ព័ត៌មានជាតិ
ក្រសួងទេសចរណ៍ ដាក់ឲ្យអនុ វត្តស្តង់ដា ប្រតិបត្តិអប្បបរមា ដល់ប្រភេទអាជីវកម្ម ទេស ចរណ៍ធំៗ ចំនួន៤
ក្រសួងទេសចរណ៍ បានប្រកាសដាក់ ឲ្យអនុវត្តបទដ្ឋានគតិយុត្ត «ការធ្វើបច្ចុប្បន្នភាព នៃការអនុវត្តវិធានសុវត្ថិភាពទេសចរណ៍ និងនិតិវិធីស្តង់ដាប្រតិបត្តិអប្បបរមា (ហៅកាត់ថា SOP) តាមគន្លងប្រក្រតីភាពថ្មី» សម្រាប់អាជីវកម្មទេសចរណ៍ធំៗចំនួន៤ ដែលកំពុងធ្វើសកម្មភាព ដើម្បីរក្សាបាននូវស្ថិរភាពអាជីវកម្ម និងធានាបាននូវសុវត្ថិភាព ជូនដល់ភ្ញៀវទេសចរជាតិ-អន្តរជាតិ។ អាជីវកម្មទេសចរណ៍ទាំង៤នោះ រួមមាន៖ អាជីវកម្មសេវាកម្មស្នាក់នៅទេសចរណ៍, អាជីវកម្មភោជនីយដ្ឋាន-អាហារដ្ឋានទេសចរណ៍, រមណីយដ្ឋានទេសចរណ៍, និងសហគមន៍ទេសចរណ៍ និងអេកូទេសចរណ៍។
ពិធីនេះធ្វើឡើងតាមប្រព័ន្ធ វីដេអូអនឡាញ (Zoom Meeting) នៅថ្ងៃទី១ ខែកញ្ញា ឆ្នាំ២០២១ ក្រោមអធិបតីភាពលោក ថោង ខុន រដ្ឋមន្ត្រីក្រសួងទេសចរណ៍ ហើយក៏មានការផ្សព្វផ្សាយ ដល់រដ្ឋបាលថ្នាក់ក្រោមជាតិ និងផ្នែកឯកជនក្នុងវិស័យទេសចរណ៍ផងដែរ។
ក្នុងពិធីនេះលោក ថោង ខុន រដ្ឋមន្ត្រីក្រសួងទេសចរណ៍ បានថ្លែងថា ការធ្វើបច្ចុប្បន្នភាព វិធានសុវត្ថិភាពទេសចរណ៍ និងនិតិវិធីស្តង់ដាប្រតិបត្តិអប្បបរមា (SOP) តាមគន្លងប្រក្រតីភាពថ្មី សម្រាប់អាជីវកម្មទេស ចរណ៍ធំៗចំនួន ៤ ខាងលើ បានរៀបចំឡើង ស្របតាមវិធានការចាំបាច់ របស់រាជរដ្ឋាភិបាល និងក្រសួងសុខាភិបាល ដើម្បីទប់ស្កាត់ការឆ្លងរាលដាល នៃជំងឺកូវីដ-១៩ និងធ្វើបច្ចុប្បន្នភាពលក្ខខណ្ឌ នៃការអនុវត្តមួយចំនួន ឆ្លើយតបទៅនឹងគន្លងប្រក្រតីភាពថ្មី តាមស្ថានភាពបច្ចុប្បន្ន។ វិធានសុវត្ថិភាពនេះ ត្រូវបានដាក់ឲ្យអនុវត្តជាកាតព្វកិច្ច និងជាលក្ខណ្ឌបន្ថែមក្នុងការស្នើសុំថ្មី ឬបន្តអាជ្ញាបណ្ណទេសចរណ៍។
លោករដ្ឋមន្ត្រីបានបញ្ជាក់ថា «មូលដ្ឋានអាជីវកម្មទេសចរណ៍ណា បំពេញបានតាមលក្ខណៈវិនិច្ឆ័យ ដូចបានកំណត់ក្នុងវិធានសុវត្ថិភាពទេសចរណ៍ នឹងទទួលបានលិខិតបញ្ជាក់ ទទួលស្គាល់អាជីវកម្ម ដែលមានសុវត្ថិភាពប្រឆាំង នឹងកូវីដ-១៩»។
ជាមួយគ្នានេះលោក ថោង ខុន បានស្នើសុំរដ្ឋបាលរាជធានី-ខេត្ត និងមន្ទីរជំនាញពាក់ព័ន្ធ ត្រូវចុះអនុវត្ត ចុះណែនាំ និងផ្សព្វផ្សាយ ដល់គ្រប់មូលដ្ឋានអាជីវកម្ម និងត្រូវរាយការណ៍ជាប្រចាំ ពិសេសត្រូវអប់រំប្រជាពលរដ្ឋ ភ្ញៀវទេសចរ បុគ្គលបម្រើការ នៅតាមគោលដៅទេសចរណ៍នីមួយៗ និងប្រតិបត្តិករទេសចរណ៍ ដែលជាដៃគូសហការ ដើម្បីពង្រឹងការទប់ស្កាត់ ការរីករាលដាលជំងឺកូវីដ និងធានាឲ្យបាន នូវសុខសុវត្ថិភាព ជូនភ្ញៀវទេសចរ។
លោកថា ការជំរុញឲ្យមាន ការអនុវត្តបទដ្ឋានគតិយុត្ត ខាងលើនេះ គឺដើម្បីជួយឲ្យអាជីវកម្មទេសចរណ៍ ទាំង ៤ ប្រភេទធំៗខាងលើ អាចធ្វើសកម្មភាពអាជីវកម្មរបស់ខ្លួនបានផង និងសម្របខ្លួនរៀនរស់ ក្នុងប្រក្រតីភាពថ្មីមួយ។
លោករដ្ឋមន្ត្រី ថោង ខុន បានបញ្ជាក់បន្តថា នៅពេលអាជីវកម្មទេសចរណ៍ទាំង៤នេះ អនុវត្តវិធានសុវត្ថិភាពទេសចរណ៍ និងនិតិវិធីស្តង់ដាប្រតិបត្តិអប្បបរមា (SOP) តាមគន្លងប្រក្រតីភាពថ្មីទាំងនេះ បានត្រឹមត្រូវ នឹងទទួលបានក្ដីទុកចិត្តពីសំណាក់ភ្ញៀវទេសចរ។ យើងទាំងអស់គ្នានឹងចូលរួម ប្រែក្លាយការគំរាមកំហែងពីជំងឺកូវីដ-១៩ ទៅជាឱកាស សម្រាប់ការលើកកម្ពស់គុណភាព សេវាកម្មទេសចរណ៍ ដើម្បីជំរុញការទាក់ទាញទេសចរ ក្នុងស្រុក និង អន្តរជាតិ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ