាំង ជាមួយប្រព័ន្ធសម្ពាធទាប នឹងថ្ងៃទី២ទី៤និងថ្ងៃទី៧ខែកញ្ញា មានឥទ្ធិពលបន្ថែម គឺខ្សល់សមុទ្រBreeze។

ស្ថានភាពបែបនេះធ្វើអោយបណ្តាខេត្តតំបន់ទំនាបកណ្តាល ,ជាប់ជួរភ្នំដងរ៉ែក និង ខ្ពង់រាបឥសាន និងតំបន់មាត់សមុទ្រ មានភ្លៀងធ្លាក់ពីមធ្យមទៅខ្លាំង លាយឡំទៅដោយ ផ្គររន្ទះ និងខ្សល់កន្រ្តាក់។ 

អំឡុងពេលនេះក៏មានជំនន់ទឹកភ្លៀងនៅតំបន់ទំនាបកណ្តាល និង ក្នុងផ្ទៃសមុទ្រ ពិសេសក្បែរបណ្តា កោះរ​លកសមុទ្រអាចកើតឡើងក្នុងកម្រិតមធ្យមផងដែរ៕

អត្ថបទៈ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៤ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

សន្តិសុខសង្គម១ ថ្ងៃ មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

Sokha Hotels

ព័ត៌មានពេញនិយម