ព័ត៌មានជាតិ
អ្នកសារព័ត៌មាន នៅភ្នំពេញ អាចទៅចាក់វ៉ាក់សាំង ដូសទី៣ នៅមន្ទីរពេទ្យកុមារជាតិ ចាប់ពីថ្ងៃទី៨ កញ្ញា
មន្ត្រីជាន់ខ្ពស់ ក្រសួងព័ត៌មាន បានអំពាវនាវដល់អ្នកសារព័ត៌មាន នៅរាជធានីភ្នំពេញ ដែលបានចាក់វ៉ាក់សាំងការពារកូវីដ-១៩ដូសទី១ និងដូសទី២ សូមអញ្ជើញទៅចាក់វ៉ាក់សាំងដូសទី៣ ឬដូសជំរុញឲ្យបានគ្រប់ៗគ្នា តាមការជូនដំណឹង របស់ក្រសួងសុខាភិបាល។
កាលពីថ្ងៃទី១១ ខែសីហា ឆ្នាំ២០២១ ក្រសួងសុខាភិបាល បានជូនដំណឹងថា ចំពោះអ្នកសារព័ត៌មាន នៅរាជធានីភ្នំពេញ ដែលបានចាក់វ៉ាក់សាំងស៊ីណូហ្វាម ឬស៊ីណូវ៉ាក់ដូសទី១ និងដូសទី២រួចរាល់ សូមអញ្ជើញទៅចាក់វ៉ាក់សាំងអាស្ត្រាហ្សេនីកា ដូសជំរុញ ឬដូសទី៣ នៅមន្ទីរពេទ្យកុមារជាតិ។ បើតាមក្រសួងសុខាភិបាល ការចាក់វ៉ាក់សាំងជូនអ្នកសារព័ត៌មាន នៅរាជធានីភ្នំពេញ គឺចាប់ផ្ដើមពីថ្ងៃទី៨ ដល់ថ្ងៃទី១៥ ខែកញ្ញា ឆ្នាំ២០២១ ចាប់ពីម៉ោង៨ព្រឹក ដល់ម៉ោង៥ល្ងាច។
លោក មាស សុភ័ណ្ឌ អ្នកនាំពាក្យ ក្រសួងព័ត៌មាន មានប្រសាសន៍ថា ក្រសួងសុខាភិបាល បានជូនដំណឹងរួចហើយ ឲ្យអ្នកសារព័ត៌មាន នៅរាជធានីភ្នំពេញ ទៅចាក់វ៉ាក់សាំងដូសទី៣ នៅមន្ទីរពេទ្យកុមារជាតិ។ ដូច្នេះលោក អំពាវនាវដល់អ្នកសារព័ត៌មាន ដែលបានចាក់ដូសទី១ និងដូសទី២រួចរាល់ សូមទៅចាក់ឲ្យបានគ្រប់គ្នា ដើម្បីទប់ស្កាត់ការឆ្លងជំងឺកូវីដ-១៩។
លោក មាស សុភ័ណ្ឌ មានប្រសាសន៍យ៉ាងដូច្នេះថា «សម្រាប់ក្រសួងព័ត៌មាន សូមអំពាវនាវដល់បងប្អូន ដែលជាអ្នកសារព័ត៌មាន ក៏ដូចជានិយោជិត ដែលគាត់ធ្វើការលើវិស័យព័ត៌មានហ្នឹង ហើយគាត់បានចាក់វ៉ាក់សាំងដូសទី១ ដូសទី២រួចហើយ សូមអញ្ជើញទៅចាក់វ៉ាក់សាំងដូសទី៣ ជាបន្តទៀត ដើម្បីការពារខ្លួនចៀសផុត ពីការរីករាលដាល នៃជំងឺឆ្លងកូវីដ-១៩»។
ក្រសួងសុខាភិបាល បានបញ្ជាក់ថា អ្នកដែលអាចចាក់វ៉ាក់សាំងដូសជំរុញ ឬដូសទី៣ ដោយប្រើប្រាស់វ៉ាក់សាំងអាស្រ្ដាហ្សេនីកាអំឡុងពេលនេះ គឺអ្នកដែលបានចាក់វ៉ាក់សាំងស៊ីណូហ្វាម ឬស៊ីណូវ៉ាក់រួចរាល់ទាំង២ ដូស ហើយត្រូវមានគម្លាតពី៦ ទៅ៨ខែ បន្ទាប់ពីដូសទី១។ ឯកសារ ដែលត្រូវភ្ជាប់ទៅជាមួយ នៅពេលចាក់វ៉ាក់សាំងដូសទី៣ រួមមាន៖ ប័ណ្ណចាក់វ៉ាក់សាំងកូវីដ-១៩, ប័ណ្ណសម្គាល់ខ្លួន ជាអ្នកសារព័ត៌មាន, អត្តសញ្ញា ណប័ណ្ណសញ្ជាតិខ្មែរ ឬក៏ឯកសារដែលប្រើប្រាស់ ក្នុងការចាក់វ៉ាក់សាំងដូសទី១៕
អត្ថបទ៖ ឃួន សុភ័ក្រ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ