ព័ត៌មានជាតិ
ជំងឺដុំពកស្បែកលើសត្វគោក្របី កើនឡើងជិត៣ពាន់ក្បាលក្នុងខេត្តត្បូងឃ្មុំ ខណៈ៣០ក្បាលបានងាប់ជាបន្តបន្ទាប់
ជំងឺដំពកលើស្បែកសត្វ គោ ក្របី របស់ប្រជាពលរដ្ឋនៅខេត្តត្បូងឃ្មុំ នៅតែបន្តរាតត្បាតយ៉ាងខ្លាំងនៅឡើយ គិតត្រឹមថ្ងៃទី១ ខែកញ្ញា ឆ្នាំ២០២១ មានសត្វគោ ក្របី ជិត៣០០០ក្បាលហើយបានកើតជំងឺនេះ និងជាង៣០ក្បាលបានងាប់ ។
ដោយសន្ទុះនៃការរាតត្បាតមិនថមថយ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រម៉ាញ់និងនេសាទ បានផ្តល់វ៉ាក់សាំងចំនួន២០០០ដូស សម្រាប់ចាក់លើសត្វគោ ក្របី ដែលមិនទាន់ឆ្លង ដោយជំហានទី១ អនុវត្តនៅស្រុកតំបែរ ខេត្តត្បូងឃ្មុំ ។
លោក កែន ចន្ទ័សុជាតិ អនុប្រធានការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់និងនេសាទ ខេត្តត្បូងឃ្មុំ បានឱ្យដឹងថា មកទល់នេះ ជំងឺដុំពកស្បែកសត្វ គោ មិនទាន់ស្ងប់ស្ងាត់នៅឡើយទេ ដោយបានបន្តឆ្លងពីតំបន់មួយទៅតំបន់មួយ គ្រប់ក្រុង/ស្រុក ទាំងអស់ក្នុងខេត្តត្បូងឃ្មុំ ហើយមកដល់ពេលនេះ មានសត្វគោជិត៣០០០ក្បាលហើយ បានកើតជំងឺនេះ។
ជំងឺដំពកឆ្លងតាមរយៈសត្វ មូស ខ្សុច សត្វរបោម ដែលវាខាំពីសត្វគោឈឺទៅខាំសត្វគោជាសត្វទាំងនេះជាភ្នាក់ងារចម្លងមេរោគដុំពកក្រោមស្បែកសត្វគោយ៉ាងសកម្មបំផុត ខណៈមកដល់ពេលនេះចំនួនសត្វគោដែលស្លាប់បានកើនដល់ជាង៣០ក្បាលហើយ ដោយភាគច្រើនជាកូនគោ ដោយយកទៅកប់ចោល ។
បើតាមមន្ត្រីជំនាញពេទ្យសត្វបានលើកឡើងថា ជំងឺនេះមិនបង្កឱ្យមានការភ័យខ្លាចពេកនោះទេ តែវាបានប៉ះពាល់ដល់ការលូតលាស់ ប៉ះពាល់ដល់គោផើម ធ្វើឱ្យបាត់សមត្ថភាពបន្តពូជ និងអាចបណ្តាលឱ្យគោងាប់បាន ជាពិសេសកូនគោ ។ ជំងឺនេះ អាចព្យាបាលជាសះស្បើយ ហើយទទួលបានភាពស៊ាំក្នុងរយៈពេល៥ទៅ៧ថ្ងៃ បើទទួលការថែទាំ និងព្យាបាលបានត្រឹមត្រូវ ។
ដូច្នេះ អ្នកដែលចិញ្ចឹមគោ ក្របី បើកើតមានរោគសញ្ញាជំងឺនេះ ត្រូវរាយការណ៍ដល់មន្ត្រីជំនាញ ឬភ្នាក់ងារសុខភាពសត្វភូមិ ដើម្បីផ្តល់ការពិនិត្យ និងពិគ្រោះព្យាបាល ។
សូមបញ្ជាក់ថា ជំងឺដំពកលើស្បែកគោនេះ ធ្វើឱ្យសត្វគោមានអាការៈ ចេញដុំពកលើស្បែកកើតជាដំបៅពេញខ្លួន របើកក្រចកជើង មិនសូវស៊ីស្មៅ និងដេកមិនកើត ពេលមានអាការៈចេញដុំពកច្រើនសត្វគោមានលាមកឈាម ជាដើម។ នេះបើយោងតាមការរៀបរាប់របស់ប្រជាពលរដ្ឋនៅខេត្តត្បូងឃ្មុំ ៕
អត្ថបទ៖ សាន វិឡែម
-
ព័ត៌មានជាតិ១៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)