ព័ត៌មានជាតិ
លោក ចម ប្រសិទ្ធ៖ ច្បាប់ស្ដីពីការគ្រប់គ្រងទឹកស្អាតត្រូវតែមានដើម្បីសម្រេចតាមគោល ដៅរបស់រាជរដ្ឋាភិបាល
លោកកិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ រដ្ឋមន្រ្តី ក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និង នវានុវត្តន៍បានថ្លែងថាច្បាប់ស្ដីពីការគ្រប់គ្រងទឹកស្អាតត្រូវតែមានព្រោះផ្តល់សារៈសំខាន់ណាស់ដែលមានការគិតគូតាំងពីចុងឆ្នាំ២០១៣ មកម្លេះដោយលោកយល់ថា ការផលិតទឹកស្អាតត្រូវតែមានច្បាប់គ្រប់ គ្រងត្រឹមត្រូវ មួយ បេីមិនដូច្នេះទេ យេីងមិនអាចសម្រេច បានតាមគោលដៅរបស់រាជរដ្ឋាភិបាល ក៏ ដូចជា គោលដៅអភិវឌ្ឍ ប្រកបដោយចិរភាព ដែលកំណត់យកឆ្នាំ២០២៥ តំបន់ទីប្រជុំជន នឹងមានទឹកស្អាតប្រេីប្រាស់ ១០០% និងឆ្នាំ២០៣០ ទឹកស្អាតសម្រាប់ទាំងអស់គ្នានោះទេ ។
លោកកិត្តិសេដ្ឋាបណ្ឌិតទេសរដ្ឋមន្រ្តី ចម ប្រសិទ្ធ បានថ្លែងបែបនេះក្នុងពេលបើកប្រជុំលើសេចក្ដីព្រាងច្បាប់ ស្តី ពី ការ គ្រប់ គ្រង ទឹក ស្អាត របស់ ក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ដែលគ្រោងនឹងរៀបចំធ្វេីរយៈពេលពីរព្រឹក គឺព្រឹកថ្ងៃទី២ និងទី៣ខែកញ្ញា ឆ្នាំ២០២១នេះ។ ប៉ុន្តែត្រូវបានបញ្ចប់ត្រឹមតែមួយព្រឹកថ្ងៃទី២ ខែកញ្ញា ប៉ុណ្ណោះតាមរយៈកិច្ចប្រជុំអន្តរ ក្រសួងតាមប្រព័ន្ធអនឡាញដេីម្បី ពិនិត្យពិភាក្សា លេីសេចក្តីព្រាងច្បាប់ដ៏មានសារៈសំខាន់នេះ ដែលមាន១៥ ជំពូក និង៩១ មាត្រា ក្រោមសហប្រធានដឹកនាំអង្គប្រជុំ ដោយលោកកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្រ្តី ក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និង លោកខូយ ឃុន ហួរ រដ្ឋលេខាធិការ នៃទីស្តីការ គណរដ្ឋមន្ត្រី ។
មានប្រសាសន៍បេីក និងបិទកិច្ចប្រជុំលោកកិត្តិសេដ្ឋាបណ្ឌិតទេសរដ្ឋមន្រ្តី ចម ប្រសិទ្ធ និងឯកឧត្តមរដ្ឋលេខាធិការ ខូយ ឃុនហួរ ជាសហប្រធានអង្គប្រជុំបានបញ្ជាក់ថា មុននឹងឈានដល់ដំណាក់កាលនេះច្បាប់ ស្តីពីការគ្រប់គ្រងទឹកស្អាត ដែលបានព្រាងឡេីងតាំងពីឆ្នាំ២០១៦មក បានឆ្លងកាត់ ការពិភាក្សាកំរិតជំនាញ កិច្ចប្រជុំ តូច ធំ និងសិក្ខាសាលា ជាច្រេីន លេីកច្រេីនសារ ដែលយេីងកត់សំគាល់ថាមានលក្ខណៈស្ទេីរគ្រប់ជ្រង់ជ្រោយទៅហេីយ ទេីបពេលនេះ យេីងអាចពិនិត្យនិងពិភាក្សាក្នុងក្របខ័ណ្ឌអន្តរក្រសួងបានឆាប់រហ័សមុនកាលកំណត់ ។
លោកសហប្រធានបានថ្លែងអំណរគុណ ចំពោះមន្ត្រីជំនាញអន្តរក្រសួងក្រុមប្រឹក្សាអ្នកច្បាប់ និគណៈកម្មការសេដ្ឋកិច្ចសង្គម និងវប្បធម៌ដែលបានប្រឹងប្រែងពិភាក្សាកែលំអរ និងផ្តល់ធាតុចូលជាច្រេីន ដែលធ្វេីឲ្យច្បាប់នេះ មានលក្ខណៈកាន់តែសុក្រឹតគ្រប់ជ្រុងជ្រោយ ដែលយេីងនឹងអាចដាក់ឆ្លងទៅគណៈរដ្ឋមន្ត្រី អនុម័តនាពេលឆាប់ៗខាង មុខនេះ ។
ក្នុងនោះលោកកិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ ក៏បានលេីកឡេីងផងដែរពីសារៈសំខាន់ នៃច្បាប់នេះ ដែលលោកផ្ទាល់មានការគិតគូតាំងពីចុងឆ្នាំ ២០១៣ មកម្លេះ ពីព្រោះលោក យល់ថា ការផលិត ទឹកស្អាត ត្រូវ តែមានច្បាប់គ្រប់ គ្រងត្រឹមត្រូវ មួយ បេីមិនដូច្នេះទេ យេីងមិនអាចសម្រេច បានតាមគោលដៅរបស់រាជរដ្ឋាភិបាល ក៏ ដូចជា គោលដៅអភិវឌ្ឍ ប្រកបដោយចិរភាព ដែលកំណត់យកឆ្នាំ២០២៥ តំបន់ទីប្រជុំជន នឹងមានទឹកស្អាតប្រេីប្រាស់១០០% និងឆ្នាំ ២០៣០ ទឹកស្អាត សម្រាប់ទាំងអស់គ្នា នោះទេ ។
ម៉្យាង ច្បាប់នេះ ជាច្បាប់ដែលបម្រេីផល ប្រយោជន៍ សាធារណៈ ប្រជាជន និងសេដ្ឋកិច្ច ទាំងមូល ដែលលោក មានការរីករាយ ដោយបន្ទាប់ពីច្បាប់នេះចេញហេីយ ស្ថាប័ន ពាក់ព័ន្ធ ទាំងអស់ មិនត្រឹម តែ អនុវត្តមិន មាន ការជាន់សមត្ថកិច្ចគ្នាទេ តែបានក្លាយ ទៅជាដៃគូសហការ និងបែងចែកភារកិច្ចគ្នាធ្វេីប្រកបដោយការទទួលខុសត្រូវ ខ្ពស់ចំពោះរាជរដ្ឋាភិបាល និងប្រជាជនម្ចាស់ឆ្នោត ៕
អត្ថបទ៖ វិមាន
-
សន្តិសុខសង្គម៣ ថ្ងៃ ago
UPDATE: បុរសបាញ់នារីនៅខណ្ឌសែនសុខ ជាមេធាវី និងធ្លាប់ប្រុងទៅលោតទឹកនៅស្ពានកោះនរា
-
ព័ត៌មានជាតិ២០ ម៉ោង ago
ខេត្តចំនួន ៤ អាកាសធាតុចុះត្រជាក់ ១៧ អង្សា នៅពេលព្រឹក
-
ព័ត៌មានជាតិ៤ ថ្ងៃ ago
ក្រុមហ៊ុនចំនួនពីរគ្រោងបោះទុនវិនិយោគជាង ៤ ០០០ លានដុល្លារនៅកម្ពុជា
-
កីឡា៦ ថ្ងៃ ago
អនុប្រធានគុនខ្មែរប្រកាសធ្វើសន្និសីទឆាប់ៗពីជំនួប ធន់ រិទ្ធី-សៃយុគ
-
ជីវិតកម្សាន្ដ៧ ថ្ងៃ ago
តួឆ្នាស Natinee ប្រកាសរៀបមង្គលការជាមួយស្វាមី ក្រោយពន្យារពេលជិត៤ឆ្នាំ
-
សន្តិសុខសង្គម៣ ថ្ងៃ ago
សមត្ថកិច្ច ឃាត់ខ្លួនជនសង្ស័យម្នាក់ ពាក់ព័ន្ធរឿងលួចដកប្រាក់ពីគណនីធនាគារ AMK ៨១៤០ដុល្លារ
-
ព័ត៌មានជាតិ២ ថ្ងៃ ago
ព្រឹកនេះ នាវាខ្នាតធំ ២គ្រឿង ដឹកភ្ញៀវទេសចរ និងនាវិកជាង ៤ពាន់នាក់ ចូលចតនៅកំពង់ផែក្រុងព្រះសីហនុ
-
ចរាចរណ៍៥ ថ្ងៃ ago
ព័ត៌មានបឋម៖ រថយន្ត Alphard ក្រឡាប់ផ្ងារជើងលើផ្លូវល្បឿនលឿនរងរបួស និងស្លាប់ច្រើននាក់