ព័ត៌មានជាតិ
អាជ្ញាធរគ្រោងស្តារប្រឡាយ ស្ថានីយបូមទឹកបឹងទំពុនឱ្យធំដើម្បីរំដោះការលិចលង់
រដ្ឋបាលរាជធានីភ្នំពេញ មានផែនការបំពាក់ម៉ាស៊ីនបូមទឹកថ្មីមួយគ្រឿង ទំហំ១ម៉ែត្រកន្លះ និងទំហំ១ម៉ែត្រ២តឹក ចំនួន២គ្រឿង រួមទាំងការស្តារប្រឡាយទឹកឱ្យកាន់តែធំ និងជីកបុកស៊ីផាយអមសងខាងប្រឡាយ នៅស្ថានីយបូមទឹកបឹងទំពុន ដើម្បីពន្លឿនការបូមទឹកឱ្យបានលឿន បញ្ចៀសនូវការលិចលង់ដោយជំនន់ទឹកទឹកភ្លៀងនៅឆ្នាំក្រោយៗទៀត ។
នេះបើតាមការបញ្ជាក់របស់លោក ឃួង ស្រេង អភិបាលរាជធានីភ្នំពេញ ក្នុងកិច្ចប្រជុំស្ដីពីការអភិវឌ្ឍស្ថានីយបូមបឹងទំពុន នៅសង្កាត់បឹងទំពុនទី១ ខណ្ឌមានជ័យ នាព្រឹកថ្ងៃទី ២៧ ខែវិច្ឆិកា នៅសាលារាជធានីភ្នំពេញ ។
លោកអភិបាលរាជធានីភ្នំពេញ បញ្ជាក់ថា បន្ទាប់ពីឆ្នាំនេះ ស្ថានភាពទឹកភ្លៀងធ្លាក់ខ្លាំងរួមទំាងសមត្ថភាពបូមទឹកនៅ មានកម្រិត បានធ្វើឱ្យតំបន់មួយចំនួន រងការជន់លិចដោយសារជំននទឹកភ្លៀង ដែលបង្កការរំខានដល់ជីវភាព រស់នៅរបស់ប្រជាពលរដ្ឋ។
លោកថា ស្ថានីយបូមទឹកបឹងទំពុន បានទទួលទឹកពីផ្ទៃរងទឹកភ្លៀងជាច្រើន ដែលហូរពី បឹងសាឡាង តំបន់ម៉ុងឌីយ៉ាល់ ផ្លូវ២៦១ សង្កាត់ទឹកល្អក់៣ ខណ្ឌទទួលគោក តំបន់លូប្រាំ ស្ទឹងមានជ័យ និងមួយផ្នែកទៀត នៃខណ្ឌពោធិ៍សែនជ័យ ដែលទាមទារឱ្យមានការអភិវឌ្ឍឡើងវិញ ដើម្បីមានសមត្ថភាពរំដោះទឹកបានលឿន។
លោកបានបញ្ជាក់ថា អាជ្ញាធរ នឹងចាប់ផ្តើមអភិវឌ្ឍន៍ស្ថានីយបូមទឹកនេះ ចាប់ពីដើមរដូវប្រាំងឆ្នាំ២០២១ ដើម្បីធ្វើយ៉ាងណាកុំមានការជន់លិចដោយជំនន់ទឹកភ្លៀង នៅឆ្នាំ២០២១ ខាងមុខតទៀត។
លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានមានប្រសាសន៍ថា ស្ថានភាពម៉ាស៊ីនបូមទឹកបឹងទំពុនបច្ចុប្បន្ន ដំណើរការបាន៦គ្រឿង ដែល៤គ្រឿង ជាម៉ាស៊ីនចាស់ អាចបូមបាន១០ម៉ែត្រគូប ក្នុងមួយវិនាទី និងម៉ាស៊ីនថ្មី ចំនួន២គ្រឿង អាចបូមបានចំនួន៥ ម៉ែត្រគូប ក្នុងមួយវិនាទី ដែលសរុបទាំងអស់១៥ម៉ែត្រគីប ក្នុងមួយវិនាទី ។
តាមការសិក្សាបានឱ្យដឹងថា ផ្ទៃរងទឹកភ្លៀងដែលហូរទៅស្ថានីយបឹងទំពុន មានទំហំ ៣០៣២ហិកតា ប្រសិនបើទឹកភ្លៀង៣០មីលីម៉ែត្រ ក្នុងមួយម៉ោង នោះចំនួនទឹកភ្លៀង នឹងកើនឡើង ជាង៩សែន៩ពាន់ម៉ែត្រគូប ភ្លៀង៤០មីលីម៉ែត្រ ក្នុងមួយម៉ោង បរិមាណទឹកជាង១លាន២សែន និងប្រសិនបើភ្លៀងខ្លាំង៦០ មីលីម៉ែត្រ ក្នុងមួយម៉ោង នោះបរិមាណទឹក នឹងជាង១លាន៨សែន ម៉ែត្រគូប ៕
អត្ថបទ ៖ ស្រីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ