ព័ត៌មានជាតិ
ពលរដ្ឋជាង ១០០ គ្រួសារប៉ះពាល់ដោយសារជំនន់ទឹកភ្លៀង នៅព្រំដែនតំបន់ម៉ាឡៃ
ទឹកភ្លៀងបានធ្លាក់យ៉ាងគំហុក បង្កជាជំនន់ទឹកជំនន់នៅថ្ងៃទី ១ ខែកញ្ញា នៅអូរព្រំដែនកម្ពុជា-ថៃ លិចផ្លូវ ស្ពាន និងផ្ទះប្រជាពលរដ្ឋនៅតំបន់ម៉ាឡៃ។
មន្ត្រីពាក់ព័ន្ធបាន ជម្លៀសប្រជាពលរដ្ឋទៅរកទីទួលសុវត្ថិភាព ដោយសារកម្ពស់ទឹកបានលិច ប៉ុស្ដិ៍រដ្ឋបាល និងគោលដៅឈរជើងរបស់កងកម្លាំងយោធា នគរបាលការពារព្រំដែន នៅស្រុកម៉ាឡៃ។
លោក ស្វាយ ជា អភិបាលស្រុកម៉ាឡៃ ប្រាប់អ្នកយកព័ត៌មានថា ទឹកជំនន់បង្កឱ្យជន់លិចយ៉ាងខ្លាំង នៅ ភូមិសាស្ត្រ ស្រុក និងខាងទឹកដីថៃ ហើយទឹកមួយចំនួនបានហូរធ្លាក់មកទីទំនាប និងអូរព្រំដែន ខណៈដែលពេលថ្ងៃត្រង់ ទឹកបានជន់លិចយ៉ាងលឿន។
លោក អភិបាលស្រុកបានបញ្ជាក់ឲ្យដឹងបន្តទៀតថាក្នុងនោះ ចំពោះពលរដ្ឋ នៅឃុំបឹងបេងប៉ះពាល់ប្រមាណ៥០គ្រួសារ ឃុំម៉ាឡៃ ប៉ះពាល់ប្រមាណ៦០គ្រួសារ និងប៉ះពាល់ដល់ទីបញ្ជាការដ្ឋាន នៃកងកម្លាំងទ្រោលការងារពលករព្រំដែនលេខ ៥១។
លោក ស្វាយ ជា បានបញ្ជាក់ឲ្យដឹងទៀតថា ជំនន់ទឹកភ្លៀងនេះ ក៏ស្រកចុះបណ្តើរៗ ហើយស្រុងចុះទៅតាមអូរព្រំដែននៃភូមិសាស្ត្រឃំអូរសំព័រ អូរស្រឡៅនិងទួលពង្រ។
លោកបានដឹកនាំមន្ត្រីរាជការ កងកម្លាំងនិងអ្នកពាក់ព័ន្ធបានចេញទ្រោលស្ថានការណ៍គ្រាអាសន្ននិងត្រួតពិនិត្យ បង្ការ សង្ក្រោះគ្រោះធម្មជាតិនេះហើយមកទល់ពេលនេះ មិនមានពលរដ្ឋឬកងកម្លាំងណារងគ្រោះដោយលង់ទឹកឡើយ ឯទំហំខូចខាត ក៏មិនទាន់បានវាយតម្លៃបានដែរ គឺទាល់តែរងចាំពិនិត្យ២ទៅ៣ថ្ងៃទៀតទោះយ៉ាងណា ទឹកបានស្រក ហើយក៏មិនមានភ្លៀងធ្លាក់ខ្លាំងជាបន្តដែរ៕
អត្ថបទ៖ វ៉ាន់ ណាង
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»